[انجاز لخدمات الويب]

بسم الله الرحمن الرحيم


فى الاول انا بخاطب فيكم العقول الى بتفهم لان فى ناس مش بتفهم للاسف


دلوقتى انا شايف مجموعه كبيره جدا بتشتغل فى التنشيط وده شىء كويس مش وحش حتى لو الطلب بقى اقل من العروض بس هو شىء تجاريا كويس

بس لازم طالما ان المعروض اصبح كتير يبقى لازم يكون فيه تحديد واتفاق على الاسعار بمعنى ان احنا دلوقتى فى الويب العربى كاننا فى سوق كبير

وكل واحد عارض سلعه والعميل ياخد من التاجر الى يعجبه


طيب لما يكون واحد عارض الف موضوع + الف مشاركه ب 60 ريال

وواحد تانى عارض الف موضوع + الف مشاركه ب 150 ريال

وواحد تالت عارض الف موضوع + الف مشاركه ب 200 ريال


العميل هيختار مين بالعقل كده هيختار الى سعره اقل ليه لان كله بيعمل كوبى وباست مفيش حد بيعمل شىء جديد او ابتكارى

بالتالى الى كان عارض نفس السلعه ب 150 ريال هيعرضها المره الى جايه ب 50 ريال علشان العميل ييجى يشترى منه

والتالت الى كان عارض ب 200 ريال هيعرضها ب 40 ريال علشان العميل ييجى يشترى منه

وهكذا لحد لما ييجى يوم صاحب المنتدى يقول انا عايز شغل فى موقعى وتدفعوله عليه فلوس



والادهى والامر والاصعب والى تاعبنى نفسيا انه فى ناس بتعرض شغلها وتقولك السعر على حسب الاتفاق

ييجى العميل يتفق على الف موضوع والف مشاركه مثلا بكام ب 100 ريال مثلا

يقولك طيب لما يوصلوا للنصف هبعتلك نصف المبلغ وبعدين ينصب عليك ولا عنت تشوفه لانه بالمنطق

الى استفاد فى موقعه واحصائياته زادت 500 موضوع + 500 مشاركه مبقاش محتاج يدفع فلوس علشان ياخد الباقى

وهما بيعتبروا اساسا الفلوس الى بيدفعوها فى المشاركات فلوس غير ذات جدوى بالنسبه لهم

يقولك انا عملت موقع وكمان هدفع فلوس المشاركات ليه ان شاء الله


طبعا فى ناس كويسه بس احنا بنتكلم عن الاغلبيه


قولت وكررت مليوووووووووون مره لازم نتفق قبل ما نشتغل ان كللللللللنا ناخد نصف الفلوس قبل الشغل

صاحب الموقع هيقولى وانا اضمنك ازاى ما يمكن انت الى تنصب هقوله لما انا انصب فى 50 ريال وانت تفضحنى بيهم اسهل الف مره لما انت تنصب عليا فى شغل اسبوعين واعيط انا عليهم بعد كده

يعنى انا هفكر الف مره انى افضح نفسى وابهدل نفسى وابطل شغل على النت علشان 50 ريال تافهه

لكن انت مش هتفكر الف مره قبل ما تنصب عليا فى اسبوعين كل يوم بقوم من النوم ادور فى جوجل على مواضيع مشابهه للاقسام الى عندك


الخلاصه

انا كنت فى سنه 2008 شهر يونيو بعمل 500 موضوع + 500 مشاركه وقسما برب الكعبه ب 400 ريال

النهارده الى بيعرض اقل هو الى بيشتغل لان كله ينتهز الفرصه


طيب سؤالى بقى موجه لكل الناس الى بتشتغل على النت فعلا الى هو مصدر دخلها من التنشيط

لما تعمل الف موضوع مقسمه على 15 قسم فى المنتدى بتاخد وقت ومجهود قد ايه يوميا فى المتوسط ؟؟؟


هتلاقى المجهود مش هيمشى اطلاقا مع الاسعار الى كت بقول عليها لان للاسف انتوا الى تفهتوا من قيمه شغلكوا وحسستوا اصحاب المواقع انها شغله تافهه

اصحاب المواقع بقوا حاسين انها مش شغله اساسا بل بقوا حاسين ان الموضوع عباره عن هوايه وواحد بياخد قدام الهوايه فلوس فلو جت مره وما اخدش فلوس يبقى مش مشكله ولو راح كتبله موضوعين فى اى منتدى انى نصاب وايه المشكله هو حد بيفتكر حاجه



