السلام عليكم ورحمة الله وبركاته
بداية اسمحولى اشكركم جميعا لردودكم اللطيفة
انا صاحب موقع
www.egycrazy.com
وهو معروف بين كل الناس باسم كريزى كريزى
وانا سجلت فى الويب العربى مخصوص علشان اشكركم على كل كلمة قلتوها
المشكلة وفقا لما قيل لنا من شركات الاستضافة السابقة ان المنتدى علية ضغط اعضاء يسحب موارد السيرفر
ودة بيسببب وفقا لما قيل لنا منهم ضرر للمواقع التانية
وطلبو اننا نكون على سيرفر مستقل
او vps سيرفر
المنتدى ارتفع ترتيبة قبل اغلاقة
للمركز التلاتة وعشرين الف فى اليكسا وللمركز 382 على مصر
برغم ان عمر المنتدى سبع شهور عمل فقط
عدد اعضاؤة قبل الاغلاق وصل لعشرين الف عضو تقريبا
المنتدى عام وغير هادف للربح والى عملة مجموعة من الشباب العادى جدا
بمعنى ان احنا مش شركة احنا افراد
وهدفة الاساسى العمل الخيرى والارتقاء بالفكر ولكن ملتزم بالشرع والتقاليد الاصيلة
بمعنى ان مفيهوش اغانى ولا افلام ولا صور نسائية
وفية اكثر من ثلاثمائة منتدى فرعى فى كل فروع الحياة
واهم منتدياتنا هو منتديات الاعمال الخيرية وحملاتنا الخيرية
ودة سبب القهر الى حاسين بية لان المنتدى ركيزى اساسية لكل اعمالنا الخيرية
واغلاقة وقف كل حملاتنا الخيرية
وبكل اسف بعد معملنا حملة لانقاذ بنك الطعام المصرى وتم تعبئة وتغليف
خمسمية طن مواد غذائية فى خمسة عشر يوما لتوزيعها على الفقرا فى رمضان
اتقفل المنتدى ووقع مننا بنك الطعام وكانت كارثة محققة
نقطة اخيرة ان الى بيدعم المنتدى هو جروب كريزى كريزى
اقصد اعلاميا ودة جروب طلع فى برنامج تسعين دقيقة وبرنامج اوقات فراغ على قناة المحور
واتكتب عننا فى جريدة الجمهورية ومجلة الزهور والمصرى اليوم وجريدة الدستور
واتذاع خبر حصوله على المركز التانى على العالم لجروبات الياهو بقسم اللغة العربية فى اذاعة صوت العرب
وطلعنا فى قناة النيل للاخبار بصفتنا رعاة اعلاميين لمسابقة كورد للروبوت وفى جريدة روزاليوسف
سابقة اعمالنا موجودة فى المنتدى والجروب الكل عارفها
حلمنا ببساطة يبقى لنا قيمة كعرب وان كل محترم وعبقرى يظهر ويكون قدوة لشبابنا بدل التفاهه الى احنا عايشينها
وملناش اى تمويل مادى ولا دخل ودة سبب وقوع المنتدى للاسف
كل الى نقدر نقدمة بانرات اعلانية
دة ملخص بالطبع للموقف لان سابقة اعمالنا طويلة جدا
وانا كتبته بس علشان لو حد حب يكمل معانا حلمنا
شكرا ليكم جميعا
ايميلى
crazycrazy_group@yahoo.com
مطلوب راعي رسمي لمنتدى
النمط المتتابع
