|
[نصائحكم] لشراء لاب توب فى حدود 3 آلاف جنيه مصرى
بسم الله الرحمن الرحيم
السلام عليكم ورحمة الله وبركاته == اخوانى الاعزاء اريد نصائكم لأننى اريد شراء لاب توب اتمنى ان تفيدونى بالنصائح مع العلم اننى اريد بطارية تدوم طويلاً وان لايزيد الثمن عن 3 آلاف جنيه مصرى ولاحد يسأل كام بأى عملة أخرى لان الاسعار بمصر غير ,, ولكن لايمنع ان تفيدونا ودمتم سالمين |
السلام عليكم
هو كل اللابتوبات فى مصر البطارية بتاعتها اخرها بتقعد ساعتين زمن بالعافية لانها بتبقى حاجة اسمها 6 cell وفى بطارية بتقعد من 4 ل 6 ساعات ودى اسمها 9cell انما كانواع لابتوبات فانا انصحك بال dell لانى مستخدمه وفعلا قوة لا تقارن باى حاجة تانى وطبعا فى التوشيبا جهاز جبار بس للاسف الاتنين اسعارهم عالية ممكن يكونوا اعلى من المبلغ اللى حضرتك ذكرته لك خالص تحياتى |
تسلم ياغالى فى عرض عندى معروض عليا دى مواصفاته ياريت اعرف رأيك ورأى الشباب :
بروسيسور 2600 بيقرء 2 كاش رام 1 جيجا هارد 80 كارت الفيجا 256 DELL بمبلغ 3150 |
المعالج انتر بانتيوم
ولا انتل كو 2 ديو ؟ واهم حاجه حدد استخدامك للجهاز .. يعني شغل جرافيكس عالي ولا العاب ولا انترنت وعدد الساعات من كام لكام تقريبا وصحيح كنت هنسى أقولك انت ناوي تشتري N95 اللي باقلك سنتين بتسأل عنها في ترايدنت ولا هتشتري لابتوب :) |
إقتباس:
هههههههههههههههههههه بالنسبة لل 95 انا بجد هموت واشتريه وكنت هخلى ناس يجبهولى من السعودية بس سمعت ان وزارة الاتصالات عندنا واقفة على تقنية gps وسعرو هينزل بمصر نزلة جامدة جداً فى خلال شهر ونص بالكتير == بالنسبة للاب توب اخوك ابيض فى مواصفاته يعنى ميعرفش يميز انا تعاملى كلو مع التانى ( أبو سلك ) ههههههههههههههههههه هسأل النهاردة وارد عليك بالنسبة لأستخدامى : استخدامى هيكون نت وألعاب وجرافكس وكل حاجة فعشان كدا عاوز حاجة فى حدود المعقول ومواصفات مش بطالة ومليون شكر لاهتمامك ياعسل |
تعرف ياغالى اللى معاه قرش محيره يعمل موضوع ويستشير الناس
وفى نقل سرفر الاستضافة بتاعى على سرفر جديد يطيره == كل الموضوع انى معايا مبلغ بسيط هكمل عليه من الوالد او كدا وهجيب اى حاجة وشكلى لاهجيب دا ولا هجيب دا وهروح اعلى السرفر بتاعى احسن !! ولامانع من الطموحات ياقلبى وايضاً لامانع من السامسونج العقيم اللى معايا !! ههههههه ربنا يديمه عليا نعمة والله |
طبعا لازم أخد بالي كل يوم منزلك موضوع وفي الآخر صرفت نظر عن الموضوع ههههههه
وعلى فكره أنا مشرف هناك بترايدنت بس انت مش واخد بالك وشوف المواصفات دي هتبقى مناسبه لإستخدامك - معالج انتل كور 2 ديو - رامات 2 جيجا - كارت شاشه 512 مفصول - هارديسك 320 - وبلوتوث / وايرلس / DVD/CD RW طبعا الجهاز ديل السعر تقريبا 3500 جنبيه مصري |
إقتباس:
بس السى دى رايتر والدفى دى ملهمش اى لزمة وبالأخص الدفى دى وبالنسبة للسعر هتخلينى اصرف نظر عن ردك كمان ,, هههههههههه بس فى حاجة مهم مدة البطارية عايزها تكون طويلة شوية |
بقولك ياغالى
لو ان شاء الله ربنا كرمنى وهجيب واحد , هتقدر تجبلى بالأسعار دى ولا اهو كلام من عم حسين بتاع الكى بوردات الى تحتكم وخلاص؟؟ ههههههههه بهزر معاك اتمنى تضفنى على الميل واعتقد لو ضفتنى هنعمل شات لذيذ كلو ضحك وفرفشة << هههههههههه بجد انا نفسى الاقى حد يخدمنى بالأسعار مش ولامستورد عندنا فى المحلة كلو بيسافر يجيب من القاهرة ويشتريه عادى من محل وييجى يبيعه لنا بسعر خاص << زى مانكون قاعدين فى تل أبيب ميعرفوش ان القاهرة مش بعيدة ومشوار صغير ساعتين صد رد نجيب الى احنا عاوزينو دا غير كمان ان شاء الله هيبقى لينا حبايب هيفيدونى ويجبولى الحاجة رخيصة << انت المقصود خد بالك وعلى الله تخلع منتظر ردك |
هناك لابتوبات فى موقع لاب توب ايجيب بمواصفاتها واسعارها افحصها بنفسك
|
اهلا ياعبدالله ...
السعر زي ما بقولك كده وسأل عنها في سوق العصر بمصر وعندي مواصفات أعلى من كده وشاري الجهاز من 6 شهور تقريبا بـ 4600 جـ وياعم أهل المحله أجدع ناس وانا قريب منك جدا من ( زفتى ) بلديات يعني |
memothemoon
تسلم على المرور وجارى تفحص الموقع == إقتباس:
بس انت مقولتليش الشاشة كام بوصة ؟؟ وياريت كمان تقولى لو ان شاء الله هجيب واحد تقدر تساعدنى ولا ايه؟ وسيبلى ايميلك او رقم موبايلك ضرورى لو تسمح طبعاً ومشكور لحسن المتابعة |
للرفع ياشباب
|
|
|
المعذرة بفتح الموضوع مرة ثانية
- اخى جرح اطلبك ع الجوالات مغلقة ليل نهار غير ان الدولى لايعطى جرس ولا أى شئ -==\= استفسار جديد : هل من الممكن تغيير بطارية اللاب توب واستبدالها ببطارية اعلى ؟؟ ماهى الاشياء التى ممكن ان تتغير فى اللاب توب ؟؟ |
إقتباس:
|
انا ان شاء الله ناوى على DELL بس اريد شئ معقول
وبنفس الوقت مواصفات حلوة |
بقولك يا غالى (جرح)
اللاب ال DELL دا اصداره ايه ؟ |
هو على حسب استخدامك
أرى ايسر هو الافضل من ناحية البطارية فهي تدوم ماشاءالله أما ديل فالاجهزة الحديثة المطروحه الآن فيها مشاكل كثيره ديل سابقا افضل من الحديث اقصد الموديلات القديمة هي الافضل من الجديد هل جرب أحد سامسونج الجديد ؟ أفيدونا الله يبارك فيكم |
| جميع الأوقات بتوقيت مكة المكرمة. الساعة الآن » 11:25 PM. |
Powered by vBulletin
Copyright ©2000 - 2024, Jelsoft Enterprises Ltd.
Copyright © ArabWebTalk.Com 2004-2012