المطلوب


لازم لابد قبل ما الحكايه تنتهى تماما وناس كتير تخسر اكل عيشها يبقى فيه تقنين تقنين لايه بقى؟؟؟

لحاجتين

اول حاجه : الاسعار لازم تكون الاسعار مقننه يعنى كلللللنا نتفق على حد ادنى للاسعار وحد اقصى للاسعار والى يحيد عنه يبقى مختلف معانا وجاى يدمرنا فى اكل عيشنا


الحاجه التانيه : لازم يبقى فيه تقنين فى موضوع طريقه الدفع وعلشان محدش يفكر انى بتاجر بالموضوع ده على حساب الناس الى هتتفقوا عليه فى الموضوع ده انا موافق عليه




طبعا فيه فرق بين نوعيتين من الناس الى بتعمل تنشيط ناس بتعتمد على الشغل ده كمهنه بتوفر بيه حاجاتها الاساسيه او الثانويه زى مثلا ربه منزل بتساعد جوزها او واحد بيصرف على دراسته وناس تانيه بتعتبر الى ييجى من الشغل ده اى حاجه تسد خانه والسلام يعنى زياده الخير مش هيضر


انا بوجه موضوعى ده للننوعيه الاولى الناس الى بتشتغل وده مصدر رزق مهم فى حياتها سواء لتوفير حاجه اساسيه او ثانويه


ربنا وحده العالم انى مفكرتش فى نفسى بس وانا بتكلم عن الموضوع ده ووالله والله والله العظيم

انا مستعد لاى خدمه طالما هتخدم الصالح العام للناس الى بتشتغل فى الشغل ده






سلام عليكم ورحمه الله وبركاته

[انجاز لخدمات الويب]

يا حضرات فاضل 8 مشاركات بس يلا علشان نلحق الموضوع من اول الصيف

[انجاز لخدمات الويب]

يعنى افهم من كده ان معظم الناس عايزه تعمل الشغل باقل من السعر الى اتفقنا عليه

مش معقول يعنى يكون الغالبيه العظمى بقوا كلهم اطفال الى يشتغل ب 30 ريال والى ب 50 ريال والى تقولى كارت فودافون ب 10 واعملك الف موضوع

[سيلا]

اصبراخى
ان شاء الله
خير

[رنة خلخال]

يا جماعة
عاوزين نقفل الموضوع ونبدا الشغل
وكدة في مصلحتنا كلنا

اتمنى قراة الموضوع جيدا
وبالتوفيق للجميع

[mohammed.pal]

انا موافق علي العرض

لكن ممكن توضيح علي اليه العمل
يعني وصل العدد للي انت طالبو

بعدين حتعمل ايه ؟.؟؟

[انجاز لخدمات الويب]

إقتباس: اقتباس من مشاركة mohammed.pal      انا موافق علي العرض لكن ممكن توضيح علي اليه العمل يعني وصل العدد للي انت طالبو بعدين حتعمل ايه ؟.؟؟

بعدين الى هيقلل عن السعر الى اتفقنا عليه او هيكتب فى اى موضوع عن سعر مختلف او يعلن عن خدماته باقل من السعر الى متفقين عليه

ساعتها

هندخل على موضوعه نبوظهوله كلنا لانه بيحاربنا فى رزقنا

[همسه حب 1]

صدقني انا بطلت تنشيط وتعبئه بسبب اللي رخصوا من قيمتنا و قبلوا العمل باقل سعر

[Josh500]

طيب وانا معاك في كل كلمة بتقولها

بس حدد انت سعر وكلنا نمشي عليه

[غادة محمد]

انا كمان معاكم ومتفقة على ان الف موضوع 180 ريال

احنا بجد بنتعب جدا وبنسيب حجات كتيرة ورانا علشان نخلص الشغل المطلوب منا

ودايما نختار افضل المواضيع مش المواضيع التافة ولا المكررة في المنتدي

ياريت بجد اصحاب المنتديات يحسو بينا وبتعبنا بجد والله العظيم لان دا شغل زى اى شغل

اصبحنا لا نخرج ولا نعيش حياتنا تفتكر يا صاحب المنتدي العزيز ليه

علشان احنا فعلا محتاجين الشغل مش تسالي في الصيف

ياريت يكون في تقدير ومش ظلم من صاحب المنتدي ويكون منه هو المبدرة بالموافقه على الاسعار الجديدة

وجزاك الله خيرا اخي

[انجاز لخدمات الويب]

