[الصريح جداً]

بسم الله الرحمن الرحيم

السلام عليكم ورحمة الله وبركاته

كيف الحال والأحوال اخواني الأعزاء عساكم بخير ان شاء الله

موضوعي اليوم .. ماهوب ممل !! اقرووه بالكل .. لعل وعسى تستفيد

صدقني لو طعلت الحين .. راح تحاسب على اللي سويته وانا بقول لك الخير تحت ان شاء الله

============== [ ألعاب المنتديات ] ==============

ايه ياخواني هالأقسام اللي المشاركة فيها قووية وسريعة !!

تعرفون ليش ؟

لأن الولد ينتظر رد البنت .. والبنت تنتظر رد الولد

.. يتابعون الموضوع بحراره ينتظرون الردود .. بحجة الوناسه ؟؟

طيب تعال بعد شهر ولا شهرين .. العضو اللي كان يشارك

راسل البنت بالخاص واخذت ايميله ولا جواله وصاروا بالماسنجر !

ايه تعرفوا على بعض ... وعالخط الحار .. في الماسنجر !!

الحين تعال للعضو و العضوة .. فيه حالتين راح تصير

الأولى : نشاطهم بيقل في قسم الألعاب والسبب .. حصلوا على مبتغاهم ..
الولد كان يشارك ويحتري رد البنت .. طيب الحين البنت يكلمها بالماسنجر
واعتقد يمكن دخلوا بمواضيع شخصية وما الى ذلك ..
وش عاد له فايده قسم الألعاب ؟؟

الثانية : يستخدمون السم للتغزل ببعض كيف ؟؟

يدخل لموضوع ويهديها ورده .. ويدخل لموضوع ثاني ويهديها بيت شعري

ويدخل لموضوع ثالث ويهديها كلمة احبك .. ويدخل لرابع ويهديها أغنية .. الخ الخ الخ

==============================================

أخي العزيز .. تذكر قول النبي صلى الله عليه وسلم .. ماجتمع رجل وامرأة إلا وكان الشيطان ثالثهما

هالحديث .. ينطبق على الماسنجر .. على الرسايل الخاصه .. على الجوال

.. ما بقول لك انا مطوع ولا ملتزم .. انا ذنوبي لا تعد ولا تحصى .. والله يغفر لنا ذنوبنا

وكلنا طحنا في يوم من الأيام وكلمنا بنت .. وانا من بينكم .. بس كل واحد يتحمل ذنبه

وبيتعلم منه .. لكن يا صاحب الموقع بتتحمل ذنبك وذنوب أعضاءك ؟؟

ياخوي حنا ذنوبنا .. بتذبحنا .. بنتحمل ذنوب غيرنا ؟؟

==========================================

تعالوا نشوف أسماء بعض الألعاب أخذتها من منتداي .. >> ركزوا منتدآي

ايه والله اني كنت غافل .. وصلت 3000 رد .. وانا غافل

:-

1- لعبة عريس وعروسة :

يوم تدخل لعبة مثل هذي منتداك .. ويجيك عضو يقول بزوج فلان لفلانه

اذكركم بهذا الحديث .. " ثلاث جدهن جد وهزلهن جد ..النكاح و الطلاق والرجعه "

.. الحل الصحيح .. لا تحذف اللعبة ولكن خلها موجودة وسوي لها إغلاق

واكتب لهم الحديث .. عل وعسى يستفيدوا منه الشباب

--------

2- في ألعاب لها حدين .. ولازم تتابعها أول بأول

مثل : اكتب عباره واللي بعدك يهديها لاحد في باله.,.,.,.,

هاللعبه ممكن تكون سبب في المودة بين الأعضاء

لكن .. راجع الكلمات المهادة خاصة اذا كانت موجهة للجنس الناعم .. |^|

---------

3- اهدى اغنية للعضو الى بتحبواااااااااااااااا........ ........

هذي .. الأغاني حرام .. وبعد اهديناها .. الله يعين

----------

4- أهدي كلمة أحبك للعضو اللي بتحبه ؟؟

ههههههه هذي اللعبة ودي اعلق اللي اخترعها على الزون اتش |h|

-------------

اصحاب المنتديات .. انتبهوا انتبهوا انتبهوا

هذا والله الموفق ,,

أخوكم في الله .. حسين .. أبو عابد

تشآآآآآآآآآآآآآآآآآآىو

[[]جود[]]

فعلا اخوي كلامك صحيح


لكن هذا ممكن يكون في قسم الالعاب او اي قسم اخر

جزاك الله خير

[جرباوي]

