الويب العربي

الويب العربي (http://www.arabwebtalk.com/index.php)
-   خلاصة قسم إدارة و تشغيل السيرفرات (http://www.arabwebtalk.com/forumdisplay.php?f=134)
-   -   اعدادات الباك اب التلقائي على السيرفر [داخلى وخارجي] - شرح و صور (http://www.arabwebtalk.com/showthread.php?t=131780)

GulfHosted.com 16-01-2010 02:35 AM

اعدادات الباك اب التلقائي على السيرفر [داخلى وخارجي] - شرح و صور
 
السلام عليكم ورحمة الله وبركاته

الموضوع باختصار عن كيفية عمل اعدادات الباك اب التلقائي على السيرفر [ داخلى - خارجي ] .

الشرح مصور بالصور وموضح عليها كافة الاعدادات سواء الاعدادات التي ستقوم بها من خلال الشل SSH ، أو من خلال لوحة تحكم السيرفر WHM ، وبخصوص صور الاعدادات من خلال WHM يوجد صورتين للاعدادات الرئيسية ، الصورة الاولى خاصة بالاعدادات فى WHM الاصدار 11.24 ، والصورة الاخرى خاصة بالاعدادات فى الاصدار الجديد 11.25 ، كما يوجد صورة اخرى لتحديد اخذ باك اب لمواقع معينة على السيرفر دون كل المواقع [ اذا اردت ذلك ] .

- اولا الاعدادات التي ستقوم بها من خلال الشل ، وهي انشاء مجلدات الباك الداخلى .

سجل الدخول لسيرفرك من خلال الشل ، ثم قم بانشاء المجلدات من خلال الاوامر التالية :

ملحوظة : سنقوم بانشاء المجلدات فى المسار الرئيسي / ، وسيكون المثال على اسم مجلد الباك هو backup ، اذا كنت تريد تغيير اسم المجلد ، قم بتغييره كما تشاء ولكن تذكر انك لو غيرته هنا وأنشأته بإسم تاني ، هتضع نفس الاسم فى اعدادات الباك اب فى whm فى الخانة المطلوبة لمسار الباك اب ، المهم ان المثال بتاعنا هنا اسمه backup .

طبعا هو اثناء عملية الباك اب التلقائي بيقوم بانشاء المجلدات داخل المجلد الرئيسي للباك اب (backup) تلقائياً ، ولكن برده احنا هننشأ المجلدات زيادة فى الاطمئنان ، وكمان مش هتضر فى حاجه ، لانه اساساً لو تابعت اللوج الخاص بعملية الباك اب اللى بيرسلهولك السيرفر بعد انتهاء الباك اب هتلاقي انه فى كل عملية للباك بيقوم بعمل خطوات معينه فى موضوع المجلدات دا ، أولا بيدخل على مجلد الباك اب الرئيسي اللى انت حطيت له المسار بتاعه :

كود:

/backup

، بعد كدا بينشأ مجلد الباك الفرعي (cpbackup) الموجود داخل المجلد الرئيسي (backup) ، طبعاً بيكون المجلد دا (cpbackup) موجود بالفعل :

كود:

file already exists
هو وجد المجلد ، بيدخل المجلد تلقائي

كود:

cd cpbackup

ولو العملية دي خاصة بالباك اب اليومي ، طبعاً بينشأ جواه مجلد الباك اليومي (daily) ، طبعاُ برده بيكون المجلد موجود وبيظهر نفس الرسالة ، بيدخل بعدها على المجلد وبيبدأ بحفظ الباك اب فيه .

يعني موضوع انشاء المجلدات مش بيضر فى حاجه ولا هو غلط .

هتنفذ الاوامر التالية لانشاء المجلدات ، كل امر موجود فى سطر وكل سطر من دول هتضعه فى الشل وبعدين تضغط انتر من الكيبورد لتنفيذه :

كود:

cd /
mkdir backup
cd backup
mkdir cpbackup
cd cpbackup
mkdir daily
mkdir weekly
mkdir monthly

بكدا انشأنا المجلدات بتاعتنا من الشل ، ودي صورة توضح أيضاً :



------------------------------------

- انتهينا بكدا من الشل ، هندخل نعمل الاعدادات بتاعتنا فى WHM

بعد تسجيل دخول للوحة تحكم سيرفرك ، هتدخل على قائمة configure backup علشان نعمل الاعدادات الخاصة بالباك اب التلقائي للسيرفر :

كود:

Main >> Backup >> Configure Backup





أو يمكنك الدخول اليها مباشرة من خلال الرابط التالي :

http://ip:2086/scripts/backupset


استبدل ip بـ أي بي سيرفرك .

يجب التعديل على الاعدادات الموجودة امامك .

