السلام عليكم ورحمة الله وبركاته
درسنا اليوم عن Linux File System
لينكس
EveryThing Is File
نشوف تقسيم الملفات ازاي هيكون ..
نبدأ بسم الله
هنا الفايل سيستيم
نفتح الترمينال
هنلاقي مجموعه من الفايل سيستيم
نبتدي بـ bin
1 - bin :
بيكون موجود فيه الـ Basic Binaries
او الاوامر اللي بنستعملها يوميا مثال
ls - cp - mv - rm - date - df
وعلشان نشوف الاوامر دي فين موجوده
which mv
هنلاقي الباث بتاعها علي
/bin/mv
2 - boot
وده بيكون فيه الكيرنيل والبوت فايل سيستيم وبرنامج الـ Boot loader المشهور grub
3 -dev
بيكون فيه كل الفيزيكال ديفايس اللي موجوده في جهازك .. وده هتلاقي فيه كل حاجه خاصة بالهاردوير حتي الـ USB والكيبورد والماوس والبرينتر
مثال :
كود:
/dev/sr0 699M 699M 0 100% /media/cdrom0
هنا السي دي روم بإسم sr0
4- etc
بيكون فيه الكونفيجريشن فايلز .. زي الدي ان اس والريسولف والايبيهات
نشوف الكونفيرجيشن فايلز عن طريق ls *.conf
وهنا هنلاقي مثلا resolv.conf
والـ host.conf , sysctl.conf , ntp.conf وغيرها من الكونفيجريشن
5 - home
ده بيكون فيه الملفات الخاصه بكل يوزر علي السيستيم
مثلا عملنا يوزر بإسم romio
هنلاقي ملفات اليوزر ده علي الباث /home/romio
عامل زي الـ My Docuementsفي الويندوز
6 - Initrd
وده بيتعمله ماونت مؤقت بيستخدم لما الكيرنيل يعمل بوت وبيكون فيه تجهيزات قبل ما الروت يتعمله ..
7 - lib
دي libraries او المكتبات عامل زي ملفات dll في الويندوز
وهنلاقي فيها libssl.so و libcrypt.so وغيرها من المكتبات
8 - lost-found
ودي هنلاقي فيها الملفات اللي اتحذفت اثناء عمليات الـ fragment للهارد ديسك
وإذا فتحناه هنلاقيه فاضي .. لان مش فيه اي بروسيس بتتعمل عليه حاليا
9 - mnt
وده بيتخزن فيه الماونت بوينت مؤقتا إذا كان فيه سي دي روم او فلوبي ديسك
يعني إذا شغلت السي دي روم هتلاقيه هنا .. واحيانا بيكون في /media
مثال :
كود:
/dev/sr0 699M 699M 0 100% /media/cdrom0
10 - media
وهنا هتلاقي البارتيشنات في الهارد بتاعك .. وهتلاقي فيه محتويات My Computer
11 - Opt
بيكون في الابلكيشن والبرامج زي اوراكل او جافا او سن والريال بلاير
12 - proc
وبيكون فيه معلومات عن الميموري والفايل سيستيم و والبروسيسور
مثال هنا عايزين نعرف معلومات عن الميموري
cat /proc/meminfo
13 - root
وده بيكون فيه الهوم دايركتري للروت
بالضبط /home/romio زي ما شرحنا فوق
هنا هيكون /root الفايلات بتاعت الروت
ملحوظة : لما تفتح الشيل بيوزر روت هيدخلك علي الروت
root@romio-desktop
مثال :
كذلك إذا فتحها باي يوزر تاني
romio@romio-desktop
14 - sbin
وبيكون فيه binaries الخاصه بالـ superuser او الروت
زي fdisk - reboot - shutdown
ده غير الـ bin اللي فيه الـ Basic binaries اللي شرحناها فوق ده غير ده
15 - /var
وبيكون فيه ملفات اللوج وملفات الميل المؤقته , spool , واحيانا بيكون فيه ملفات للبرامج زي الـ mysql
وبينقسم إلي
/var/lib/
وفيه قواعد البيانات
/var/lock/
بيكون فيه الملفات قيد الاستخدام
/var/log/
ملفات اللوج مختلفه
/var/mail/
فيه الميل بوكس لكل يوزر
/var/run/
بيكون فيه معلمات عن السيستيم من اخر بوت
/var/tmp/
فيه التمب والملفات المؤقته
16 - tmp
بيكون فيه الملفات المؤقته لتشغيل البرامج
19 - usr
بيكون فيه ملفات للبرامج
وبينقسم لعده اقسام
/usr/lib/
بيكون فيه المكتبات الخاصة بالبيناريز في /usr/bin/ و/usr/sbin
/usr/src/ وبيكون فيه السورس كود زي سورس كود الكرنيل
/usr/X11R6/ وده بيبقي الواجهة الرسومية وملفاتها
وبكده نكون انتهينا بفضل الله
مش عايز ارخصه في الـ GPL 
بما اننا في عصر الاوبن سورس >> يسمح بالنقل مع ذكر المصدر
جزاكم الله خيرا