بسم الله الرحمن الرحيم
أهلا بجميع زوار و أعضاء وإدارة الويب العربي بارك الله فيكم
أخباركم علوومكم عسآكم بخير ان شاء الله ..
أعتذر على قلة التواجد والتفاعل وان شاء الله أقدر أعوضكم في الفترة الجآية ..
=========================================
موضوعنا اليووم مماا تتكون الشبكة العنكبوتية أو بالأصح ما هو الانترنت ؟؟
كلنا ندخل مواقع أغلبنا صآروا من أصحآب الموآقع وهذا يدل على التطور العلمي ولله الحمد
ولكن قليل مناا يفهم الانترنت أو يقرآآه بالمفهووم الصحيح له !!
ونبدأ الحين بـ
(( الــســـيـــرفــرات ))
الاسم هذا له هيبه عند الجميع وشي جميل جداً يتمنى أغلبكم يملكه لكن ما يدري وش هو ومدى خطورته
وصعوبة التعامل معه !!
ماهو السيرفر ؟؟
السيرفر جهآز كمبيوتر مثل كمبيوتري وكمبيوترك وكمبيوتر أي وآحد ولكن يختلف ضمن مواصفات معينه
مثلاً الرام يكون فيه 2 جيجا !! حنا عندنا معالج واحد اما هو فيكون فيه معالجين أو أربع معالجات !!
وهكذا .. هالمواصفات تنعرض لك يووم تأجر سيرفر من أي شركة متخصصه بهالمجال !
============
هل السيرفر شكله مثل كمبيوتري ويندوز وابدأ .. ؟
طبعاً في الكمبيوترات عاامة يووجد عدة أنظمة واللي شاائع وحنا نستخدمه اللي هو الويندوز
لكن في نظآم يعتبر المركز الأول من وجهة نظري في التطوير والبرمجة أو بالأصح اللي يبي يتعلم في الكمبيوتر
ولكنه صعب شووي لأن أغلب ما يكون في التحكم فيه هو عبار عن أوامر هذا النظام هو نظام Linux
أو بالعربي اللينكس .. !
وتقدر تركبه على جهاازك .. والنظاام هذا فيه ميزة القووة والسرررعة و الحمااية ويتفوق على الويندوز بكثير
لذلك تجد أغلب السيرفرات تستخدم نظام اللينكس وسيرفرات قليلة تستخدم الويندوز ..
=================
الموااقع ؟؟
الموااقع هي عبارة عن ملف داخل قرص الـ c في الويندوز أو في نظام اللينكس
يكون له مسار معين تلقى بدااخله كل المواقع اللي شغاله بالنت أو بالأصح اللي بالسيرفر اللي هو ( الكمبيوتر )
===============
سؤال وجيه : يعني الحين صآحب الموقع يوم انه يدخل يوزر نيم وباسورد يعني انه يدخل كمبيوتري ( سيرفري ) ؟
طآل عمرك في هالكمبيوتر اللي انت مستأجره يكوون فيه منفذ مفتوح للاختراق هو المنفذ : 21
هالمنفذ يسمونه منفذ الـ FTP موب خطير في السيرفرات لذي الدرجه لأنه له أماكن خاصة يتصفحها
يعني من خلال هالمنفذ تقدر تعطي صلاحية لأي شخص في العالم انه يدخل سيرفرك أو عشان أفهمكم نقول
يخترق سيرفرك ولكن ضمن شروط معينه !!
1- يكون له يوزر وباس يدخل من خلاله .
2- تحدد المكان اللي تعطيه السيطره عليه .
الخطوة الأولى معرووفة لكن الخطوة الثانية كيف يعني مكان محدد للسيطره
يعني تعطيه صلاحية اختراق جهازك ولكن ما يقدر يشووف ولا شي ولا يقدر يعدل ولا يسوي أي شي
غير في ملف معين انت تحدده وهذا الملف يكوون ملف الموقع اللي تبي تعطيه إيآه
يعني انا عندي مثلا موقع :
hom.com
يكون لي يوزر وباس من خلال برنامج الـ ftp اقدر عن طريق المنفذ 21 أسوي اتصال مع السيرفر
لكن ما راح يعرض لي السيرفر كله راح يعرض لي ملفات موقعي أو بالأصح المجلد اللي سمح لي
صآحب الكمبيوتر أدخله وأعدل عليه ..
أتمنى تكوون وصلة الفكرة يا شبآب واللي موب فآهم يسأل
=================
سؤال آخر : طيب ليش ما أشتري كمبيوتر بهالمواصفات واسوي فيه كل هالأشياء واسوي سيرفر في بيتي ؟
فكره حلووه وحااولنا نطبق فيها لكن للأسف ما ضبطت بالشكل الصحيح
لأن السيرفر لازم يكون موصل باتصال انترنت عآلي السرعه وشآبك 24 ساعه بالانترنت
تصل السرعه فيه الى 10 جيجا !! سرعة اتصال انترنت طبعأ هذي السرعه موب موجوده بالسعودية
او بالأصح غير موجوده بالدول العربية ولو كانت موجوده كلكم معززومين عندي عالغدا والعشا
السرعه هذي تلقاها في الدول الأجنبية المتقدمة مثل أمريكا .. الخ .. يسموونه اتصال بالكواابل
===================
وتقدر تركب في السيرفر براامج مثل السي بنل وهذا مهمته يسوي لوحة تحكم لكل موقع ( مجلد ) بالسيرفر
يسهل من خلاله التعامل معه وتقدر تركب برنامج لكشف الضغط ووو .. وأصحآب السيرفرآت يخبرون البرامج المهمة
وتركب برامج حماية لأنه كمبيوتر ويحتاج الى حماية اللهم ان ميزته انه مزود بدوومين على الانترنت
ومنفذ 80 تقدر من خلاله تتصفح محتويات هالموقع إلى آخره ..
=====================
هذي مقالة بسيطة مني أتمنى ما أكون ثقلت عليكم والمعلومة وصلت
وبالتوفيق يا أبطال أخوكم في الله .. حسين
تشآآآآآآآآآو