انا ضد اغلاق التسجيل في اي منتدى فما بالك بالويب العربي اللي يعتمد على وجود اعضاء جدد يطلبون خدماتنا وكل مازاد عدد الاعضاء وازداد عدد المسجلين يوميا كل مازاد الطلب علاقة طرديه طبيعيه
اما النصب واللي يقول انه كثر في الويب العربي او ان الويب العربي هو السبب فاعتقد انه كلام غير صحيح وانا ممكن اثبت هذا الشي ركز معاي شوي
الان البلوتوث خلانا نعرف ان مجتمعنا رايح ملح شباب وبنات هل معنى هذا ان البلوتوث هو السبب ؟
لا ابدا !!!
البلوتوث خلانا نشوف الشي اللي موجود اصلن من سنين طويله ولو منعوا البلوتوث منع نهائي ولا صار موجود في البلد هل تتوقع ان اللي نشوفه راح يتوقف ؟؟؟
مستحيل
لانه موجود حتى قبل الجوال براسه
وقيس على هالشي في الويب العربي قسم قضايا ونزاعات وضح لنا البلاوي اللي تصير لكنها موجوده قبل يكون فيه شيء اسمه ويب عربي وانا اتذكر اني كتبت موضوع في سوالف قبل اربع سنوات تقريبا عن مشكلة مستضيف عرض موقعي للبيع بسبب مشكلة باندويث وطلب 15 الف ريال او يبيع الموقع
وفعلا دفعت له وبعد سنه تقريبا رجع لي المبلغ بعد ما تحملت الشركه الاجنبية المسؤليه لانه قعد وراهم لحد ما اعترفوا بخطأهم .
هذا الكلام قبل سنين وهذا يثبت ان المشاكل موجوده ومو شرط تكون كلها نصب او سرقه وقسم قضايا ونزاعات اللهم خلانا نشوف هذي المشاكل وسلط الضوء عليها ولا لها علاقه بشغلة التسجيل الا من ناحية ماراح يكون فيه موضوعات تنكتب فيه بشكل كبير لكن هذا مايعني ان المشاكل قلت او اختفت مثل ما قال اخوي مصري
وبعدين انا اشوف انه شيء طبيعي تصير هالمشاكل في الويب العربي لان الويب العربي متخصص في هالشي يعني مستحيل يصير نقاشات بين اعضاء سنه وشيعه في منتدى متخصص في الاسهم مثلا
نجي لموضوع العميل الضحيه
صحيح فيه ناس خبرتهم قليله لكن يالله لك الحمد الويب العربي فيه كل الانواع ماعليك ايها العميل
الا تبحث عن الافضل الله لا يهينك معليش اتعب شويه عشان ما تندم ابحث عن الشركه اللي سمعتها زينه بمجرد تقرا شوي في قسم قضايا ونزاعات وتشوف موقعهم ومشاركاتهم وردودهم على الناس وتشوف عملائهم وتختار المناسب لك اما تجي منطلق على اقرب موضوع في الاعلانات وترسل له فلوسك هذي احس انها حركه مو بس تستاهل عليها تروح فلوسك الا تستاهل تاخذ كفين من يدك مو من يد احد ثاني :d :d
تحياتي