سؤال لخبراء ال CMS

[Memetrus]

السلام عليكم
يؤسفني ان يكون اول موضوع ليا اسئلة وارجو ان تجاوبوني عليها لكن ما باليد حيلة انا لسه بالنسبالكم مبتديء
انا حاليا بنشيء موقع ان شاء الله و جاري التسجيل في شركة الاستضافة
لكن انا عندي كام استفسار بخصوص سكريبتات ال Content Management System CMS

- اول حاجه عايز اعرف هوا ال CMS scripts دي بتتركب في ال CPanel زي اي سكريبت للموقع ولا ليها طريقة في التركيب ؟

-تاني حاجه هيا ال CMS دي تفرق في حاجه اذا انا اخترت اي تمبلت للموقع ؟ يعني انا شايف مؤخرا ان عدد كبير من Joomla Templates بدأت تنتشر طيب فيها حاجه لو انا استخدمت تمبلت جوملا مع اني بستخدم مثلا سكريبت Drupal كنظام ادارة المحتوى ؟؟

-تالت حاجه هل ينفع استخدم مثلا Joomla كنظام ادارة المحتوى للموقع ككل وبعدين اختار PHPBB كنظام ادارة محتوى المنتدى اللى داخل الموقع ؟

- ايه هوا افضل CMS شكلاً وافضلهم في السهولة ( غير جوملا مللت من كتر ما شفتها )
ارجو الافادة لو تكرمتم

[wap]

السلام عليكم و رحمة الله و بركاته
اهلا و سهلا بك اخى الكريم فى الويب العربى و يشرفنا وجودك معنا
نظم إدارة المحتوى هى عبارة عن اسكربت زى اى اسكربت و تركيبة زى تركيب اى اسكربت , من السى بانل و من قاعدة البيانات , و لكن الاختلاف فى نقطة ان نظم إدارة المحتوى هى عبارة عن نظام متكامل لإدارة موقعك و التعديل به بما يتناسب معك

فعلى سبيل المثال استطيع ان اجعل اسكربت جملة شركة استضافة و ايضا استطيع ان اجعلة جالرى صور

كل نظام إدارة محتوى له القوالب الخاصة به , و مش ينفع يتركب على نظام تانى لان كل نظام له جداول قاعدة بيانات مختلفة

الكلام ده على القوالب الجاهزه , لكن لو انت مطور ويب تقدر تعمل قالب جملة شبية بنيوك او باى اسكربت تانى

دلوقتى بقى فيه تقنيات انك تدمج اسكربتين مع بعض بمعنى انك تقدر تدمج منتدى سواء فى بى او بى بى فى جملة

بحيث الموقع يظهر من الصفحة الاولى كانه جملة و يكون جواه المنتدى بنفس شكل القالب و كانه جزء من الموقع و فى نفس الوقت فى الصفحة الاولى اخر مشاركات المنتدى و كانهم اسكربت واحد

و فيه حاجات جاهزه زى نيوك مدمج فيها بى بى و تقدر تغيره و تخلية فى بى

اهم شىء انك تفكر انت عايز نظام إدارة المحتوى ده لاية ,بمعنى انت هتعمل موقع فيديو و لا صور و لا ايه بالضبط

انا تحت امرك فى اى استفسار و اتمنى لك التوفيق باذن الله

السلام عليكم

[Memetrus]

شكرا ليك يا استاذ محمد افدتنى في اسئلتي بس معلش لسه عندى اسئلة عشان تكمل الصورة عندي
طيب هوا ينفع انشئ موقعي من غير نظام ادارة المحتوى خالص ؟؟؟ ولا لازم اركب نظام منهم ؟
انا افتكر زمان كنت اسمع ان الواحد يقدر يعمي اي موقع بسيط على الفرونت بيج ويرفعه بالاف تي بي على الموقع وخلاص زززمش عارف بأه دا يمشي مع المواقع المعقدة اللي فيها تشعبات كتيير تقريبا لأ ؟

تاني حاجه لما انا هتحكم بالموقع بالكامل عن طريق سكريبت نظام ادارة المحتوى ..اومال ال Cpanel بتعمل ايه ؟؟ يعني ايه الفروق بين التحكمات في الاتنين .....معلش انا لسه لحد دلوقتي بشوف صور لل Cpanel وصور لل CMS لكن لسه متعاملتش معاهم

تالت حاجه بالنسبة للقوالب
انا عندي قوالب من موقع تمبلت مونستر و موقع تمبلت بوكس كتييييييير متعدش ...ازاي اعرف بأه ان التمبلت دي تبع النظام كذا ؟؟؟

رابع حاجه ازاي اصلا اجيب سكريبت ادارة المحتوى دا مثلا ل drupal هوا مجاني ولا هشترية ؟

معلش ارهقتك بأسئلتي ...ربنا يزيدك من علمه ويبارك فيك
شكرا
محمد

[wap]

انا افتكر زمان كنت اسمع ان الواحد يقدر يعمي اي موقع بسيط على الفرونت بيج ويرفعه بالاف تي بي على الموقع وخلاص زززمش عارف بأه دا يمشي مع المواقع المعقدة اللي فيها تشعبات كتيير تقريبا لأ ؟


نعم صحيح اخى تستطيع ان تقوم بعمل موقع بالفرنت بيدج بحيث تظهر الصفحة بوسوم الهتمل , و لكن هذا يعتبر موقع استاتيك ثابت اما الان الوضع تغير اصبحت المواقع دينمك و يستطيع الموقع ان يعمل من تلقاء نفسة دون تدخل بشرى حتى و بلغات برمجة كتير و اصبحت متداخلة حتى مع بعضها البعض , احيانا بنحتاج نضيف كود هتمل فى مدونة او مجلة او ادارة محتوى


