[رعشة دفا]

السسلام عليكم

رد على كلام اخونا سعوود بإن احنا حراميه ونصابين

معلييش انا هـ المرره راح اثبت لكم اني ما سويت معه إلا كل خير لكن ما لقينا معه الا انه يجحدنا

إذا كان من ناحيه إن احنا لعبنا عليك ونصابين على قولتك

أول شي لو إحنا صدق نصابين كان من وقت ما تحول الفلوس بقولك مالك أي شي عندي لأنك حولت الفلوس قبل أعطيك معلومات الموقع

ثاني شي انا اعطيتك جميع المعلومات من ناحيه لوحة التحكم والسي بنل والدومين

ثالث شي إحنا قايلين لك انه صايره مشكله مع واحد وطلع .. وفوق كذا قايلين لك نصيحه أنقل الاستضافه لأنها راح تصير مشكله وقلنا لك اذا تحس ان صاحب الاستضافه بدى يلف ويدور قوله خلاص ما عاد أبي وقلنا لك حرام انك تخسر شي بسببه وانت قلت
( حرام لو يلف ويدور خمسميه في التراب لو يروح الموقع كله .. مو الموقع الوحيد عندي ) <-- بكذا مسؤوليتنا خاليه منه والحمد لله

تمت البيعه تقريبا أسبوع .. رجع لنا الأخ سعود وقال لنا ( ليش ما تعلمني انه فيه مشكله كان نقلت الموقع .. ولا تخسرني كذا ) <-- يعني نسى الكلام اللي قلت له أول

وطلع في الاخير انه أنت بنفسك ارسلت له رساله بإنك تبي تبيع الموقع له وهو حول الموقع لموقع ثاني

وسوينا دعوه مع صاحب الاستضافه وقالها قدامك انك مررسل له رساله ببيع الموقع وقمت حطيتنا كلنا حراميه

وقالك صاحب الإستضافه ان الموقع قام بتهكيره مصري .. وما صدقت هـ الكلام

يعني هذا مو أسلووب ودي انك تبي حقك بعد ما دخلت لوحة التحكم اسبوع كامل وعطيناك الموقع ومافيه أي مشاكل وتجي الحين تقولنا ابي فلووسي بالقووه .. ووش يضمن لي انك ما اخذت الإيميلات الموجوده أو انك نسخت قاعده البيانات أو انك مسوي شي بالموقع .. كل شي جايز هـ الايام

حبيبي مافيه شي أسمه بالقوه وانا مستعد اعطيك عنواني بالكامل ان كان لك حق بتاخذه

اما تجي تكتب فينا كلام هنا في الموقع كلام ما ينقال وتحط احنا حراميه هذا شي ما يرضيني

وفوق كذا عرضنا عليك ان احنا نعطيك 200 ريال وتاخذ الموقع تقديرا لظروفك

وتجي بالاخير تزيد الطين بلّه وتكتب اسمي في ويب العرب

انا عادي لو تبي أسمي بالكامل اعطيك اياه ومثل ما قلت لك اذا تبي عنواني انا حاظر

واحنا عطيناك اسم صاحب الاستضافه وعطيناك رقمه وقلنا لك تفاهم معه وانت رفضت

واعطيناك اسم الشركه ورقمها وانت رفضت بعد <-- وش تبي أسوي أكثر من كذا

لو واحد غيري باع منك الموقع بيقول انا مالي دخل فيك بس انا وقفت معك من باب حب الخير وكسب الأجر

ع العموم إذا تبي فلووسك الـ 200 ريال .. راح أحولها

بشرط .. انك تقدم اعتذار قدام الاعضاء بالكلام اللي كتبته فووق

ولا ترى أنا اخلي مسؤوليتي منك واذا تبي موقعك معك ايميل ورقم وعنوان صاحب الاستضافه

تقدر توصله بسهووله

////////

وياجماعه إذا كان انا غلطت في شي علمووني .. انا سويت كل اللي أقدر عليه وساعدته

بس هو اللي ما رضى يستجيب معي ويبي كل شي بالقوه وقام يهدد

وعلى فكرره

أي واحد منكم شاك بالكلام اللي أنا قلته يررسل لي رساله خاصه بإثبات الدليل

والمحادثه كلها عندي لا زياده ولا نقصان

......

لي عوده بإذن الرحمن

والسلام عليكم