بسم الله الرحمن الرحيم
كان من الممكن عزيزي إنك تكتب موضوع .. ( إذا إنت كنت فعلاَ قاصد مبرمج .. ومش عامل الموضوع ده مجرد واجهة لرسالة عايز توصلها لكل أصحاب الطلبات اللي هنا في الويب العربي ألا وهي ( خلو بالكم من المصريين ) .. كان ممكن إذا إنت فعلاً عايز شغل .. وعايز مبرمج إنك تطلب مبرمج .. وتتجاهل العروض المصرية .. وأكيد بسهولة هتعرف العروض المصرية من اللي مش مصرية علشان انت معاك فلوس كتير زي ما بتقول .. وتقدر تعرف كل حاجة.
أنا والله ردي مكنش فيه أي تحامل عليك .. وإذا كانت وصلت بيك لإنك تتكلم علينا بأسلوب مش كويس وتقول علينا إننا خرابين مواضيع علشان بنحمي حقوقنا وبنحاول إننا ندي نفسنا السمعة اللي نستاهلها .. تبقي إنت غلطان .. ووالله ولا يهمني حتي مسح عضويتي من الويب العربي أو من كل المواقع العربية وانا بدافع عن هويتي .. وعن سمعة أهل بلدي .. وبالتالي سمعتي الشخصية .. وهكررهالك تاني .. " بفلوسك .. بغرورك .. بأسلوبك .. بهدوءك وردودك المفتعلة في التنميق والتشذيب " لو كنت قادر تحمي حقك وتتعامل مع ناس ثقة .. مكنش الحال وصل بيك للمرحلة دي .. واعذرني إذا كنت جيت عليك في الكلام ولا حاجة بس بصراحة اكتر من سبع رجالة بتكلمك وبنتكلم كويس وأول واحد عرض عليك خدمة مجانية كان ردك ( خليهالك يمكن تنفعك ) .. !! هل ده اللي المفروض إنت بتتكلم عليه وبتفتعل الهدوء والسكينة في الحوار !! .. هل ده أسلوب يخليك تتحامل علي المصريين في صفحة الغلاف .. وتكتب بخط باهت بين سطور الكتاب ( انا مش بتحامل علي المصريين ) !!!
الرجاء .. من .. إدارة .. الموقع .. عدم .. ترك .. مواضيع .. زي دي .. توصل للمرحلة دي ..
بجد والله العظيم انا دمي محروق .. ومش هخبي ولا هداري .. ومدام موضوعك خرب خرب زي ما انت بتقول ( مع إني شايف الغرض منه من البداية مش طلب مبرمج .. أكتر ما هو اعلان واضح وصريح عن غرضك الغرييييييييييييب .. في تشويه سمعتنا .. يبقي خلينا بقي نرد عليك ومحدش يسيب حقه .. ومش علشان احنا بنعمل شغل وبنشتغل يبقي احنا معندناش فلوس .. لا .. يمكن عندنا واكتر من اللي عندك .. بس الفلوس ممكن تجيبها من اي مكان .. إنما صعب اوي تجيب ناس بتعرف تحل مشاكلها بنفسها وبتعمل حاجات انت بتدفع فيها الفلوس اللي بتكسبها دي علشان تتنفذلك .
والسلام ختام ..
|
النمط الأُحادي
