الويب العربي - عقول الشباب معانا

بسم الله الرحمن الرحيم
برنامج عقول الشباب

الأخوة الغاليين / أعضاء الويب العربى الكرام
تحية طيبة وبعد ,,,

برنامجنا عقول الشباب بيشهد تطويرات متعددة هذه الأيام

الرسالة دى وصلتلكم عشان تفكركم بينا وبأننا بدانا من جديد بحماس و أحب اعرفكم ايه هو برنامجنا :

برنامج عقول الشباب برنامج للشباب مننا والينا يعنى كل القائمين على المشروع و اعضاؤة كمان من الشباب
بنفكر ازاى نطور تفكيرنا و ازاى نلغى تفكيرنا السلبى وازاى نشغل وقتنا ولو حد فينا عنده فكره مشروع بنساعده كلنا و لو فى حد معاه راس مال ومعندوش فكرة برده بنساعد كلنا كأيد واحدة وبنوفق الناس مع بعضها وهنعمل ندوات فيها شخصيات مهمة و طبعاً كل الشباب الى مشاركين معانا مدعوين فى كل الندوات
هدفنا اننا نبقا شباب ليه هدف وده مش للشباب المصريين بس ده لكل شاب عربى عايز يفكر ويبقا شخص ناجح فى بلده ووسط مجتمعه

جروبنا على الفيس بوك بيمارس نشاطه من جديد بشكل أفضل
http://www.facebook.com/group.php?gid=54379534712

بخصوص موقع عقول الشباب فهتلاقوا فيه كل المقالات و التقارير عن الندوات الى تمت و هيكون مقالاتنا بالصور وهنعرض كمان المشاريع الى عملوها شباب من وسطنا و هنتشرف بكل شاب وسطنا ليه نشاط و كمان هنعمل دردشة فى موقع عقول الشباب عشان نتواصل كلنا مع بعض بكل سهولة وكمان هنعمل منتدى نتبادل فيه كل أرآئنا ونتناقش فى امورنا

www.youth-minds.org
بنجهز دلوقتى تجديدات الموقع

على فكرة الموضوع ده اتعمل باللغة العامية عشان احنا بنحب البساطة احنا شباب مع بعض ومش بنعقد الأمور كفاية الظروف الى محيطة بينا ... ولا ايه ؟؟

---------------------------------------------------------------------

برنامج عقول الشباب تقودة الأن شركة ماكسيس
www.maxeseg.com
البرنامج ده مش دعايا لشركتنا او ستارة عشان نظهر امام عملائنا اننا ناس بتحب الخير - كل الشباب الى فى المشروع متطوعين و مفيش اى جنيه واحد بيدخل الشركة من المشروع ده

الكلام ده اتكتب عشان ظنون بعض الناس ان مفيش حد بيعمل حاجة كده لله لاكن والله لسه فيه

والجديد كمان ان الموضوع ده من مدير الشركة شخصياً
أنا المهندس : اسلام فؤاد عبد العزيز - مدير شركة ماكسيس

حبيت اعمل حاجة جديدة للشباب وخصوصاً انى شاب زى اى شاب - ادعولنا ربنا يكرمنا ونكبر مشروعنا

منساش طبعاً بالذكر ان اخوكم : نبيل بهاء الدين هو مدير المشروع و القائم على تطويره من خلالنا

كل عام وانتم بخير - ورمضان كريم
واسف للاطالة

شكرأً