قبل كل شي انا احد الاخوان الي كان يفتخر بوجود شركه سعوديه
مثل سعودي فورهوست ولكن بعد مارايته من حقائق تثبت وجود تلاعب
ومماطله في ارجاع الحق الى صاحبه اقولها طاح من عيني هو وشركته ومن طاح ماشريناه غير بالتراب
ويوم شفت موضوع سوالف ورده على الاخ ابو فنار وهو يقول يبي يهدر دمه اكتشفت انه الاخ ابو فنار
كان يتعامل مع اطفال امانه ياناس في احد يقول حق شخص مستضيف عنده ابقتلك واهدر دمك
تعرفون ليه يسوي كذا لانه خلاص الرجال محجر عليه بحقه وهو من القهر ماشاف له طريق غير السب
هو والورع الصغير سعد الي لسانه اعتقد مغسول بموية المجاري وانتم بكرامه
ياعالم هذي اخلاق ناس عندها شركة استضافه او شركة نهب اموال
الحمدالله انه القناع الي كانت تتستر فيه شركة سعودي فور نهب سقط
وكل واحد يشوف الحق ويسكت عنه تراه شيطان ومهما كانت علاقتك بسعودي المفروض انك
تنصر راعي الحق ولاتشتري دنياك مقابل مال او مصالح مع سعودي فور نهب لانه كل شي زايل
والواحد ماتبقى له غير سمعته بالدنيا هذي على العموم انا على وشك عمل صفحه بالنت فيها فضائح هذي الشركه
من بدايتها لكي تكون عبره حق المستخدم العربي ومايطيح فيها مثل غيره وانشالله تتوزع نسخ منها
حق كل المنتديات وبالنسبه لك ياخوي عبدالله تراك تنفخ في قربه مغضوضه والشق اكبر من الرقعه
يعني مهما قلت او حاولت تبرر عمل الاطفال اقصد الشركاء الي معك هم الغلط راكبهم من ساسهم الى راسهم
بعدين ياخوي عبدالله كيف سمحتم حق نفسكم تحذفون موقع الشخص يعني الي خبرناه انه الموقع يتقفل
لو افترضنا انه ماسدد مع العلم انه دافع وصور الوصلات حقت البنك تثبت هذا لكن تجي تحذف موقع بالكامل
وتروح تبيع المنتدى بكبره بعد يعني فوق سواياك الي توطي راس كل سعودي طلعت نذل لو كنت سرقت
ولابعت نجي معك نقول حرامي مثله مثل غيره لكن تبيع شي ماهو لك وتستغل وضعك كامستضيف
هذي الي ماشفته من قبل على العموم اهنيكم على ابتكار فن جديد بالنذاله وهو بيع مواقع المستضيفين عندكم
تحياتي لك ياخوي ونصيحه راجع نفسك ولاتكابر على الحق
اخوك ابو سعد
|