اذا كنت تستخدم اصدار السي بانل (cPanel 11.24) ، فالاعدادات والخانات المطلوب التعديل فيها ستكون كما بالصورة التالية :



واذا كنت بستخدم cPanel 11.25 ، فالاعدادات والخانات المطلوب التعديل فيها ستكون كما بالصورة التالية :




مفيش بينهم فرق فى حاجه غير ان فى السي بانل 11.25 ، فيه حاجة اضافية وهي Compress Account Backups واللى هي ضغط باك اب الموقع

نيجي نتكلم عن التعديلات اللى هنعملها كما موضح بالصورة

يجب عليك عمل الاعدادات كما هي موضحة امامك بالصور السابقة ، ودلوقتي هنفرق بين اعدادات الباك اب الداخلى والخارجي .

أمامك فى الصور من اول كلمة

إقتباس:

Backup Access Logs
لحد فوق ، حتى كلمة Enabled الموجودة فى اول الاعدادات ، مش هتغير اي حاجه فيها سواء كان الباك اب داخلى او خارجي ، اللى هنعدل فيه ما بعد Backup Access Logs

نتكلم الاول عن الباك اب الداخلى

- نيجي أمام Backup Type عندنا اختيارين :

كود:

Standard
Remote FTP (Accounts Only)


هتاخد الباك اب التلقائي داخلى على السيرفر ، يبقى هتختار Standard .

- من بعد Bachup type عندنا خمس مربعات ، وهم :

كود:

Remote FTP Host (Remote FTP Backup Only)
FTP Backup User (Remote FTP Backup Only)
FTP Backup Password (Remote FTP Backup Only)
FTP Backup Directory
FTP Backup Passive Mode


مش هتعدل فيهم ولا هتكتب فيهم اي حاجه ، هتسيبهم فاضيين .

- بعد كدا عندنا Backup Destination وهنا طالب منك المكان أو مسار المجلد اللى السيرفر هيحفظ فيه الباك اب الداخلى ، وهنا طبعا هتكتب له مسار المجلد اللى انت أنشأته من الشل اللى هو مجلد backup ومتنساش قبل كلمة backup هتكتب علامة / ، يعني هتكتب له المسار بالشكل دا :

كود:

/backup

- بعد كدا عندنا زر ضغط مكتوب عليه select ، ودا وظيفته انك ممكن تختار مواقع معينة بتاخد لها باك اب ، يعني انت مثلا لو عندك على السيرفر 20 موقع ، فيه منهم موقعين مساحتهم كبيرة جداً ، وانت مش عايز يتاخد لهم باك مع الباك اب التلقائي ، انت عايز تاخد باك اب لباقى المواقع بس اللى هما 18 موقع ، والموقعين دول هتاخد لهم انت باك بالطريقة اليدوية اللى اتكلمنا عليها قبل كدا ، ولو عايز الموضوع الخاص بيها ابحث فى القسم هنا فى المنتدي عن :

كود:

موضوع عن الطرق الصحيحة لاخذ باك اب ، ومشاكل استرجاع الباك اب

المهم نكمل كلامنا عن زر Select واللى عرفنا وظيفته ايه واختيار مواقع معينة للباك اب .

اضغط على select ، هتفتح لك صفحة فيها المواقع اللى عندك على السيرفر كلها ، والصفحة اللى فتحت دي فيها 3 اعمدة و هما :

كود:

Backup  -  User  -  Domain
> Backup : بيكون تحتها علامة مربع اختيار (وضع علامة صح أو ازالتها) .
> User : بيكون تحتها يوزرات المواقع اللى عندك على السيرفر .
> Domain : بيكون تحتها دومينات المواقع دي .

طيب على سبيل المثال : احنا فيه عندنا موقعين مساحتهم كبيرة ومش عايزين نخليهم من ضمن المواقع اللى هيتاخد لها الباك اب التلقائي ، الاول اسمه site2.com ودا اليوزر بتاعه اسمه user2 ، والموقع التاني اسمه site5.com واليوزر بتاعه اسمه site5 ، بسيطة جداً من العمود اللى هو backup ، هنبحث عن الموقعين دول بين المواقع اللى أمامنا ونشيل علامة الصح من أمام الموقعين دول ، وفى اخر الصفحة هتلاقي Save اضغط عليها علشان تسيف الكلام دا ، والصورة دي توضح اكتر :




وبكدا السيرفر هياخد باك اب تلقائي لكل المواقع اللى عليه ماعدا الموقعين site2.com و site5.com ، بس الكلام دا بس ما نحفظ الاعدادات اللى احنا عملناها على Configure Backup فى الصورة الاولي ، بعد ما تختار المواقع وضغطت save هتستني لحد ما يسيف واقفل الصفحة دي ونرجع للصفحة اللى كنا فيها قبل ما ضغطنا على select واللى هي الاعدادات اللى كنا بنعملها (Configure backup) ، كدا احنا عملنا كل حاجه وخلصنا اعداداتنا ، هننزل اخر الصفحة خالص ونضغط على Save .

