يا هلا والله ومرحبا ديزاين لاند
شوف اخوي .. صراحة المشكلة تكمن في نظر المستخدم او الراغب في التصميم وليس المصمم
على الاقل هذا اللي يحصل لي غالباً
لما يجي شخص يبي تصميم .. انا افضل التصميم الهادي .. الوان خفيفة .. خطوط انسيايبة معبرة .. شعار معبر .. هنا اشوف الروعة .. لكن العميل ما يبي كذا .. العميل يبي موقع مليان الوان وصور ورود وقلوب ومربعات وقوالب وعفسة وبانر مليان صور عيون ووجيه وخيول .. ما تنتهي من التصميم إلا انك تلاحظ شغلك كله مكرر في الفكرة وان اختلف في التنفيذ عن باقي المواقع
لذلك تلاحظ 50% من المواقع العربية لونها واحد وهو اللون الاحمر وتدرجاته .. و70% من المواقع العربية تتشابه في فكرة التصميم
وان لم تفهم كلامي بالشكل الواضح .. خذ لك لفة على عشر مواقع تشات عربية وراح تفهم كلامي
من ناحيتي بالعكس افضل التصاميم الهادية والخفيفة وكذا اصمم مواقعي كلها .. خطوط انسيابية بسيطة والوان هادية .. بس السؤال .. متى بيفهم غيرنا هالشي ؟
شوف تصميم الياهو مثلاً .. تصميم القوقل مثلاً .. تصميم الـ .. ، كثير من المواقع العالمية كيف هادية ولذيذة .. بينما اغلب المواقع العربية تغص بالصور والخلفيات والرسومات والالوان الثقيلة
عموماً على قولة الممثلين المصرين اللي يقولون (( الجمهور عاوز كده )) .. انا اقول (( العميل عاوز كده ))
تحياتي