الويب العربي - الحماية من هجمات حجب الخدمة, how t0 stop DDos,

السلام عليكم

كنت قد كتبت درس من فترة وكان عن كيفية تحديد أي بى ثابت وكنا مسمين السلسلة لو تفتكرو لا للإحتكار والفلوس الكتار :D

النهاردة إن شاء الله هنكمل اللى بدأناه , وهو الحماية من هجمات

DDos Or Distributed Denial of Service

خلونا الاول نعرف أيه الهجوم دا بيضر إزاى و وظيفته أيه

الهجوم من النوع دا للأسف بيشكل رعب لأصحاب السرفرات , والناس اللى قرأت عنه بتوسع

بدأت تفهم أنه شيء تافه نوعاً ما لو الأدمن صاحى حبتين

العروض بالنسبة فى شركات الحماية تلاقيه يكتب أرقام فلكية للحماية من الهجمات دى , وطبعاً

هو مبيعملش حاجة ودا اللى هتعرفوه دلوقت :d

ندخل في الموضوووووووع

Here we go.........

الأول خلونا نعرف حبة مصطلحات يمكن تنفعنا لو فهمنا معناها ..

KeepAlive : هو المسؤول عن أنه يكون فى إتصال أو أكثر لمدة ثانية مثلاً من نفس المستخدم

MaxKeepAliveRequest : هو أكبر عدد يمكن تحديده للإتصال على السرفر من إتصال ثابت بمعنى أوضح نفس الأيّ بي

KeepAliveTimeout : هو مقدار عدد الثواني بين اللى هيسمح بيها البوكس بين كل إتصال وإتصال من نفس الأيّ بيي

Timeout : هو مقدار الوقت المسموح بيه قبل عملية الكونكشن نفسها هى اللى الريسيف والسينت قبل ما يدي تايم أوت أو ميسمحش بعرض الصفحة

MinSpareServers : المسؤول عن عملية فحص دورية ويعرف عدد المنتظرين عملية الطلب , اللي هي السيند والريسيف أو الإتصال مع البوكس عموماً

MaxSpareServers: مرتبط باللى قبله ولو هو أكتر منو هيلغى عمليات إتصال كتيرة

دول اللى هنعوزهم النهاردة فى شرحنا ..

ندخل في الشغل..

دلوقت حسيت التصفح تقيل , أو لاقيت الأباتشى فيلد أو الحاجات المعروفة اللى بنشوفها فى السرفرات والشكاوى اللى بتيجي أول خطوة أيه؟

كود:

Uptime

الآمر دا عبارة عن بيعرفك اللود كام على سرفرك ودا اللى محتاجينه أحنا

عموما عشان مش يحصل لخبطة أعلى شيء على اللود في كل الانواع سواء كان معالج واحد أو أتنين او تلاتة أو أي حاجة مش يزيد عن 5

أكتر من كدا يبقى فى حاجة من 3

Attack بشتى أنواعه

Spam

localdos

والإسبام معروف طبعاً حلوله ولو حد عايز يسأل عن حلوله يتفضل يطلبها

نرجع لموضوعنا... الأتاك هيكون دانيال أوف سيرفس

بداية نعرف الترافيك المستخدم على السرفر في الوقت الحالى عادي ولالا؟

فى طريقتين ..... الأولى أني أكلم الداتا سنتر وأطلب منهم القياس من الرواتر بالظبت؟

والطريقة دى بطيئة لانه مش كل الـداتا سنترس سريعة في العمليات دى
الطريقة التانية وهي تركيب برنامج رائع

BWM – NG

طريقة التركيب..

كود:

cd /usr/local/src

كود:

wget http://www.gropp.org/bwm-ng/bwm-ng-0.5.tar.gz

كود:

tar -zxf bwm-ng-0.5.tar.gz

كود:

cd bwm-ng-0.5

كود:

./configure; make; make install

ومن ثم أنتهي التنصيب ندخل في القياس البرنامج وظيفته بيقيس الترافيك

** ملاحظة مهمة , لا تعتمد على لوحة التحكم لديك لأنها تقيس الترافيك على الأباتشى فقط , لكن يوجد موارد أخرى تستهلك الترافيك الميلات .. الأف تي بي .. POP3 إلخ... لذلك عليك بالبرامج الخاصة بذلك

نعود لموضوعنا.. ونكتب الآمر التالى

كود:

bwm-ng

هيطلع لنا الترافيك على اليمين , المعدل الأقصى لأيّ سرفر عادي لا يتجاوز نسبة معينة

مثال , الباندويث عندك 1500 جيجا شهريّاً يبقى التصفح العادى بالنسبة لك لازم يكون فى البرنامج مش أكتر من 550 كيلو بايت حد أقصي أو 600

أكثر من كدا يبقى في Attack وبكدا المشكلة فى الترافيك وحلها هنعرفه تحت طبعاً

نروح نشوف حالة الأباتشى أيه بالأمر التالى

كود:

Httpd status

**ملاحظة , بعض السرفرات الأمر دا مبيديش ناتج ليهم للاسف

وبيطلع الرسالة دى

Not Found

The requested URL /server-status was not found on this server.

Additionally, a 404 Not Found error was encountered while trying to use an
ErrorDocument to handle the request.

