مرحبا فيك اخوي بالنسبة للطلب الاول كثير تكلموا عنه الشباب لاكن تستاهل بشرح لك الموضوع بشكل مختصر
في البداية اول شي تشوف الموقع جديد او قديم اذا جديد مو مشكلة عادي اذا قديم ولا مشى لازم تشوف وش الي خلاه ما يمشي بذكر لك بعض النقاط الي تساعد في انتشار موقعك وتحقيق عدد اكبر من الاعضاء والزوار
اهم شي تهيئة الموقع لمحركات وعمل اعدادات للارشفة وعمل خرائط ونشر الموقع في ادلة المواقع جميع ما ذكرت تساعد من نشر موقعك ومواضيعك على النت
ثانيا تجهز موقعك من ناحية الستايل والواجهه وتكون بشكل حلو يشد الزائر ويكون خفيف التصفح
ثالثا الزائر لما يدخل وش يبي اكيد يبي كل شي جديد حصري علشان يضطر انه يرجع لك لانه متاكد بيحصل شي جديد عندك يعني محتوى موقعك من اهم الاشياء الي تساعد على بقاء الزوار عندك
رابعا الاعلان في المواقع الاخرى ووضع بنرات لها دور مهم في تحقيق انتشار لاسم الموقع وزيادة عدد الزوار لاكن يجب عليك ان تتاكد من الموقع الي بتعلن عنده فعلا الموقع قوي بالمحتوى والزوار الحقيقيين او مجرد زوار
طبعا اخوي لما تسوي كل هذا اضمن لك موقعك راح يتحرك بشكل ملحوظ ومستمر لاكن وش فائدة الاعضاء بس شكل بالموقع يعني اي واحد يجيك مستعد اجيب لك 1000 عضو طيب وش بيسوون بيسجلون وخلاص لا لاكن بشغلك هذا ما راح تجبر احد يجيك راح يجيك هو برغبتة ومعجب في محتوى الموقع
والله يوفقك اخوي وتحقق ما تتمنا باذن الله
بالنسبة للطلب الثاني
مادري انت تبي تضيف ازرار البسملة والسلام والشكر في الصندوق او تبي البسملة في بداية كل موضوع جديد
عموما اذا حبيت تضيف البسملة في بداية كل موضوع علمني اعطيك الشرح الخاص فيها
اذا تبي تركب ازرار البسملة والسلام والشكر .... انصحك بتركيب هاك المودة جميل ويوجد فية خصائص رائعة
اسف على الاطالة واتمنى ان اكون وفقت توصيل المعلومة بشكل جيد واي استفسار اخر نحن بالخدمة
|