وكدا احنا انتهينا من اعدادات الباك اب التلقائي الداخلى على السيرفر .

-------------------------------------------------

الباك اب التلقائي الخارجي .

نفس اللى اتكلمنا فيه فوق لكن الاختلاف فى الاربع حاجات دول:

كود:

Backup Type
ودي زي ما قلنا فيها اختيارين :

كود:

Standard
Remote FTP (Accounts Only)


والثلاث حاجات الباقية :

كود:

Remote FTP Host (Remote FTP Backup Only)
FTP Backup User (Remote FTP Backup Only)
FTP Backup Password (Remote FTP Backup Only)


مربعات ادخال ، هنكتب فيها بيانات المساحة الخارجية الخاصة بالباك اب .

- Backup Type : هناخد طبعا باك اب خارجي يبقى هنختار

كود:

Remote FTP (Accounts Only)
- Remote FTP Host : المربع دا هنكتب فيه الاي بي الخاص بمساحة البك اب الخارجي ، والاي بي دا بيعطيهولك الشركة اللى انت حجزت منها مساحة الباك اب الخارجي .

- FTP Backup User : بنكتب فى المربع دا اليوزر اللى اخدناه من الشركة (شركة الباك اب)

- FTP Backup Password : بنكتب فيه الباسورد ، برده اللى اخدته من الشركة .

يعني انت بتحجز مساحة باك اب خارجية من شركة باك اب (والافضل انها تكون شركة متخصصة فى المجال دا) ، بيعطوك : اي بي - ويوزر - وباسورد .


بس كدا ومفيش اي تغييرات تانية بنعملها وبرده موضوع select دا اللى هو اختيار مواقع معينة يتاخد لها باك اب هو نفس اللى فى الخطوة الاولى الخاصة بالباك اب الداخلى ، وبعد ما تخلص الكلام دا ، اخر الصفحة واضغط على Save .

تحياتي للجميع ، وأي استفسار حاضرين .

الخليج هوست لخدمات الويب المتطورة .

سلام عليكم .





احمد فرج 16-01-2010 02:00 PM

مشكور سامح على الاضافة الجميلة دى

تقبل مرورى
تحياتى

GulfHosted.com 16-01-2010 06:25 PM

إقتباس:

اقتباس من مشاركة احمد فرج (المشاركة 712682)
مشكور سامح على الاضافة الجميلة دى

تقبل مرورى
تحياتى


العفو يا احمد :)

ومشكور حبيبي لمرورك

تحياتي وتمنياتي بالتوفيق

as7apcool 18-01-2010 02:46 AM

شكرا للشرح المميز اخى الكريم

GulfHosted.com 18-01-2010 02:52 AM

إقتباس:

اقتباس من مشاركة as7apcool (المشاركة 713110)
شكرا للشرح المميز اخى الكريم

العفو اخي

شاكر مرورك :)

kkk1 21-02-2010 01:04 AM

شرح قوي

جزاك الله خير

GulfHosted.com 22-02-2010 04:48 PM

إقتباس:

اقتباس من مشاركة kkk1 (المشاركة 720619)
شرح قوي

جزاك الله خير


شكراً لك اخي الكريم لمرورك

تحياتي وتمنياتي بالتوفيق لك

سلام عليكم .

host4uae 23-02-2010 02:02 AM

مشكور اخوي ع الاضافات الجميلة

بس عندي سؤال


كيف نقدر نخلي السيرفر يرسل باك اب داخلي وبنفس الوقت باك اب خارجي

تضمن انه عندك باك اب داخلي وخارجي

هل في اسكربت او برنامج معين يتركب ع السيرفر او في امر من السيرفر نفسه؟؟


انا حاولت كثير بس ما وجدت حل لحد الان

ياريت اقدر احصل حل عندك

وشكرا

GulfHosted.com 25-02-2010 11:51 AM

إقتباس:

اقتباس من مشاركة host4uae (المشاركة 721205)
مشكور اخوي ع الاضافات الجميلة

العفو يا جميل وشكراً لمرورك

إقتباس:

