[cyber007]

الموضوع اختصارا ان فيه واحد صاحبي عاوزني ادخل معاه في الفوركس و طبعا لازم احوله دولارات علشان الاكونت بتاع الشركه و لازم يكون ليا حساب بالدولار الاسئله بقي


اقل بنك بيفتح حساب بالدولار ؟؟؟؟ و بكام ؟؟؟


سعر التحويل من حسابي لحساب الشركه و العكس (مبلغ 500 $ )


فيه مصاريف مستخبيه من الاخر هلاقيها بعد فتح الحساب ؟؟؟


اقل قيمه علشان الحساب يفضل شغال كام ؟؟؟


ياريت الاجابه تكون عن تجربه و تاكد



ملحوظه اخيره انا من المنصوره

[goldrights]

انا من مصر
سنة وازيد مع جوجول ادسنس
كنت فى مكتب له فى نبراسكا

خذها منى كلمة ومتزعلش منى بس الاول هارد على استفسارك

فتح حساب بالدولار فى بنك ستى بنك حدة الادنى هو الف دولار فى البنك المصرى الامريكى كريدى اجريكول هو 500 دولار ووووووووووووووو كلة هراء فى هراء

توجة الى بنك الاسكندرية ( مملوك الان للمجموعة الايطالية وسوف يتم عمل بة خدمة الاونلين بنكيك يعنى تتابع حسابك اونلين كمان ) فتح حساب بالدولار بة فقط 50 دولار تخيل يعنى 270 جنية بس لا تقول الف ولا خمسمائة

ندخل بقا على الكلمتين
بص يا اخى من الاخر علشان تكون عارف
فوركس -- الوجة الاخر لعملة وجها الاول هو الحظ
هاتعتمد على سعر الاوراق المالية او الدولار ارتفع بالنسبة للعملة مش عارف اية وعملة مش عارف اية نزلت ووووو
فلوسك هاتعتمد على حظ سيبك من حور توصيات وارشادات والكلام الفارغ دا

عاوز تسكب من النت يا سيدى اولا تتقى الله لانة اعطاك مخ ومش عاوز تستخدمة صحيح فلان ابن علان كسب مليون دولار فى الفوركس ولكن برضة هتان ابن فنتان خسر مليون دولار فى الفوركس
وعلى راىء عادل ادهم الله يرحمة اما الكل يكسب امال ههههه مين اللى يخسر

عاوز تعمل مشروع اونلين سوف انت بتجيد اية مثلا بتجيد البيع والشراء افتح موقع متجر او او مش عارف حاجة خالصة
يا سيدى افتح موقعى العاب فلاش اضعف الايمان واشترك فى جوجول
اية وحش يجيلك كل شهر ما لا يقل عن 100 دولار والله انا دلوقتى وصلت الى 1200 دولار شهرياُ
ياجماعة احنا بنجرى وراء الخسارة بملقاط كدا بجد
ولا تعليق وعلقلك يا بنى فى راسك تعرف خلاصك

[cyber007]

طيب ايه حوار مواقع الفلاش دي


ممكن تفهمني تفصيليا

[www.giga4me.com]

تفضل موقعنا وان شاء الله نقدر نفيدك

www.giga4me.com

[cyber007]

انا اقصد ازاي اكسب من موقع زي م goldrights بيقول

[hsn807]

الفوركس مش زي ما حضرتك قولت يا goldrights بس المهم هو الدراسة والفهم وغير كدة طبعاً يبقا حظ
وطبعا في حاجات معروفة عالميا ومحدش يقدر يضلل فيها زي ان في متاجرين محترفين مثل جون ميرف ودان زنجر وغيي
وجون ميرفي على سبيل المثال استطاع تحويل مبلغ 10000 $ في 11 شهر إلى 12 مليون دولار وحصل الميدالية الذهبية
لاأعتقد انها جت معاه بالحظ

[الغشيم مول]

موضوع ممتاز الف شكر عليه