الويب العربي - طريقة عمل باك اب خارجي بشكل تلقائى

السلام عليكم ورحمة الله وبركاتة

اليوم اقدم لكم طريقة عمل باك اب خارجي للمواقع بحيث تكون فى امان لو لا قدر الله حصل اي اختراق

شرح الفكره

عندك سرفر اساسي عليه المواقع وليكن اسمه Server1 ويكون معاك الروت بتاعه وانت بتعمل باك اب مثلا عن

طريق السى بانل والباك اب محفوظ فى مجلد وليكن اسمه /backup

السرفر التاني تحتاج فيه شيل فقط مش لازم روت وليكن اسمه Server2 واسم اليوزر هناك myuser

هنبدا اننا نعمل اتصال بين السرفرين بنظام ال public/privet key

البدايه من server1

نبدا نعمل المفتاح اللى هيتم بيه الدخول للسرفر التاني بدون طلب البسورد كي يتم الباك اب بشكل تلقائى

لبد انشاء مفتاح دخول

كود:

ssh-keygen

وبعدين هيطلب منك

كود:

Enter passphrase

فقط اضغط انتر بدون ادخال اي كلمة مرور

هيظهر لك فى النهايه يقولك ان مسار المفتاح فى المكان الفلاني وهيكون عموما كدا

كود:

/root/.ssh/id_rsa

نبدا اننا ننقل المفتاح ده على السرفر التاني كي تتم عمليه الدخول بدون كلمة مرور

كود:

ssh-copy-id -i /root/.ssh/id_rsa.pub myuser@Server2

وبعدين تكتب له البسورد بتاع اليوزر التاني وهيقولك انه هينفذ بكدا الدخول بدون بسورد ويستعوض عنها بالمفتاح

بعد كدا نجرب الدخول بدلاله المفتاح الخاص بك

كود:

ssh -i /root/.ssh/id_rsa.pub myuser@Server2 | hostname

وشوف هيطلب منك بسورد ولا لا

لو مطلبتش وجاب لك اسم السرفر التاني تكون كدا تمام وعديت اول جزء من المهمه

لو طلب منك بسورد يكون فيه شي غلط حاول تعيد الخطوات تاني

نبدا بعد كدا نعمل Cron Job تقوم بنقل الباك اب للسرفر التاني بشكل تلقائى

نفتح ال Cron Tab

كود:

crontab -e

اضف فيها مهمه عمل الباك اب

كود:

* * * * 5 rsync -aP -e "ssh -i /root/.ssh/id_rsa.pub" myuser@Server2: /backup/

كدا الباك اب الموجود فى مجلد /backup لسرفر رقم واحد

هيتم نقله بشكل تلقائى لسرفر 2 على اليوزر اللى اسمه myuser

كل يوم جمعه

لو هناك اي تعديل ارحب بالأقتراحات

وارجوا ان اكون قد وفقت فيه

السلام عليكم