السلام عليكم ورحمه الله وبركاته ..
أخى عضو الويب صاحب الموضوع ..
اولا احب اقولك . انه بالفعل وإنه شىء انا شايفه انه زايد عن حده جدااً .. موضوع تعميم السرقه والنصب للشخصية المصريه فى تعاملات المتصفح العربى بشكل عام ..
انا "رأئى الشخصى" .. هناك اكثر من شركة وأشخاص أيضاً .. لا تكون مصرية , ولا اى شخص فيها مصرى .. وتكون خليجية بنسبة 100% .. ويكون شغلها كله على النصب . والإحتيال ..
وعلى العكس كمان .. شركات كتير مصرية . أو بمعنى أصح , ناس كتير مصرية بتتعامل فى اكبر المنتديات " ترايدنت-الويب العربى- سوالف " بتكون نصابة 100 % هيا كمان ..
وعلى نفس الوتر اى شخص بيكون ذمته خالية من الضمير ومش كويسه .. بيتعامل على نفس الطريقه .. لو كان هوه يهودى او مصرى او خليجى اين كان ..
شايف من وجهة نظرى انه سبب واحد بس فى الموضوع ده . وهوه إنتشار المصرريين والشخصية المصرية بالشكل ده فى التعاملات التجارية بين المتصفحين العرب ..
وهوه ان شخصية المصرى . أو بمعنى أصح . كتير من المصريين لما بيكون فى اى شغل ما بينه ومابين اى واحد خليجى . او جنسية تانية . وبيحصل مشاكل فى الشغل وبيتنصب عليه .. مابيحاولش انه يعمل مواضيع ومشاركات ويتعب فى كتابة موضوع عن النصب اللى تم واللى اتاكل حقة فيه من سعودى او خليجى او او ... وده انا شوفته وحصل معايا شخصياً ومع ناس كتير مصممين شغالين معايا وتعاملاتنا كلها مع الخليجيين تقريبا
بعنى انى شايف ان الإخوان الخليجيين . لما بيواجهوا مشكله زى دى . وبيتم النصب عليهم فعلاً وخلاص مافيش اى طريقة لإسترجاع أموالهم .. بيضطروا للتشهير بالشخص المصرى على اكبر المواقع وفى كل تعاملاته معاه ويبدأ فى موضوع يذكر كل عيوب التعامل مع المصرى .وده طبعا هايبقى عائد على كل مصرى على الويب مش واحد بس
وينسى اى حاجه تانية وهمه الأكبر بيكون انه ازال يكتب كل اللى حصل معاه علشان حقة يرجع .. بالعكس مع كتير مصريين . لما بيحصل معاهم ده بقول عوضى على الله ويسكت
ولو قارننا اللى بيحصل مع المصريين ومع العرب "الخليجيين" هنلاقى ان النسبة تقريباُ مماثلة من ناحية التصرف السىء فى التعامل . يعنى بمعنى أصح لو كل الشركات المصريه والأشخاص اللى اتنصب عليهم من خليج او اى جنسية تانيه . شهرووا بيه فضحوا أمره فى اكبر المواقع وقدام كل الناس .
أكيد سمعته هاتبقى زفت هوه وسمعه كل اللى بيتعاملوا بأسم نفس الجنسيه
وللأسف لما المصرى يحاول انه يعمل زى الخليجى لما يتنصب عليه ويشهر بيه على الويب . صدقونى هايبقى نفس التشهير السىء لسمعه الخليجى ويمكن
أكتر كمان
أولاُ وأخيراً ..
كل العالم لو فى اى مكان . فيه الوحش وفيه الحلو ..
وفيه اللى نفسه قنوعه وفيه اللى نصاب
ياريت مايكون كل الحمل على شخصية المصرى ... والتشهير بيه . مع أنه كتير منهم وتقريبا80% منهم جدعان ورجاله وبيراعوا ضمريهم
مش
5% بس
وكلمه واحده بس لأى خليجى ..
حاول انك تبقى فاكر التعامل بينك وبين المصرى ازاى .. ولو حصل اى خلاف أو نصب . يبقى انت اللى تتحمل مسؤلية ده . ماتشهرش وتعمم بكل المصريين . وإنه كلهم ماعندهمش ضمير فى التعامل ,
مع إن اللى بتتكلموا فيه ده فى كل شخصيات العالم مش بس فى المصرى
بالتوفيق ,
مصــــرى
النمط الأُحادي