انا اشتركت في بعض المنتديات وشفت العجايب وقصص غريبة جدا ولا تصدق

واقسم لك بالله اخي حسين

ان في يوم ضافتني بنت من منتدى ( ماخذه ايميلي من الملف الشخصي < وقاحة مدير > تارك هالخاصية شغاله )

المهم قالت لي بأن مدير المنتدى ضايفها على الايميل ويبي يتعرف وطلعت عليه المستور

وقالت ايضا يقول لي عطيني بوسه ،

ابغى اقول لك اخوي ان الكل اللي ما فيه ضمير ، مافيه ولا بيصير فيه

المشكلة تبتدي من اصحاب المنتديات

قبل اسبوع او اسبوعين تقريبا كلمت ايضا صاحب منتدى وقلت له يحذف قسم الالعاب لأن هو الوحيد اللي يشاركوا فيه والاقسام الثانية مهموله ، رد علي وقال هذا القسم يرفه عن النفس ومو كل شي جد في جد

طيب وينه الجد ؟ مو شايفينه ؟

واتمنى انني وضحت قصدي ، ومشكور اخوي حسين على النصحية والتبيه ، وجزاك الله خير

[الصريح جداً]

حياك الله أخوي []جود[] صدقت .. ولكن الغالبية فيما أشرت ..

---

ونعم والله أخوي جرباوي

ياخوي .. في المنتديات العجب ..

ربك الهادي .. نورت الموضوع طال عمرك

تشآآآو

[sowtrig]

ماشاء الله أخى حسين,
موضوع مميز ويستحق القراءه,
صرت أضحك وأنا أتخيل مثل هذه الأشياء موجودة ولكن الله يعافينا وإياكم,,,

وجزاك الله خيرآ على الموضوع الممتاز...

[TarikprO]

صدقت يا أخي و لكن لا حياة لمن تنادي الكل همه شهوته ونسينا الصدق في الأعمال و إخلاص النية هربنا من التلفزيون و طلعت لنا المنتديات عمايلها أضعاف القنوات الله يهدينا أجمعين

[ss-ksa.com]

إقتباس: هذي اللعبة ودي اعلق اللي اخترعها على الزون اتش

ههههه حلوة الزون اتش

والله ياخي اللي يريد منتدى يا اما يكون عنده مشرفين متابعين بقوة ويخافون الله قبل كل شي

او هو يكون نشيط بالمنتدى ولا يسمح بالمهازل هذي

مشكور أخوي ^*GENIUS*^

[Orango]

العبقري , لك أجمل تحية من أخوك في كوكب لينكس

ايه و الله صدقت يالغالي , و المشكلة أنه الوضع تعدى هذا الأمر بكثير ...

هذه قصة حصلت لأحد معارفي اللي عندهم منتدى و مركب هاك منع البريد في الرسائل الخاصة ,

================================================== =========================
قالك فيه عضو في المنتدى راسل مشرف في نفس ذاك المنتدى و رسلها بريده
[ طبعا كان فيه هاك منع البريد عبر الرسائل الخاصة ] ...
طبعا ذيك المشرفة تعرف بأن المنتدى يمنع البريد ... و بدل ما تبلغ الإدارة بإن فيه عضو قليل الأدب يغازل و أقل عقوبه له هو حجب الآي بي ,, قال صاحب المنتدى أنها و ردت عليه و قالت له لذاك العضو اللي راسلها :

يا غبي المنتدى يمنع البريد في المسجات الخاصة و قالت له ضع فراغات بين البريد أو ضع at بدل @ !!!!!

================================================== =========== إنتهت الرسالة =====

و الشيء اللي يقر اخوي العبقري أن ترى المنتديات الإباحية ضمن أعلى 100 موقع عربي في أليكسا

تسلم يالذيب و لا هنت ,

TRD

[sowtrig]

هلا أخى TRD ,

مبروك علينا نحن إنضمامك إلى فريق الإشراف بالويب العربى, نسأل الله أن يعينك على مسؤوليتك الجديدة, و أن يوفقك فى هذه المهمة,

وأعتقد أنك تقصد بكلمة "يقر"

إقتباس: ....شيء اللي يقر اخوي العبقري أ...

تقصد يقهر؟!

لك تحياتى;

[Orango]

أهلا و سهلا عزيزي sowtrg ,
الله يبارك فيك يالغالي و شكرا لتشجيعك

إقتباس: تقصد يقهر؟!

