هو الموضوع رائع فعلاً وبيلخص مشكلة مزمنة فى قطاع الاعمال عامة ونشاط الويب خصوصاً
وبلا شك يا صح ان نلوم طرف واحد دون الاخر فالموضوع منظومة كاملة بيشترك فيها العملاء ومقدمى الخدمات مع اطار عام من العرف والسائد والمنافسة السوقية الواقعية
بمعنى تانى انا شايف ان المسئولية الاولى على شركة الاستضافة اولاً لان واقع السوق خلى المنافسة شرسة جداً بين الشركات وبعضها وبين الشركات الرسمية وغير الرسمية ايضاً وده بيدفع اى حد سواء كانو شركات او اشخاص للتنازل للحفاظ على شريحة من العملاء كبيرة وموجودة فعلاً
مع احترامى لجميع الاراء طبعاً بس انا شايف ان الحل مش قصر التواصل على نظم التذاكر فقط
ممكن التواصل يكون هاتفيا وشات ومؤرشف ومسجل ومراقب ومتابع وكل حاجة
واذا كنا هنعتبر المواقع الغربية مرجع لينا هنلاقى الشركات الاجنبية بتوفر دعم وتواصل بكل الوسائل حسب الاشتراكات واسعارها ان شاء الله تشترى دعم بالهاتف 24 ساعة ايه المشكلة تستقبل استفسارتة واحيانا سخافات اكيد برضو فى مقابل قيمة مادية حقيقية
لكن احنا بنتنازل وبعدين نلاقى نفسنا بنخسر نظام وفلوس فنرجع تانى نبعد ونقنن طرق الاتصال ونظم التعامل
فاحنا محتاجين فى خطوات عملية الاتى
1- عمل دراسة سوق جدية لطلبات ومشاكل العملاء فى الشريحة المستهدفة للشركة
2- بناء عليها رسم سياسات التسعير ومستوى خدمة العملاء وخطط الاستضافة والدعم
3- التاكيد على توضيح وابراز سياسات العمل (سياسة مستوى الخدمة - استرجاع النقود - الدعم الفنى - تسعير الخدمات الاساسية والاضافية الخ الخ
وتدرب الموظفين عليها بالشكل اللى يخليهم يشرحو ده ومزاياه للعملاء
4- التأكيد على التخصص
فانا شايف كله بيعمل كله اللى عنده شركة فيها 3 موظفين بيقدم نفس الخدمات اللى عنده شركة فيها 100 موظف وكله بينافس على كل حاجة وكله بعمل دعم واستضافة وتصميم وتأمين وبرمجة وارشفة واشهار ووو
ماشى التكامل حلو بس التكامل بيتحقق بالتخصص والموارد مش بالدراع والفهلوه
الاستشارى ليه شغلة والدعم الفنى ليه شغلة والمصمم وووو كل دول ليهم خبراتهم واستحالة بامكانيات سوقنا العربى النامى دلوقتى نقول فيه شركة بتعمل كل ده بنفس القدر من الاحترافية
فنكون صادقين مع نفسنا والعملاء بتوعنا ونركز على الخدمات اللى بجد نقدر نتميز فيها ونقدر نقدمها بعائد اقتصادى ربحى كافى
اما باقى الخدمات فتتم بالتعاون والشراكة (affiliates & out sourcing ) مع شركات تانية وبكده بدل ما كلنا ننافس بعض كلنا نشغل بعض وكلنا نرتقى بمستوى الخدمات والسوق بينمو فعلاً وهيستوعب حصص اكبر لو بقت فيه اتحادات زى كده
اعتذر عن الاطالة لكن الموضوع محتاج كلام كتير وانا نفسى تكون فيه ورش عمل ومؤتمرات ونقاشات عن تطوير خدمات مطورى المواقع والشركات اللى فى مجالنا عموما وبريادة ودعم من الموقع الرائع (الويب العربى)
|