[GulfHosted.com]

السلام عليكم ورحمة الله وبركاته

باش سكربت فكرته بسيطة وسهلة جدا لكن حبيت اعملها .

وظيفة السكربت : مقسمة على مرحلتين :

الاولى : بيعمل باك اب لموقع واحد او لكل المواقع على السيرفر على حسب اختيارك .
الثانية : نقل الباك اب الخاص بموقع او لجميع المواقع لسيرفر اخر .

طبعا المرحلتين غير مرتبطين ببعض ، يعني انت ممكن بس تعمل الباك اب ومش شرط انك تكمل للمرحلة التانية وهى نقل الباك اب لسيرفر اخر ، اذا انت لست بحاجه للنقل ، يعني بمعنى تاني انت ممكن تستخدم السكربت فى انك تاخد باك اب بس .

طبعا السكربت هدية للجميع من الخليج هوست لخدمات الويب المتطورة WWW.GULFHOSTED.COM .

وفيه ايضاً موضوع الباسورد فى اول تشغيل السكربت مثل السكربتات السابقة (هو طبعا بعض الاخوة الاعزاء مش راضيين عن موضوع الباسورد دا ، لكن يا جماعة هو مش هيضر فى حاجه يعني ) ، المهم عشان محدش ياخد السكربت ويقعد يدور جواه وياخد منه حاجات كوبي وباست زي ماهي مع التعديل طبعا والتغيير من اسمي لاسمه وييجي بعد شهر ينزل سكربت ويقول من برمجتي .

المهم ندخل فى الموضوع هنشرح اوامر السكربت وتشغيله واحده واحده .

هتشغل السكربت طبعا على سيرفرك من خلال الاوامر التالية :

wget http://www.gulfhosted.net/srv/backup.sh && chmod +x backup.sh

كدا سحبت السكربت وعطيته التصريح ، نيجي لتشغيل السكربت ، من خلال الامر التالي :

./backup.sh

بعد ما شغلنا السكربت ، هيطلب منك الباسورد كما هو موضح بالصورة التالية



هتكتب الباسورد التالي :

gulfhosted

بعدين انتر .

بعدها هتظهر لك رسالة ، سؤال بيسألك اذا كنت تريد انك تعمل باك اب لموقع واحد او تريد انك تعمل باك اب لجميع المواقع على السيرفر :

Password verified.
 [1]-Back up one account
 [2]-Back up all accounts
Enter your Choise : [ 1 - 2 ] :

كما بالصورة التالية



نبدأ بالاختيار الاول ، وهو عمل باك اب لموقع واحد فقط ، هتدخل الاختيار 1 وبعدين انتر ، بعدها هيسألك ايه هو اسم اليوزر للموقع اللى تريد تاخد له باك اب .

Enter User name you want to back up :

ولازم طبعا يكون اليوزر دا موجود على سيرفرك بالفعل ، لان لو كتبت يوزر غلط مش موجود عندك على السيرفر ، السكربت هيبلغك ان اليوزر اللى انت ادخلته غير موجود وهيقفل ، يعني مثلاً انا كتبت يوزر مش موجود عندي ولنفترض انه اسمه example ، شوف النتيجه اللى ظهرت فى الصورة .



نكمل بقى من الخطوة اللى وقفنا عندها وهي Enter User name you want to back up : ونكتب يوزر صح

بعد ما كتبت اليوزر ، هيبدأ السكربت بالفعل فى انه ياخد باك اب لليوزر دا وبعد ما ينتهي من عمل الباك اب ، هتظهر لك الرسالة دي :

Account Backup Completed ...


 The Account had been backed up , the next steps for transfer your back up to the other server , please be careful while you enter required information for transfer .

Please type ( y ) if you want to Continue , or type ( n ) to exit and press enter:

وهنا بيقول لك الباك اب للحساب دا اكتمل ، والخطوات القادمة لنقل الباك اب لسيرفر اخر ، يرجى ان تكون حريص فى ادخال المعلومات المطلوبة للنقل .

اضغط y للاستمرار او n للخروج .

طبعا كدا الباك اب بتاعك اكتمل لو عايز تستمر وتنقله لسيرفر اخر هتضغط y وبعدين انتر ، لو عايز تكتفى بالباك اب فقط من غير ما تنقله لسيرفر اخر هتضغط n وبعدين انتر ، تعالو نشوف لو اختارنا y وكملنا ايه هي المعلومات دي اللى بيقول خليك حريص فى ادخالها .

ضغطنا y كمل ياعم ، جاب لنا الرسالة دي ، ودي اول حاجه هو طالبها :

Thanks For Continue with Transfer to other server
 Enter Server ip you want to transfer back up to it and press Enter :

طالب مننا اي بي السيرفر اللى هننقل له الباك اب ، اوكي كتبنا الاي بي وبعدين ضغطنا انتر ، ايه هو اللى طالبه تاني ؟ ، طالب بورت الشل للسيرفر اللى هننقل له الباك اب :

Enter Server SSH port and press Enter :

اوكي كتبنا بورت الشل ، طالب حاجه تانية ؟ ، لا كدا سلامتك هو خلاص بيعمل كونكت للسيرفر من شان يبقل الباك اب ، هتظهر لك الرسالة دي لو اول مرة تتصل بالسيرفر دا

The authenticity of host '11.22.33.44 (11.22.33.44)' can't be established.
RSA key fingerprint is 43:5b:8d:c2:83:95:ub:2o:75:45:12:d4:b3:90:cu:12.
Are you sure you want to continue connecting (yes/no)?