والحل كالتالى

التعديل فى ملف الكونفنج للاباتشى

كود:

pico -w /etc/httpd/conf/httpd.conf

**البحث بيتم عن إتخدام Ctrl + W

والبحث عن التالى

كود:

#<Location /server-status> SetHandler server-status# Order deny,allow# Deny from all# Allow from example.com # #< /Location>

شيل كل العلامات اللى من النوع دا #

وغير كلمة إيكسامبل بـ كلمة

localhost

ومن ثم أعد تشغيل الأباتشى

كود:

httpd restart

وأكتب الآمر مرة أخرى سيعمل وعلى ضمانتى :D

هيديلك حاجة بالشكل دا

Server Version: Secured By : S-eLNeT
Server Built: Sep 6 2005 11:46:00
__________________________________________________ _______________

Current Time: Wednesday, 05-Oct-2005 18:16:02 EDT
Restart Time: Wednesday, 05-Oct-2005 18:15:55 EDT
Parent Server Generation: 18
Server uptime: 7 seconds
Total accesses: 24 - Total Traffic: 117 kB
CPU Usage: u0 s0 cu0 cs0
3.43 requests/sec - 16.7 kB/second - 4992 B/request
9 requests currently being processed, 4 idle servers

دا لو السرفر شغال عادي جداً

مش هتلاقى طبعاً كلمة سرفر ستيتس سيكيوريد باى مي :D , هيطلع كلام تانى تماماً وهتكون هى إصدارة الأباتشى إلخ..

نبدأ الملاحظات هنا...

يجب أن السرفر الريكوست اللى فوق مش يزيد عن 30 أو 40 , لو زاد هتبقى بكدا فى فعلاً هجوم عليك..

وعشان نتأكد أكتر وأكتر نشوف الكونكشن كام

كود:

netstat -n | grep :80 |wc –l

كود:

netstat -n | grep :80 | grep SYN |wc –l

الأمر الأول يجب أن لا يزيد الكونكشن عن 450

والآمر الثاني لا يزيد عن 120 " ومن الممكن أنه ميديش ناتج لانك هتكون مفعل الساين كوكس"

عمال تقولنا المشكلة ومفيش حلول ياعم سفاح ؟؟ :

طيب نبدأ الحلول , فى مود رائع بيتركب للأباتشى وشايف أنه كلمة رائع لا توفي حقه خاصة أنه مجاني

mod_dosevasive

طريقة التركيب فى السريع.. لانى مشفتش ليها شرح كامل بالعربى مش عارف الإحتكار هيفضل لأمتي؟!!

كود:

cd /usr/local/src

كود:

wget http://www.nuclearelephant.com/projects/mod_evasive/mod_evasive_1.10.tar.gz tar -zxf mod_dosevasive_1.10.tar.gz

كود:

cd mod_dosevasive

كود:

/etc/httpd/bin/apxs -cia mod_dosevasive.c

ومن ثم وكالعادة هنعدل على ملف كونفنج الأباتشى ..

ودور على

كود:

<IfModule mod_dosevasive.c>

واكتب تحتها

كود:

DOSHashTableSize 3097 DOSPageCount 5 DOSSiteCount 100 DOSPageInterval 2 DOSSiteInterval 2 DOSBlockingPeriod 600 </IfModule>

** ملاحظة , أحيانا مش بتلاقيه فى ملف الكونفنج , الحل أكتب التالى

كود:

<IfModule mod_dosevasive.c> DOSHashTableSize 3097 DOSPageCount 5 DOSSiteCount 100 DOSPageInterval 2 DOSSiteInterval 2 DOSBlockingPeriod 600 </IfModule>

في أيّ مكان فى الملف , ولكن قبل ما تقوم بالعملية دى تاخد باك أب من الملف

وأيضاً يجب عمل بعض التعديلات فى ملف الكونفنج للأباتشى ..

كود:

pico -w /etc/httpd/conf/httpd.conf

البحث عن الدوال الأتية كلها وتغيير قيمتها

Timeout 15

KeepAlive Off

KeepAliveTimeout 5

MinSpareServers 15

MaxSpareServers 20

وايضاً تفعيل الساين كوكيس " مع إنى لا أحب تلك الخطوة لانه في بعض الفايروولات تتسم بالغباء تفلتر الساين باكتس على أنه هجوم !!"

المهم الأمر كالتالي..

كود:

echo 1 > /proc/sys/net/ipv4/tcp_syncookies

هذه هي الحلول المقترحة لإيقاف المشاكل الخاصة بالدانيال أوف سيرفس

ملاحظة فى النهاية

IF Y0 KNOW HOW T0 HACKING BOXS Y0 WILL KNOW HOW T0 PROTECT YOUR BOX

هكون سعيد لو حد سأل أيّ سؤال أو إستفسار :)

الرجالة بتاعت الكوبي والباست مفيش مشاكل تنقل الحقوق محفوظة لكل مسلم لكن ياريت يكتب

مصدر النقل الموقع مش مهم أسمى !

الدرس خلاصة حلول شخصية عن تجربة وجوجل وتجربة بعض الأدوات...

وبكدا عرفنا اللى عاملين أدمنز سرفرات وبياخدو 200 دولار لتركيب خدمات حماية بيعملو أيه؟ :)

الموضوع منقول من المنتديات الأمنية SecurityGurus..

http://www.securitygurus.net/forum/i...t=0&#entry2955

SG Team

إلى الــــلقـــاء