[عبدالله منصور]

بسم الله الرحمن الرحيم

السلام عليكم ورحمة الله وبركاته

==

اخوانى الاعزاء

اريد نصائكم لأننى اريد شراء لاب توب

اتمنى ان تفيدونى بالنصائح مع العلم اننى اريد بطارية تدوم طويلاً

وان لايزيد الثمن عن 3 آلاف جنيه مصرى

ولاحد يسأل كام بأى عملة أخرى لان الاسعار بمصر غير ,, ولكن لايمنع ان تفيدونا

ودمتم سالمين

[Ahmed Selim]

السلام عليكم

هو كل اللابتوبات فى مصر البطارية بتاعتها اخرها بتقعد ساعتين زمن بالعافية
لانها بتبقى حاجة اسمها 6 cell وفى بطارية بتقعد من 4 ل 6 ساعات ودى اسمها 9cell

انما كانواع لابتوبات فانا انصحك بال dell لانى مستخدمه وفعلا قوة لا تقارن باى حاجة تانى
وطبعا فى التوشيبا جهاز جبار

بس للاسف الاتنين اسعارهم عالية ممكن يكونوا اعلى من المبلغ اللى حضرتك ذكرته

لك خالص تحياتى

[عبدالله منصور]

تسلم ياغالى فى عرض عندى معروض عليا دى مواصفاته ياريت اعرف رأيك ورأى الشباب :

بروسيسور 2600 بيقرء 2 كاش

رام 1 جيجا

هارد 80

كارت الفيجا 256

DELL

بمبلغ 3150

[J R 7]

المعالج انتر بانتيوم
ولا انتل كو 2 ديو ؟

واهم حاجه حدد استخدامك للجهاز ..
يعني شغل جرافيكس عالي ولا العاب ولا انترنت
وعدد الساعات من كام لكام تقريبا

وصحيح كنت هنسى أقولك انت ناوي تشتري N95 اللي باقلك سنتين بتسأل عنها في ترايدنت
ولا هتشتري لابتوب

[عبدالله منصور]

إقتباس: المعالج انتر بانتيوم ولا انتل كو 2 ديو ؟ واهم حاجه حدد استخدامك للجهاز .. يعني شغل جرافيكس عالي ولا العاب ولا انترنت وعدد الساعات من كام لكام تقريبا وصحيح كنت هنسى أقولك انت ناوي تشتري N95 اللي باقلك سنتين بتسأل عنها في ترايدنت ولا هتشتري لابتوب

متابعنى انت يا عسل

هههههههههههههههههههه

بالنسبة لل 95 انا بجد هموت واشتريه وكنت هخلى ناس يجبهولى من السعودية بس سمعت ان وزارة الاتصالات عندنا واقفة على تقنية gps وسعرو هينزل بمصر نزلة جامدة جداً فى خلال شهر ونص بالكتير

==

بالنسبة للاب توب اخوك ابيض فى مواصفاته يعنى ميعرفش يميز انا تعاملى كلو مع التانى ( أبو سلك )

ههههههههههههههههههه

هسأل النهاردة وارد عليك

بالنسبة لأستخدامى : استخدامى هيكون نت وألعاب وجرافكس وكل حاجة فعشان كدا عاوز حاجة فى حدود المعقول ومواصفات مش بطالة

ومليون شكر لاهتمامك ياعسل

[عبدالله منصور]

تعرف ياغالى اللى معاه قرش محيره يعمل موضوع ويستشير الناس

وفى نقل سرفر الاستضافة بتاعى على سرفر جديد يطيره

==

كل الموضوع انى معايا مبلغ بسيط هكمل عليه من الوالد او كدا وهجيب اى حاجة

وشكلى لاهجيب دا ولا هجيب دا وهروح اعلى السرفر بتاعى احسن !!

ولامانع من الطموحات ياقلبى


وايضاً لامانع من السامسونج العقيم اللى معايا !!

ههههههه

ربنا يديمه عليا نعمة والله

[J R 7]

طبعا لازم أخد بالي كل يوم منزلك موضوع وفي الآخر صرفت نظر عن الموضوع ههههههه

وعلى فكره أنا مشرف هناك بترايدنت بس انت مش واخد بالك

وشوف المواصفات دي هتبقى مناسبه لإستخدامك

- معالج انتل كور 2 ديو

- رامات 2 جيجا

- كارت شاشه 512 مفصول

- هارديسك 320

- وبلوتوث / وايرلس / DVD/CD RW

طبعا الجهاز ديل

السعر تقريبا 3500 جنبيه مصري

[عبدالله منصور]

إقتباس: طبعا لازم أخد بالي كل يوم منزلك موضوع وفي الآخر صرفت نظر عن الموضوع ههههههه وعلى فكره أنا مشرف هناك بترايدنت بس انت مش واخد بالك وشوف المواصفات دي هتبقى مناسبه لإستخدامك - معالج انتل كور 2 ديو - رامات 2 جيجا - كارت شاشه 512 مفصول - هارديسك 320 - وبلوتوث / وايرلس / DVD/CD RW طبعا الجهاز ديل السعر تقريبا 3500 جنبيه مصري