اميره زمانى
+ احمد حسام
+ ام ريتاج
+مستر زيزو
+ حلم العمر
+شذى2
+AHMEDREFET2008
+Mil)ooo
+n2mfa
+babororo
+saroooo2aa
+a_h_m_e_d
+رنة خلخال
+بوسى احمد
+Hamada bada
+رحاب الروح
+الشيماء المريح
+مصري معاصر
+Dr_7ours
+نبضة قلب
+سيلا
+سكره
+فرح11
+mohammed.pal
+همسه حب 1
+Josh500
+غادة محمد



كلهم متفقين على الالف موضوع ب 180 ريال

الدفع النصف مقدم

[انجاز لخدمات الويب]

فاضل 3 بس 3 بس يوافقوا على الاسعار والنظام وبعدين هقولكوا انا بقى هنعمل ايه علشان محدش يجروء انه يقلل من السعر

[مصلح]

ههههههههههههههههه والله العظيم شئ حلو وجميل الموضوع ده على فكره انتم رخصتم نفسكو انا شغال فى السعوديه وماسك تنشيط لمنتديات ومواضيع وكده انا شغال ال 500 موضوع ب 1000 ريال والله

[انجاز لخدمات الويب]

إقتباس: اقتباس من مشاركة مصلح      ههههههههههههههههه والله العظيم شئ حلو وجميل الموضوع ده على فكره انتم رخصتم نفسكو انا شغال فى السعوديه وماسك تنشيط لمنتديات ومواضيع وكده انا شغال ال 500 موضوع ب 1000 ريال والله

الله يباركلك يا سيدى ويزيدك وتعمل الالف موضوع ب 10 الاف ريال مش بالف ولا اتنين

طالما الموضوع مش عاجبك ياريت بلاش المداخلات الظريفه دى علشان متخليش الموضوع فيه كلام فاضى الله يصلح حالك يا ههههههههههههه يا مصلح

[Mr WeB]

اهلا اخي

1000 موضوع + 1000 رد ب 180 ريال

اضفني للتفاهم

tawrat.issam@hotmail.fr

[Josh500]

إقتباس: اقتباس من مشاركة Mr WeB      اهلا اخي 1000 موضوع + 1000 رد ب 180 ريال اضفني للتفاهم tawrat.issam@hotmail.fr

اخي انت فاهم الموضوع غلط

الموضوع ده فكرته إننا نوحد سعر واحد لينا كلنا

كل الناس اللي بتعمل في التعبئة

[Mr WeB]

اوكي موافق على 180 ريال

^^

[انجاز لخدمات الويب]

اميره زمانى
+ احمد حسام
+ ام ريتاج
+مستر زيزو
+ حلم العمر
+شذى2
+AHMEDREFET2008
+Mil)ooo
+n2mfa
+babororo
+saroooo2aa
+a_h_m_e_d
+رنة خلخال
+بوسى احمد
+Hamada bada
+رحاب الروح
+الشيماء المريح
+مصري معاصر
+Dr_7ours
+نبضة قلب
+سيلا
+سكره
+فرح11
+mohammed.pal
+همسه حب 1
+Josh500
+غادة محمد
+Mr WeB


كلهم متفقين على الالف موضوع ب 180 ريال

الدفع النصف مقدم

[Josh500]

بس بردوا يا انجاز في ناس بتكلمهم

بيقولك هو مش هندفع اكتر من 100 ريال

عاجبك الشغل معانا تمام

يعني انا والله عن نفسي موافق على 180

وكل ما اكلم واحد النهاردة اقوله يا 180 يا بلاش ونص الفلوس الاول

بس مكنش حد بيرضى

لأن التعبئة مش كلها جاية من الويب العربي

يعني لو كل الويب العربى وافق على 180 في ناس برا هتوافق على 50 كمان

[انجاز لخدمات الويب]

إقتباس: اقتباس من مشاركة Josh500      بس بردوا يا انجاز في ناس بتكلمهم بيقولك هو مش هندفع اكتر من 100 ريال عاجبك الشغل معانا تمام يعني انا والله عن نفسي موافق على 180 وكل ما اكلم واحد النهاردة اقوله يا 180 يا بلاش ونص الفلوس الاول بس مكنش حد بيرضى لأن التعبئة مش كلها جاية من الويب العربي يعني لو كل الويب العربى وافق على 180 في ناس برا هتوافق على 50 كمان

اصبر والله ان شاء الله كل حاجه هتتظبط بس خلاص هانت اهو وانا عندى اقتراح هيريح الناس كلها بامر الله وانا يعنى بعمل ده ليا لواحدى والله بعمله للناس كلها

[نبضة قلب]

فعلا اقتراح متميز
بس عايز اليه قوية لتفعيله
وياريت ينحج