خالد العميري
29-05-2008, 07:10 PM
بسم الله الرحمن الرحيم
قبل تتهور وتملك موقع هذه معلومه مهمه لازم تعرفها
عشان تضمن حقك من جهة وعشان لا تغث العالم من جهة ثانيه :D
أهم شي لازم تعرفه هو الدومين اللي يسمونه احيانا اسم النطاق
اللي هو عنوان موقعك
مثال
www.arabwebtalk.com
طبعا بعيد عن الكلام العلمي اللي ممكن يصعب عليك الموضوع خلك من المعلومات العلمية الدقيقه لانك ممكن تلاقيها في النت عن طريق البحث في قوقل او غيره من محركات البحث .
الدومين ينحجز بالسنه يعني ممكن تحجزه سنه او سنتين او اكثر المهم انه شيء لازم تجديد له كأنك مستاجره لانه شيء محد يقدر يملكه مدى الحياة حتى لو حجزته مية سنه بينتهي بعد مية سنه ويصير من حق اي شخص غيرك في العالم يحجزه بعدك :(
الدومين اللي هو اسم موقعك يجي له لوحة تحكم خاصة فيه مالها علاقة بلوحة تحكم موقعك او لوحة تحكم منتداك او حتى لوحة تحكم كومبيوترك :p
فائدة لوحة تحكم الدومين هي انك تقدر توجه دومينك لاي استضافة انت حاجز عندها مساحة ( كلام خطير هنا :eek: )
مثلا انت حاجز مساحة عن مستضيف اسمه اللوح
اللوح هذا ماعنده ذمه وبهذلك وكل يوم والثاني موقعك متعطل كيف تقدر تنقل الى مستضيف ثاني نفرض اسمه أمين ؟
أمين بيقول لك انا اقدر انقل ملفات موقعك عندي لكن كيف تقدر توجه دومينك بدل ما يودي لموقعك عند اللوح يصير يودي لموقعك عندي .
هنا تجي فايده لوحة تحكم الدومين لان امين بيعطيك شيء اسمه الـ DNS
تروح انت من لوحة تحكم الدومين تغير الـ DNS بدل ما يكون حق اللوح تحط بداله حق امين
طبعا العمليه هذي تحتاج كم ساعه ويصير دومينك ( لقم ) التغيير وصار يودي لموقعك عند امين .
لو كان ماعندك لوحة تحكم دومينك كذا اللوح بيبدأ يستعمل معك اسلوب رخيص ويذلك ويقهرك ومايخليك توجه دومينك لاي استضافة ثانيه وفي الاخير تقول امري لله وتروح تحجز لك دومين جديد وتبدأ تراسل زوارك وتقول ياجماعة الخير غيرنا العنوان طبعا بتخسر كثير وكأنك تبدأ من الصفر .
عاد بقية الاشياء المهمه اللي لازم تعرفها مثل لوحة تحكم موقعك واجار المساحة وكيف تعرف الكمية اللي استهلكتها من مساحة موقعك وكمية نقل البيانات اللي هي الباندوث وكيف تنقل ملفات من والى موقعك وكم شغله ثانيه مهمه ان شاء الله بيشرحونها الشباب في هذا الموضوع
ملاحظه : الموضوع للناس اللي ماعندهم اي معلومات عن المواقع يعني ياليت اللي بيتفضل ويشرح شيء يكون شرح بسيط ومن الصفر وما يدخل في العميق حتى الاخوان الجدد في عالم المواقع يستوعبون المعلومه بسهوله .
تحياتي
قبل تتهور وتملك موقع هذه معلومه مهمه لازم تعرفها
عشان تضمن حقك من جهة وعشان لا تغث العالم من جهة ثانيه :D
أهم شي لازم تعرفه هو الدومين اللي يسمونه احيانا اسم النطاق
اللي هو عنوان موقعك
مثال
www.arabwebtalk.com
طبعا بعيد عن الكلام العلمي اللي ممكن يصعب عليك الموضوع خلك من المعلومات العلمية الدقيقه لانك ممكن تلاقيها في النت عن طريق البحث في قوقل او غيره من محركات البحث .
الدومين ينحجز بالسنه يعني ممكن تحجزه سنه او سنتين او اكثر المهم انه شيء لازم تجديد له كأنك مستاجره لانه شيء محد يقدر يملكه مدى الحياة حتى لو حجزته مية سنه بينتهي بعد مية سنه ويصير من حق اي شخص غيرك في العالم يحجزه بعدك :(
الدومين اللي هو اسم موقعك يجي له لوحة تحكم خاصة فيه مالها علاقة بلوحة تحكم موقعك او لوحة تحكم منتداك او حتى لوحة تحكم كومبيوترك :p
فائدة لوحة تحكم الدومين هي انك تقدر توجه دومينك لاي استضافة انت حاجز عندها مساحة ( كلام خطير هنا :eek: )
مثلا انت حاجز مساحة عن مستضيف اسمه اللوح
اللوح هذا ماعنده ذمه وبهذلك وكل يوم والثاني موقعك متعطل كيف تقدر تنقل الى مستضيف ثاني نفرض اسمه أمين ؟
أمين بيقول لك انا اقدر انقل ملفات موقعك عندي لكن كيف تقدر توجه دومينك بدل ما يودي لموقعك عند اللوح يصير يودي لموقعك عندي .
هنا تجي فايده لوحة تحكم الدومين لان امين بيعطيك شيء اسمه الـ DNS
تروح انت من لوحة تحكم الدومين تغير الـ DNS بدل ما يكون حق اللوح تحط بداله حق امين
طبعا العمليه هذي تحتاج كم ساعه ويصير دومينك ( لقم ) التغيير وصار يودي لموقعك عند امين .
لو كان ماعندك لوحة تحكم دومينك كذا اللوح بيبدأ يستعمل معك اسلوب رخيص ويذلك ويقهرك ومايخليك توجه دومينك لاي استضافة ثانيه وفي الاخير تقول امري لله وتروح تحجز لك دومين جديد وتبدأ تراسل زوارك وتقول ياجماعة الخير غيرنا العنوان طبعا بتخسر كثير وكأنك تبدأ من الصفر .
عاد بقية الاشياء المهمه اللي لازم تعرفها مثل لوحة تحكم موقعك واجار المساحة وكيف تعرف الكمية اللي استهلكتها من مساحة موقعك وكمية نقل البيانات اللي هي الباندوث وكيف تنقل ملفات من والى موقعك وكم شغله ثانيه مهمه ان شاء الله بيشرحونها الشباب في هذا الموضوع
ملاحظه : الموضوع للناس اللي ماعندهم اي معلومات عن المواقع يعني ياليت اللي بيتفضل ويشرح شيء يكون شرح بسيط ومن الصفر وما يدخل في العميق حتى الاخوان الجدد في عالم المواقع يستوعبون المعلومه بسهوله .
تحياتي