السلام عليكم ورحمة الله وبركاته
أستاذي الكريم serv2000 أولا شكرا على تجاوبك ودعوتك الكريمة.
ثانيا إن كنت قد قرأت خطة تطوير الموقع بالنسبة لموضوع التبرع بالدم كما هي موجودة بالموقع وعلى إستعداد لتنفيذ ما جاء بها فأهلا وسهلا ويا مرحبا وشاكر لك وأدعي لك العمر كله وما أوفيك حقك.
وبالنسبة للربح للموقع فستجدني ذكرت في خطة تطوير الموقع أنني لن أضع أي إعلان من أي نوع بصفحات التبرع بالدم إلا للمعامل التي تريد أن تتعاون بأن تعرف فصيلة المتبرعين مجانا والإعلان هيكون في الصفحات البلد التي تخدمها وسيكون نصي حتى تكون صفحات المتبرعين أسرع ما يكون.
وبالنسبة إن الموقع يكون لوجه الله تعالي ومحدش يكسب منه حاجة أنا معاك في دي ومش عاوز أي حاجة من أي نوع ( لا نريد منكم جزاء ولا شكورا ).
وبالنسبة لتغير إسم الموقع على ما فهمت فأنا مش فاهم المقصد من الكلام ده إيه ياريت توضح لي وجهة نظرك بالنسبة للموضوع ده.
وبالنسبة إن محدش يستفيد من الموقع غير المرضى أتصور إن الإستفادة المادية خلاص إتفقنا لا أنا ولا غير هيكسب منه قرش ولا هيكون له إعلان من أي نوع إلا المعامل إللى هتشوف فصيلة الناس ببلاش, وتصورى الآخر إن محدش يستفيد منه يعنى يكون قاصر على الموضوع ده بس فهنا يظهر التباين بيننا في وجهات النظر.
وإسمح لي أن أروي قصة بسيطة : العبد لله لما عمل الموقع وفي أول أيامه مين إللى كان بيدخل الموقع ويعرفه مفقط إللى محتاج متبرع من بلدي لأنهم أكتر ناس متسجلين بالموقع والموقع أساسا كان علشان حل مشكلة التبرع بالدم في بلدنا (قرية برج البرلس) وطبعا إحنا في البلد في حالات بنحتاج متبرعين من جمبا وإللى جمبنا بيحتاج مننا وممكن نحتاج من خارج المحافظة كمان وكمان بنستعين بموقع
www.freeblood.com و في بداية الموقع وللآن الحمد لله لسه العبد لله خرونج في موضوع تصميم المواقع فقرأت في موضوع يخلي الموقع يظهر في نتائج البحث وعملت إللى أقدر عليه ودخلت منتديات وقلت يا ناس يا هوه في موقع إسمه كذا وشغلته كذا وزاد عدد المتبرعين إللى من خارج بلدي(برج البرلس) لكن زاد كام قليل طبعا , طب بالنسبة للزوار الزوار زادوا لما عملت حاجات بحوار التبرع بالدم تفيد الزائر وأنا شخصيا بستفيد منها وهية سبب رئيسى لي شخصيا إني أفتح صفحة الموقع ولو الموضوع مقتصر على التبرع بالدم بس مكنتش فتحت الموقع إلا علشان سجل الزوار أو محتاج متبرع, لكني بفتح الموقع كل يوم تقريبا علشان أقرأ الصحف وأسمع قناة الجزيرة ولو إحتاجت حاجة بالنسبة للجو أو أسعار سلعة معينة أو تليفون معين أو سفارة أو............
الحاجات دي جابت زوار ومن ضمن الزوار دول ناس أرسلت بياناتم كمتبرعين ومن ضمن الزوار دول ناس بتعلن عن الموقع علشان الحاجات المفيدة إللى فيه وكمان علشان فكرته.
إقتصار الموقع على موضوع التبرع بالدم ده هيجعل الموقع لا يزوره إلا من يحتاج متبرع إن كان قد علم به أصلا وعلشان كده كنت بفكر إزاي أخلي الموقع مأهول بالسكان مش بس مأهول بالزوار لا ده في وسط البلد .
مين ميعرفشي موقع الياهو أو جوجل طبعا كتير إن لم يكن كل الناس إللى بتتعامل مع النت .
أنا كنت عاوز أحط الموقع في المكانة دي وأخلي موضوع التبرع بالدم موجود في قلب وواجهة موقع بهذة الشهرة والنشاط والفاعلية.
قصة أخرى : منذ سنة إقترح علي أحد الأصدقاء إني أضع إعلانت لجوجل بالموق فقلت له لا يا عم إما أنا سبت جيران
www.insanmsary.jeeran.com وعملت القصة دي ليه مش علشان الإعلانات وكمان إن يكون الموقع سهل إن الواحد يفتكره ويكتبه ومصداقية الموقع.
والآن أنا في الإشكال مع حضرتك لكن أنا مكان صاحبي ومش إعلانات جول ولا حاجة لكن مكان صاحبي.
هوه كان عاوز إعلانات علشان الفلوس ودخل للموقع وكان رأيه يا سيدى لو مش عاوز حاجة من الفلوس دي إصرف منها على الموقع أو وجهها في أي عمل خيري والعبد لله رفض وقلت له ياعم أنا عاوز الموقع نظيف من أي شبهة,
لكن مع مرور الوقت إتضح لي إن الموضوع كله لازم يقيم من جديد ولازم الموقع يكون في مكانة محترمة ويكون ملئ بالزوار ومشهور ومفيد ويظل الموقع يعمل حتى لو مت أنا ويكون له القدرة على الإستمرار والنجاح وإن يكون له قوة الدفع الخاصة به .
أحب بس أقول نقاط أساسية بالنسة للمواضيع الأخرى غير التبرع بالدم
كلها ترضي الله ورسولة.
تعود بالنفع على المسلمين ترتقي بأحوالهم وتقرب المسافات بينهم.
شخيصا لست على إستعداد أن يكون بالموقع ما يلحق بي السيئات بعد موتي يكفيني ما أحمله على ظهري.
أطلت عليك وما زال لدي ما أتحدث عنه ولكني سأنتظر ما تقول.