مواصفات شدتنى جداً على فكرة وبالأخص كارت الشاشة الفرى

بس السى دى رايتر والدفى دى ملهمش اى لزمة وبالأخص الدفى دى

وبالنسبة للسعر هتخلينى اصرف نظر عن ردك كمان ,, هههههههههه

بس فى حاجة مهم مدة البطارية عايزها تكون طويلة شوية

[عبدالله منصور]

بقولك ياغالى

لو ان شاء الله ربنا كرمنى وهجيب واحد , هتقدر تجبلى بالأسعار دى ولا اهو كلام من عم حسين بتاع الكى بوردات الى تحتكم وخلاص؟؟

ههههههههه

بهزر معاك اتمنى تضفنى على الميل واعتقد لو ضفتنى هنعمل شات لذيذ كلو ضحك وفرفشة << هههههههههه

بجد انا نفسى الاقى حد يخدمنى بالأسعار مش ولامستورد عندنا فى المحلة كلو بيسافر يجيب من القاهرة ويشتريه عادى من محل وييجى يبيعه لنا بسعر خاص << زى مانكون قاعدين فى تل أبيب

ميعرفوش ان القاهرة مش بعيدة ومشوار صغير ساعتين صد رد نجيب الى احنا عاوزينو دا غير كمان ان شاء الله هيبقى لينا حبايب هيفيدونى ويجبولى الحاجة رخيصة << انت المقصود خد بالك وعلى الله تخلع

منتظر ردك

[memothemoon]

هناك لابتوبات فى موقع لاب توب ايجيب بمواصفاتها واسعارها افحصها بنفسك

[J R 7]

اهلا ياعبدالله ...

السعر زي ما بقولك كده وسأل عنها في سوق العصر بمصر

وعندي مواصفات أعلى من كده وشاري الجهاز من 6 شهور تقريبا بـ 4600 جـ

وياعم أهل المحله أجدع ناس وانا قريب منك جدا من ( زفتى ) بلديات يعني

[عبدالله منصور]

memothemoon

تسلم على المرور وجارى تفحص الموقع

==

إقتباس: اهلا ياعبدالله ... السعر زي ما بقولك كده وسأل عنها في سوق العصر بمصر وعندي مواصفات أعلى من كده وشاري الجهاز من 6 شهور تقريبا بـ 4600 جـ وياعم أهل المحله أجدع ناس وانا قريب منك جدا من ( زفتى ) بلديات يعني

لالالا ابو 3500 دا حلو أوى بس ربنا يكرم ونجيبه وعلى فكرة المواصفات داخلة دماغى اوبس

بس انت مقولتليش الشاشة كام بوصة ؟؟

وياريت كمان تقولى لو ان شاء الله هجيب واحد تقدر تساعدنى ولا ايه؟

وسيبلى ايميلك او رقم موبايلك ضرورى لو تسمح طبعاً

ومشكور لحسن المتابعة

[عبدالله منصور]

للرفع ياشباب

[J R 7]

بعتلك رقمي على ايميلك

webmaster@asfeer.com

[عبدالله منصور]

إقتباس: بعتلك رقمي على ايميلك webmaster@asfeer.com

وصل ياباشا تم الاضافة

يغلق للأنتهاء

[عبدالله منصور]

المعذرة بفتح الموضوع مرة ثانية

-

اخى جرح اطلبك ع الجوالات مغلقة ليل نهار غير ان الدولى لايعطى جرس ولا أى شئ

-==\=

استفسار جديد :

هل من الممكن تغيير بطارية اللاب توب واستبدالها ببطارية اعلى ؟؟

ماهى الاشياء التى ممكن ان تتغير فى اللاب توب ؟؟

[dody70]

إقتباس: اقتباس من مشاركة Ahmed Selim      السلام عليكم هو كل اللابتوبات فى مصر البطارية بتاعتها اخرها بتقعد ساعتين زمن بالعافية لانها بتبقى حاجة اسمها 6 cell وفى بطارية بتقعد من 4 ل 6 ساعات ودى اسمها 9cell انما كانواع لابتوبات فانا انصحك بال dell لانى مستخدمه وفعلا قوة لا تقارن باى حاجة تانى وطبعا فى التوشيبا جهاز جبار بس للاسف الاتنين اسعارهم عالية ممكن يكونوا اعلى من المبلغ اللى حضرتك ذكرته لك خالص تحياتى

اتفق فى الرائى مع الاخ احمد سليم وانا امتلك لاب توب ديل والحمد لله يعمل بكفاءة عالية مع العلم انه امريكى ولا يوجد به حروف عربية من طراز dell inspiron 1525 عيك بالديل

[عبدالله منصور]

انا ان شاء الله ناوى على DELL بس اريد شئ معقول

وبنفس الوقت مواصفات حلوة

[عبدالله منصور]

بقولك يا غالى (جرح)

اللاب ال DELL دا اصداره ايه ؟

[HadeeL]

هو على حسب استخدامك
أرى ايسر هو الافضل من ناحية البطارية فهي تدوم ماشاءالله
أما ديل فالاجهزة الحديثة المطروحه الآن فيها مشاكل كثيره
ديل سابقا افضل من الحديث اقصد الموديلات القديمة هي الافضل من الجديد

هل جرب أحد سامسونج الجديد ؟ أفيدونا الله يبارك فيكم