يووه , صدق اللي قال في العجلة الندامة فقد كنت أقصد يقهر حقا

جزاك الله خيرا على التنبيه اخوي sowtrig ,

تحياتي ,
TRD

[جروح الروح]

صدقت اخوي فعلا هذا شيء واقع بعض المنتديات هداهم الله

شكرا اخوي على التذكير

والله يوفق ويعين

[واحد طش]

الله ياجزيك الف خير
وأنا قبل أيام أفكر في هذا
الان قفلت منتدى الالعاب من مده

[الصريح جداً]

حياكم الله جميعاً

يا هلا والله أخوي TRD مبروك الاشراف .. والله يخارجنا من الكلجات :d

.. يا رجال اذا جينا للصدق .. قبل فتره فتح موقع اباحي .. 30 ألف عضو في أسبوع ^_^

الله يهدي الجميع

نورتم الموضوع حبايبي

تشآآو

[جرباوي]

30 الف عضو في اسبوع ، هذا في الفوركس ما صارت ولا اي موقع ربحي خخخخخخخخخخخ

[الصريح جداً]

ههههههه هلا أخوي جربآوي

يا رجال عند العرب يصير أكثر من كذا للأسف

تشآآو

[إنت عُمري]

فيه نقاط اتفق معك فيها والاخرى اختلف معك
انت عامل منتدى ومفتوح للجميع صح ؟ اذا انت عارف ان المنتدى بكون عرضه للمواضيع الجاده والغير جاده احيانا
المواضيع اللي فيها فرفشه هي عباره عن مساحه حره وان كان فيها قوانين تمنع التعدي على الاخرين ، يعني الشباب يفرقوا عن نفسهم شوي
وبعدين لاتقارن هذه الامور بالشات ، لأن الشات الله يعين شي خربان بالمره الا من رحم ربك ،
على الاقل المنتدى اللي فيه تسلية وفيه مشرف او مشرفه قائم عليه ومتابع كل المواضيع يقدر يسيطر عليه ، والا تصير القصه كلها بطيخ في بازنجان
في نظري الشي المخالف للدين هو اللي يمنع نهائي ، والتسلية جزء من المنتدى وله اعضاء يدخلونه باستمرار وبعضهم يلاقي نفسه فيه ...
يا اخواني بعض الناس اول مره بتدخل منتديات والله هذول افضل انهم يدخلو هذي المنتديات بدال الشات اللي مافيه غير قلة الادب والحياء
انت اعمل منتدى التسلية ومثل ماقلت حدد وراقب زين
وبعدين الناس قدرت على قصة الرسائل الخاصه ، منعها هو افضل حل وهذا اللي صاير معي *_* مرتاح وربنا يريح الجميع ان شاء الله

وتشكر على الموضوع

[dlala4arab]

انما الاعمال بالنيات . الاخ فاتح موقع ينية التعليم و اهداف نبيلة ويجي اخر يسيئ استعمال الموقع هل سيحاسب على هذا ؟؟؟
في يوم من الايام اخترع انسان سكين ليقشر البطاطس .... .... .... عظيم هذا الاختراع صح ؟؟؟ ... لكن .. !!!
في واحد اخد السكين وعوض يقشر البطاطس ... قشر رقبة صديقه لسبب ما .. هل سأدهب الى صاحب هذا الاختراع واقول له انت متهم ... لا اظن هدا .. كل فرد محاسب على حسب نيته .. لا يمكن لأي احد ان يجبرك على اقتراف المعاصي لذا اتق شر نفسك ..
هذا والله اعلم ..

[مجود الحفر]

الحمد لله مريح نفسي بلا منتدى بلا وجع راس

[GIGA4WEB]

يالغاليين لازم يكون فيه مشرفين ودا طبعا اكيد وشكرا على الموضوع

[الصريح جداً]

حياكم الله حبايب

إنت عُمري .. أخوي ما اختلفنا نسوي تسليه .. بس داخل نطاق الشريعة الاسلاميه

اما بالنسبة للي دخلوا الشات فهم خاربينها من زمان .. لأن الشات معروف عنه مدمور

العالم من قبل ما يتعلموا الكمبيوتر يسمعون بالشات ويعرفون انه كله قلة حياء ..

--

dlala4arab حياك الله .. انا معك ..

بس وش هو المشروع اللي يبي يسوي خير فيه ؟؟

واحد فاتح منتدى للشباب والبنات .. اي خير مسويه ؟؟

لغلب اهدافه تجميع مالي .. او عدد اعضاء .. الخ

يعني واحد دخل الأسهم السعودية .. يبي يتداول فيها ويتصدق بالفلوس

يشتري الأسهم الحلال والحرام ؟؟ ..

---

يعطيكم العافية

تشآآو