بسم الله الرحمن الرحيم
السلام عليكم ورحمه الله وبركاته
احب اعرفكم بنفسى الاول
معاكم اخوكم ميجا
من مصر
ثانويه عامه السنه دى ومشغول من شعرى لصابعى الصغير
ولكنى مدمن
لألألألأ اوعى تفهمونى غلط
مدمن انترنت وكمبيوتر
وحبيت انى اعمل حاجه جديده
او ابتكر حاجه جديده
وهمهدلكم للفكره بكام سؤال كده
فى حد فينا لم يعانى من الهاكرز؟
فى حد فينا جه يدور على اشهار ولكن كانت الاسعار نااار ومعظم الشركات مش سليمه؟
فى حد فينا دور على شركه هوست سليمه ذات مواصفات جامده وبأسعار رائعه؟
فى حد فينا حب فى يوم يركب هاك ومعرفش؟
فى حد فينا فى يوم دور على حد يصممله تصميم وملفاش؟
فى حد فينا طقت فى نفوخه انه يتعمل الهاكرز علشان غرض سلمى او علشان يحمى نفسه وملقاش المكان المناسب؟
فى واحد فينا فى يوم من الايام قرر انه يعتمد على نفسه ويصمم لنفسه وملقاش المكان المناسب الى يلاقى فى اول طريق التعليم؟
فى حد فينا حب يعمل اعلان لموقعه بفولس ولكن بأسعار معقوله ونتائج اكيده وطبعا ملقاش؟
لسه فاضل 3 اسئله
الاول : هل عمرك شوفت موقع اجنبى مخترق من قبل واحد اجنبى؟
الثانى : عمرك شوفت موقع اجنبى فاشل؟؟
الثالث: هى مواقعهم فيها سحر بتشد الناس ولا ايه؟؟
انا بئه هبدأ اجاوب على الاسئله
اجابه الاسئله الاولى كلها بنعم للأسف
اما اجابه السؤال ده
إقتباس
الاول : هل عمرك شوفت موقع اجنبى مخترق من قبل واحد اجنبى؟
فهى بلا
واجابه السؤال ده
إقتباس
الثانى : عمرك شوفت موقع اجنبى فاشل؟؟
برده بلا
واجابه السؤال ده هو بدايه الفكره بتاعتى
إقتباس
الثالث: هى مواقعهم فيها سحر بتشد الناس ولا ايه؟؟
الاجابه باختصار انه مش سحر ولا حاجه
ولكن كل ما فى الموضوع انهم فكروا وقرروا ونفذوا
طبعا هتؤلى قرروا ايه ونفذوا ايه
انا هؤلك انهم قرروا يضربونا بالنار وقرروا انه ميبئاش فى موقع اجنبى فاشل
للأسف حتى المواقع الـ X غير فاشله
والدليل ةان معظم شركات الاشهار بتستخدمها للاعلان عن المواقع الاخرى
يؤلك خش هنا موقع كذا وفيه كذا
وطبعا الناس دى ما بتصدق تخش وتجسل
تلاقى نفسها فى منتدى تانى
المهم خلينا فى موضوعنا
كده احنا عرفنا هما قرروا ايه
نجى بئه للتنفيذ
خش كده وحاول تأجر سيرفر من موقع اجنبى و من موقع عربى
الموقع الاجنبى هيؤلك ادفع 15 دولار فى الشهر اى ما يساوى 40 جنيه مصرى
اما الموقع العربى هيؤلك كالتالى
انا: السلام عليكم
الشركه: وعليكم السلام
اهلا وسهلا بيك
اخدمك بئيه
انا: محتاج أأجر سيرفر بمواصفات كويسه
الشركه:طلبك عندى
وبأرخص الاسعار
انا: طيب ياريت تورينى عروضك
الشركه:اوى اوى تحت امرك
اتفضل
اول سيرفر
المواصفات
_كذا
_كذا
_كذا
_كذا
_كذا
والسعر لقطه 1500 جنيه فى الشهر بس
السيرفر الثانى
_كذا
_كذا
_كذا
_كذا
_كذا
والسعر محصلش 2000 جنيه شهرى بس
لا تعليق.....