اللى هو بيخبرك ان ليس هناك مفتاح دخول بين سيرفرك وبين السيرفر الاخر ، وانه قام بانشاء مفتاح الدخول الموضح دا مع اختلاق القيم طبعا عن الموضحه اعلاه .

هل تريد الاستمرار ؟ ، هنكتب yes وبعدين انتر ، بعدها هيطلب منك باسورد السيرفر اللى هتنقل له الباك اب ، هتكتب الباس وبعدين انتر ، وبكدا النقل ايضاً اكتمل . وهتدخل للسيرفر اللى انت نقلت الباك اب ليه هتلاقي الباك اب بتاعك فى /home .

Your Account ( username ) transfered successfully
Now login server that you entered '11.22.33.44' , you will find your backup in home directory
Thank you for your patience
My Best Regards
Sameh Elshora
gulfhosted.com
server@gulfhosted.com

كدا احنا انتهينا من الاختيار الاول اللى هو رقم 1 وهو باك اب لموقع واحد على السيرفر .

[1]-Back up one account

===================================

نيجي بعدها للاختيار رقم 2 وهو باك اب لجميع المواقع على السيرفر .

[2]-Back up all accounts

طبعا هتشغل السكربت كما ذكرت فى الخطوات فى اول المشاركة :

./backup.sh

وندخل الباسورد الخاص بالسكربت gulfhosted بعدها هينتقل للخطوه اللى بعدها

Password verified.
 [1]-Back up one account
 [2]-Back up all accounts
Enter your Choise : [ 1 - 2 ] :

طبعا هنختار الاختيار رقم 2 وهو عمل باك اب لجميع المواقع

[2]-Back up all accounts

هندخل رقم 2 وبعدين هنضغط انتر ، وانتظر بقى لحد ما يخلص ممكن طبعا ياخد وقت كتير على حسب المواقع اللى عندك على السيرفر وعلى حسب حجمها .

بعد الانتهاء من عمل الباك اب لجميع المواقع هتظهر لك الرسالة التالية :

Please wait while load go down
All Accounts had been backed up , the next steps for transfer your back up to the other server , please be careful while you enter required information for transfer .

Please type ( y ) if you want to Continue , or type ( n ) to exit and press enter:

طبعا لو المواقع كبيرة هيكون اللود عالي اثناء عملية الباك اب ، الرسالة الرجاء الانتظار لانخفاض اللود بتظهر لك 4 مرات وبتنتظر حوالي 40 ثانية ، المهم نيجي للخطوة اللى بعد كدا ، وهي نقل جميع باك ابات المواقع دي للسيرفر الاخر ، كما هو موضح فى الرسالة اللى ظهرت لك .

تم عمل الباك اب لجميع الحسابات ، والخطوات التالية لنقل الباك اب للسيرفر الاخر ، يرجى ان تكون حريص فى ادخال المعلومات المطلوبة للنقل .

اضغط y للاستمرار او n للخروج .

عشان تستمر وتنقل الباك ابات هتضغط y وبعدين انتر .

طبعا هيطلب منك المعلومات الخاصة بالسيرفر الاخر اللى هتنقل له الباك ابات كما بالخطوة فى المرحلة الاولى :

Thanks For Continue with Transfer to other server
 Enter Server ip you want to transfer back up to it and press Enter :

طالب مننا اي بي السيرفر اللى هننقل له الباك اب ، اوكي كتبنا الاي بي وبعدين ضغطنا انتر ، ايه هو اللى طالبه تاني ؟ ، طالب بورت الشل للسيرفر اللى هننقل له الباك اب :

Enter Server SSH port and press Enter :

اوكي كتبنا بورت الشل ، طالب حاجه تانية ؟ ، لا كدا سلامتك هو خلاص بيعمل كونكت للسيرفر من شان يبقل الباك اب ، هتظهر لك الرسالة دي لو اول مرة تتصل بالسيرفر دا

The authenticity of host '11.22.33.44 (11.22.33.44)' can't be established.
RSA key fingerprint is 43:5b:8d:c2:83:95:ub:2o:75:45:12:d4:b3:90:cu:12.
Are you sure you want to continue connecting (yes/no)?

اللى هو بيخبرك ان ليس هناك مفتاح دخول بين سيرفرك وبين السيرفر الاخر ، وانه قام بانشاء مفتاح الدخول الموضح دا مع اختلاق القيم طبعا عن الموضحه اعلاه .


هل تريد الاستمرار ؟ ، هنكتب yes وبعدين انتر ، بعدها هيطلب منك باسورد السيرفر اللى هتنقل له الباك اب ، هتكتب الباس وبعدين انتر ، وبكدا النقل ايضاً اكتمل . وهتدخل للسيرفر اللى انت نقلت الباك اب ليه هتلاقي الباك اب بتاعك فى /home .

Done
Your Accounts transfered successfully
Now login server that you entered '11.22.33.44' , you will find your backups in home directory
Thank you for your patience
My Best Regards
Sameh Elshora
gulfhosted.com
server@gulfhosted.com

اي استفسار او نقاش طبعا حاضرين

الخليج هوست لخدمات الويب المتطورة .

مصدر الموضوع : مـن هــنــا .