[Miss Malak]

بمناسبه الموسم الصيفي .. طبعا أغلبنا قاعد يدور على مواضيع جديده بالمنتديات .. و حابب يسلي نفسه

و اللي عنده منتدى مستغل الاجازه عشان يظبطه ..


انا جيت بقى و جايبالكم شوية نصائح ... اتمنى تستفيدوا منها





عاوزه اقول لكم انو كل حاجه و ليها ناسها .. يعني واحد عاوز ينشط المنتدى بتاعو مثلا :

أولا و قبل كل شئ أعرف سبب الركود ايه ... و بعد كده ادور على الحل ..

و الحل هيكون :

1~ عدد الاعضاء قليل -----> يبقى أعمل اشهار

2~ عدد المواضيع قليل -----> يبقى محتاج تعبئه

3~ عندي مواضيع و عندي أعضاء بس بردو مفيش تفاعل -----> يبقى سعتها أجيب منشطين

اللي هيبقو معايا بصفه دائمه .. أو لمده محدده و موش تكون أقل من شهر غير كده انا بحكم على منتداي

بالاعدام




من السهل اني اجيب حد يعملي مواضيع في المنتدى بس في و في ..

يعني في اللي بيرضى بأي سعر ... و بيعملي حشو .. بمعنى ينزلي مئات المواضيع المنقوله بطريقه

{غبيه} و موجوده في كل مكان ... ايه الفايده ... ده أنا كده بطفش الاعضاء بتوعي و بخلي منتداي أشبه

بسله قمامه .. الناس بترميلي فيه اللي فايض من المنتديات التانيه ..




السعر لو كان مرتفع ده معناه حاجه من الاتنين :

يا الانسان اللي انا بتعامل معاه عاوز يستغلني .. يا بيعمل شغل حلو و لازم ياخد قد تعبو و في الاول و الاخر

ده جهد بني آدمين .. و كلو في مصلحة موقعي .. و أنا كلي نظر و بقدر اميز


و أهم حاجه مابقاش عبيط و يضحك عليا و لا اناني واخلي الناس تدعي عليا





الموظف بيبقى خايف يشتغل طول الشهر او مادري قد ايه... وفي الاخر يجي صاحب الموقع يتنكر له و

ينفضله ... و انا شخصيا بطلت اتعامل كده عشان حصلتلي كتيـــــــــــــــــــر


و التاني بيبقى خايف يدفع فلوس و يتنصب عليه ... و الله يعين الجميع


لدى فخير الامور اوسطها ادفع النص و النص بعد نص العمل او بعد اتمامه


وممكن اسأل على الشخص اللي بتعامل معه ... او كتب معاه عقد في المواقع المخصصه لذلك


و في الاول و الاخر ربنا هو الضامن ... و الواحد لازم يعرف انو هييجي عليه يوم و هيتحاسب





انا بتجيلي ناس بتطلب مني عروض ببقى مستغربه منها كتــير :

اللي عاوز 1000 موضوع بـ 200 ريال, و يشترط يكونو حصريه , و مميزه , و تعمل تفاعل بين الاعضاء ... وأهم

حاجه المده بسيطه


طيب لو الواحد حسبها بالعقل ازاي انسان هيكتب 200 موضوع في اليوم بطريقه

مميزه و كل المواصفات دي

لوحده مستحيل طبعا ... و لو قدر هتبقا نسخ و منقوله من أول موقع يطلعلو في جوجل كمان

ولو هيساعده حد فيديه كام و هياخد هو كام ... ؟؟؟!!

انما لو كان اول ما هيستلم منتداك هيدور فيه كويس عشان يعرف الاقسام .. يراجع القوانين ... يشوف

المواضيع عشان ميحطش مواضيع مكرره .. فده هياخد وقت انما نتيجته هتبقى قد فلوسك و قد جهد

الانسان اللي اشتغلك ...





كلنا عاوزين نكسب .. لكن اللي بيحسبها صح و يشغل دماغه ... و يكون بيتمتع بقدر من الذكاء هو اللي

هيكسب أكيد في الاخر





اتمنى ما كونش تقلت عليكم بموضوعي .. و اكون ذكرتكم ببعض الحجات اللي ممكن تكونوا سهيتو عنها


بالتوفيق للجميع .. موظفين و أصحاب مواقع ..


ودي لكم جميعا