المرتجز , حياك الله
النسخة هذي نزلت لها ثغرات , وترقيعات لها ومع ذلك أنصحك ترقي لآخر اصدار موجود حالياً فهو أكثر إستقراراً
اذا عندك ترخيص , تقدر تحمله وترقي مجاناً
ترقية المنتدى أو تحديثه , بسيطة جداً وما تحتاج أي تعقيد
بكل بساطه حمل النسخة اللي تبغى ترقي لها , وارفعها على موقعك بمجلد باسم vbnew مثلاً
واستبدل الكونفيق للنسخة الجديد بالكونفيق للنسخة السابقة أو انسخ بيانات كونفيق النسخة السابقة
وضعها في كونفيق النسخة الجديدة
ثم توجه للمنتدى وسوي له إغلاق من خيارات المنتدى وكذلك سوي إيقاف لجميع الخطاطيف HOOKS من خيارات المنتدى
وتوجه للرابط التالي لبدء الترقية
www.xxx.com/vbnew/install/upgrade.php
وأكمل خطوات الترقية بالضغط على Next حتى تنتهي من الترقية , احذف بعدها مجلد install
ثم غير اسم مجلد النسخة السابقة ( القديمة ) من vb الى vbold مثلاً
وروح لمجلد النسخة الجديدة vbnew وغير اسمه الى vb
وبكذا انتهت الترقية والحمد لله
لاتنسى تنسخ مجلدات الاستايلات و الصور و ملفات الهاكات اللي ركبتها من النسخة السابقة لمجلد النسخة الجديدة
بعد ما تتأكد انك نقلت الأشياء اللي تحتاجها احذف مجلد vbold
اما بالنسبة للهاكات , فلايوجد بما يسمى هاكات أصلية لأنها مجرد إضافات يقوم ببرمجتها وتصمميها
أي مطور أو أي مبرمج ومصمم وينزلها بالمنتديات ( عمل تطوعي / تطويري )
لذلك مافيه شي محدد , لكن اذا حبيت تختار هاكات فاختار الهاكات المجربة سابقاً و المتعارف عليها بالمنتديات
ومعروف أنها لاتسبب الضرر , وتقدر تستخدم قوقل وتكتب اسم الهاكات او تبحث بالمنتديات اللي تستخدمه
وتتأكد من سلامته , وكذلك فيه أشخاص معينين لهم برمجيات موثوقة , تجنب الهاكات اللي تنزل من مبرمجين جدد
وحاول تاخذ الهاكات من منتديات متخصصة مثل " ترايدنت " , لأن الهاكات يمكن تلغيمها من قبل الهكر
للأسف ما أقدر أفيدك بجهة معينه , لكن حاول تتواصل مع أشخاص متخصصين , مو أي شركة تنزل عرض رخيص
أو تكتب مواصفات تاخذ منها , تأكد من خبرتهم وتمرسهم في المجال من خلال البحث و السؤال
وفقنا الله و إياك ,
تشآآآآو