السلام عليكم ورحمة الله وبركاتة
النهارده جايب خبر يهم كل البورسعيديه والدمايطه كمان...
الشركة الكويتية لتداول الحاويات
شركة حاويات دمياط اللى لسا تحت الإنشاء دلواتى طالبه جميع المجالات ولا يشترط الخبره ولا حتى التقدير..فرصه والله.. من الامن للعمال للسواق للمهندس للمحاسب للدكتور للمدير...الخ
والمرتبات هتكون كويسه اوى ممكن السواق ياخد الف ونص..انتو عارفين بئا الحاويات
فى افضليه لبتوع دمياط وبورسعيد...واحتمال المنصوره بس مش متأكد..
عموما كل اللى عاوز يقدم يروح دمياط وياخد تاكسى على ميناء دمياط ف دمياط الجديده وجوه الميناء هيلائى مكتب تقديم شركة حاويات دمياط..هتاخد استماره بيئولو ب 5 جنيه هتملاها وانتا واقف وتكون جايب معاك صوره شخصيه..
التقديم سارى حتى 4/7/2008 على ما اعتقد!والتقديم لازم باليد ومينفعش بالميل ولا بالبريد
اى استفسار انا فى الخدمة
انا من دمياط وبشتغل فى الميناء
تمنياتى بلتوفيق للجميع
رابط الموضوع الاصلى
http://www.newarb.com/vb/t6972.html#post15109