اقتباس من مشاركة host4uae (المشاركة 721205)
بس عندي سؤال


كيف نقدر نخلي السيرفر يرسل باك اب داخلي وبنفس الوقت باك اب خارجي

تضمن انه عندك باك اب داخلي وخارجي

هل في اسكربت او برنامج معين يتركب ع السيرفر او في امر من السيرفر نفسه؟؟


انا حاولت كثير بس ما وجدت حل لحد الان

ياريت اقدر احصل حل عندك

وشكرا

اولا اعتذر على التأخر بالرد عليك

اما بخصوص استفسارك بخصوص انه السيرفر يقوم بعمل الباك اب الداخلى والخارجي فى نفس الوقت تلقائياً، ما اعتقد انها موجودة هذه الخاصية فى السي بانل للان ، والله اعلم

اما لو كنت عايز مثلاً انك تنقل الباك اب الداخلى الى سيرفر اخر ممكن تعمل كدا عن طريق امر scp فى حالة ان لديك سيرفر ومعك الروت الخاص بهذا السيرفر الاخر اللى هتنقل له

يعني مثلاً انت عندك الباك اب بتاع مواقعك فى المسار دا على السيرفر

كود:

/backup/cpbackup/daily
تقدر تنقل كل الباك ابات الموجودة فيه لسيرفر تاني باستخدام امر scp


كود:

cd /backup/cpbackup/daily
scp -P 22 *.tar.gz root@ip:/home/

وطبعاً 22 دا بورت الشل للسيرفر التاني اللى بتنقل له الباك اب ، وكمان ip هتستبدله باي بي السيرفر التاني اللى هتنقله الباك اب ، وكدا الباك اب هيتنقل للسيرفر التاني فى المسار /home ، وكمان تقدر تنشأ مجلد خاص بالباك اب على السيرفر تاني لو مش عايز الباك اب اللى هتنقله دا يكون فى الهوم

يعني فى السيرفر التاني اللى هتنقل له :

كود:

mkdir /home/backup
وبكدا لما تنقل الباك اب بتاعك من السيرفر الاول باستخدام scp ، هتكون كدا

كود:

scp -P 22 *.tar.gz root@ip:/home/backup

وكمان ممكن باستخدام mput فى حالة انه معاك اكونت ftp ، وعايز تنقل باك اب المواقع اللى عندك لاكونت الاف تي بي دا

كود:

cd /backup/cpbackup/daily
ftp ip

ip دا هو اي بي اكونت الاف تي اللى هتنقله الباك اب بتاعك ، هتكتب الاي بي وبعدين انتر ، هيطلب منك اليوزر والباس بتوع اكونت الاف تي بي وبعد ما تدخل للمساحة وفى المكان اللى عايز تضع فيه الباك اب بتاعك ، هتنفذ الامر دا

كود:

mput *.tar.gz
هيطلب منك انك تضغط y فى كل باك اب بيتنقل .

اتمنى اكون افدتك فى اللى بتسأل عنه واي سؤال او استفسار موجود .

تحياتي

سامح الشورى .

heroeshost.com 27-02-2010 04:11 AM

الف شكرا يا باشا على المعلومات المهمه دى

GulfHosted.com 27-02-2010 09:19 AM

إقتباس:

اقتباس من مشاركة heroeshost.com (المشاركة 722278)
الف شكرا يا باشا على المعلومات المهمه دى


العفو يا جميل

وشكرا لمرورك الجميل :)

تحياتي

سلام عليكم

kkk1 27-02-2010 11:59 PM

بارك الله فيك

GulfHosted.com 02-03-2010 10:58 AM

إقتباس:

اقتباس من مشاركة kkk1 (المشاركة 722468)
بارك الله فيك

وبارك الله فيك اخي

تحياتي وشكراً لمرورك

oman-share.com 02-03-2010 04:36 PM

مشكور اخي عــ الشرح المفيد،،والناس الي ماعندها خبرة يفضل أن تأخذ السيرفر مع الإدارة

GulfHosted.com 02-03-2010 07:36 PM

إقتباس:

اقتباس من مشاركة oman-share.com (المشاركة 723209)
مشكور اخي عــ الشرح المفيد،،والناس الي ماعندها خبرة يفضل أن تأخذ السيرفر مع الإدارة

العفو اخي الكريم ، مشكور لمرورك ،وكلامك سليم بالفعل

تحياتي

raed 17-04-2010 04:13 PM

إقتباس:

اقتباس من مشاركة oman-share.com (المشاركة 723209)
مشكور اخي عــ الشرح المفيد،،والناس الي ماعندها خبرة يفضل أن
تأخذ السيرفر مع الإدارة

مشكور على مرورك

2top.net 07-06-2010 03:41 AM

أشكرك على هذا الموضوع الرائع
وجزاك الله كل خير


جميع الأوقات بتوقيت مكة المكرمة. الساعة الآن » 08:57 PM.

Powered by vBulletin
Copyright ©2000 - 2019, Jelsoft Enterprises Ltd.
Copyright © ArabWebTalk.Com 2004-2012