السلام عليكم ..
الله يوفقك اخوي بالموقع ..
بالنسبة لأفضل برنامج .. امممممممممم اعذرني ممكن اطول شوية (لف يمين احسن)
قبل فترة حملت برنامج سيرفر الجمل ( السيرفر المحلي)
وقاعد اجرب عليه اي حاجة ..
وجربت اول شي النيوك نسخة المغترب لكن دخلت عليها وانا ماني عارف راسي من رجلي .. .
هيا بصراحة شفت لها امكانيات جبارة في مواقع كثيرة لكن قلت هذي المجلة يحتاج لها شغل ودروس علشان افهمها ...
ورحت ادور مجلة ثانية ..
الموهم ماطول عليك ووصلت لمجلة مك بورتال mkportal حقيقة اصفق بحرارة لهذه المجلة الخفيفة والسهلة والشاملة ايضأ
وجربت وثبتتها على السيرفر الشخصي ..
وعلى طول المجلة فيها كل شي مثبت وجاهز بس باقي انك تحط عليها روابطك وملفاتك ..
اقلك ابرز مميزاتها وقد لاتجدها في مجلة ثانية ..
1- تندمج مع 5 انواع من المنتديات تقريبا واهمها vb
فوائد الدمج
أ/ يصير كأنه منتدى تابع للمجلة والاعضاء يسجلون مرة وحدة يتسجل في الموقع والمنتدى في وقت واحد .. مثلا سجل في المنتدى راح يكون في قاعدة بيانات المجلة مسجل بنفس العضوية
ب/تقدر تستخدم هاك في المجلة ويتفاعل مع المنتدى مثل هاك اخر مواضيع المنتدى موجود في المجلة في الصفحة الرئيسية
وفيه مميزات للدمج ماتحضرني دحين
2- لها دعم فني عربي رسمي ولكنه متوسط الخدمة لكن لاتخاف فيه دعم غير رسمي من موقع ثاني ..
3- لوحة التحكم سهلة جدا
4 - الاشياء المثبتة تلقائيا وتقدر تحذفها زي ماتحب : البوم صور / مركز تحميل / سباق مواقع / دروس / المركز الاخباري
5/ تحس انها قليلة هذي الاشياء !! ماتخاف في للمجلة اكثر من 50 هاك واكثر من 50 مديول ..
مثل : التوقيت العالمي تحويل عملات شريط البورصة السعودية وكمان العالمية اخر مواضيع المنتدى القران الكريم العاب ساعة بعقارب برامج ننصح بها محركات البحث والكثير الكثير بس انتا عليك انك تدور
ايش في كمان مميزات حلوة ؟؟ ايوة
6/ بالنسبة للستايل والشكل ..احلى ميزة في نظري ..
تقدر تخلي ستايل المنتدى هوا نفسو ستايل المجلة وبخطوة واحدة وكمان فيه ستايلات كثيرة جاهزة للمجلة
وفيه مميزات ثانية ماتحضرني الان لأني بكتب لك على الماشي
وعلى فكرة انا ركبت المجلة لصديق لي في موقعه
http://www.dbdobmakkah.com/ وركبت الستايل كمان وكان التركيب جدا جدا سهل ..
وكمان هذا الموقع لقريب لي اعطيته المجلة وماشاء الله عليه سوا كل شي بنفسو وكمان تفنن فيها
http://www.alorgwan.com/
الموهم ماطول زيادة شكلك طفشت ..
اذا عجبتك المجلة الله يحييك وكلمني على الماسنجر Heemoo9@ h o t m a i l.com
واي خدمة انا حاضر ولو تبغاني اركب لك المجلة مجانا ماعندي مانع <<< عشانها سهلة مررررررررة ..
يلا بالتوفيق واسف على الاطالة ..