تاني حاجه لما انا هتحكم بالموقع بالكامل عن طريق سكريبت نظام ادارة المحتوى ..اومال ال Cpanel بتعمل ايه ؟؟ يعني ايه الفروق بين التحكمات في الاتنين .....معلش انا لسه لحد دلوقتي بشوف صور لل Cpanel وصور لل CMS لكن لسه متعاملتش معاهم


لوحة السى بانل ده لوحة تحكم الاستضافة , تحتوى على تحكم فى الدومينات و المساحة و الاحصائيات و ممكن تكون لاكتر من موقع فى نفس الوقت , لكن لوحة تحكم إدارة المحتوى بتكون للتعديل فى المجلة او الموقع من ناحية اضافة صور او اضافة كتابة او مقالة و التعديل فى شكل الموقع

تالت حاجه بالنسبة للقوالب
انا عندي قوالب من موقع تمبلت مونستر و موقع تمبلت بوكس كتييييييير متعدش ...ازاي اعرف بأه ان التمبلت دي تبع النظام كذا ؟؟؟

المفروض و انت بتنزل القالب بتعرف هو خاص باى اسكربت لكن انا تصورى ان القوالب ده قوالب هتمل مش خاصة باى نظام ادارة محتوى ,ده بنسخدمها فى الغالب علشان نعمل قوالب للمجلات و نظم ادارة المحتوى بمعنى ان ده شغل المصمم , باقى نضيف عليها شغل المطور او المبرمج علشان يبقى قالب إدارة محتوى , و ممكن تستخدمها فى نفس الوقت كصفحة هتمل عادية

رابع حاجه ازاي اصلا اجيب سكريبت ادارة المحتوى دا مثلا ل drupal هوا مجاني ولا هشترية ؟

معظم اسكربتات إدارة المحتوى بتكون بى اتش بى يعنى مفتوحة المصدر و فى الغالب مجانية , البعض بيكون بفلوس زى مثلا انفنتى
لكن الغالب مجانى

لو عايز النسخة الانجليزى ابحث فى جوجل بالانجليزى مثلا jommla
لو عايز النسخة المعربة ابحث بالعربى جملة او نيوك او ورد برس او e107

drupal حقيقا معنديش معلومات كتير عنه لكن اعتقد انه مجانى و كل الاسكربتات ده بتكون موجودة فى لوحة تحكم السى بانل تقدر تقوم بتنصيبها بضغطة زر

معلش ارهقتك بأسئلتي ...ربنا يزيدك من علمه ويبارك فيك
شكرا


العفو اخى الكريم اهلا و سهلا بك اى وقت

[Memetrus]

شكرا ليك استاذ محمد على اجاباتك
سؤال اخير
هل كل نظام ادارة محتوى بيختلف في الشكل و طريقة التعامل فقط عن باقي الانظمة ولا بيختلف في المحتوى ايضا ؟
يعني انا ببني موقعي هيكون فيه منتدى و اخبار وبرامج وكتب وفيديو و خدمة ايميل و فروع كتييير اخرى ...لما اجي اختار النظام بختاره على اساس شكله هيبقى كذا وهتعامل معاه مثلا بسهولة ؟ ولا على اي اساس بختار النظام المناسب ؟
وتنصحني بأي نظام ؟

[wap]

اكيد بيختلف فى الشكل و طريقة التعامل لان كل واحد منهم له لوحة تحكم مختلفة و لية جداول فى قاعدة البيانات مختلفة ,

لما تيجى تختار نظام تشوف الاول انت عايز الموقع يكون فيه ايه

بمعنى لو انت عايز الموقع يكون فيديو و صور و اخبار و منتدى

يبقى هتيجى تشوف نظام محتوى فيه الحاجات ده , مثلا نيوك و لو انه مش نظام محتوى متكامل ده مجرد مجلة

هتلاقى فيها مكان تضيف فيه الاخبار و هتلاقى فيها منتدى هتحتاج تضيف صور و فيديو هتلاقى فيه اضافات للموضوع ده عبارة عن اضافات تضاف للمجلة علشان تدعم كل ده

و نفس الشىء لكل اسكربت , و هى ده فكره انه نظام قابل للتطوير بحيث تخلية حسب ما انت عايز

طبعا لما حد بيسالنى اى نظام تختار هقول جملة ,
لكن حسب برضة انت ظروفك ايه مبتدىء غير محترف و تقدر تقدم للنظام ده ايه , يعنى مثلا ممكن يكون نظام معقد مش تقدر تتعامل معاه

انصحك فى البداية بالنيوك او mkportal او البوابة العربية

ولما تشعر انك بدات تتعود عليهم و تعرف الفكره ماشية ازاى ابدا فى جملة او اى نظام محتوى من النظم الكبيرة

و اتمنى لك التوفيق و انا تحت امرك فى اى استفسار

[abo_abd_elmalk]

ما شاء الله حوار رائع وردود جميلة ومفيدة من أخى واستاذى م/محمد فياض
احب اعقب فقط على نقطة
بخصوص drupal هو نظام ادارة محتوى مجانى وهو خاص أكثر بالنشر الصحفى ( معقد نسبيا مع ان له تعريب )

ثانيا بخصوص انك عاوز تركب نظام ادارة محتوى فأنا ازكيلك وارشحلك الوردبريس قوى جدا ويمكن تطويعه كما تشاء

وبخصوص نمطية عملهم زى ما البشمهندس محمد رد ( الموضوع كله قايم على استدعاء من قواعد البيانات وتوظيفها بشكل جيد ) وده طبعا اسلوب المبرمج

لكن لو انت مبرمج متقدم ممكن تعمل الاضافات اللى تحتاجها لموقعك
للعلم هى سهلة جدا فى ووردبريس