اول حب
مو مسألة مدح
الموضوع باختصار الاخ صهيب نزل موضوع في منتدى اخر ومدح انفنتي وانهالوا عليه مرضى القلوب عافانا الله واياكم من الحقد والحسد
haili
معليش يمكن كلامي ما كان واضح في ردي السابق ، السالفة ان فيه عملاء لنا يذكرون انهم لا يحبون ابعاد كذا بدون سبب واضح لكنهم معجبين بانفنتي ويفخرون بها
فكان ردي انه مو شرط تحب ابعاد المهم انك تقول الحق حسب تجربتك مع انفنتي
لان المصيبه ان فيه ناس ما تعامل مع ابعاد نهائياً
ولا استخدم انفنتي ابداً
ولا يعرف في البرامج اي شيء
ولا يدري وين ربي حاطه
وفوق هذا كله يجي يقول لك ما احب ابعاد
من طلب منك تحبنا اصلاً
ويصدر احكام ويقول انفنتي فيها وفيها ، كيف تحكم على شيء ماتعرفه ؟!!
هذي هي السالفة حبيبنا
ولله الحمد ان اكثر من 98% من عملائنا راضين وسعيدين بمستوى خدماتنا من خلال مراسلاتهم وكلماتهم التي يعبرون بها عن مشاعرهم وهذه نسبه عاليه جداً ولله الحمد وخاصة ان ارضاء الناس غاية لا تدرك ونسبة 2% زعلانين هذا شيء طبيعي مستحيل ترضي الجميع .
حلو جداً انك ذكرت موضوع تحديد الوقت
نعم صعب جداً تحدد وقت دقيق لعدة اسباب وانا بقول لك بعض الحالات اللي تواجهنا بشكل يومي وانت في النهايه تعرف مدى صعوبة تحديد وقت دقيق للتنفيذ :
غالبا وقت التنفيذ يتم خلال 72 ساعه كحد اقصى وهذا انا اجزم انه زمن قياسي على مستوى العالم مقارنه بما يتم تنفيذه على موقع العميل خاصة اذا عرفت انك عشان يجيك رقم ترخيص برنامج اجنبي ياخذ اقل شيء 24 ساعه وهو مجرد رقم سيريل يجي على بريدك فما بالك بعمل قاعدة بيانات وتنصيب انفنتي وكتابة شعارات وعمل ملف جديد وفاتورة للعميل واجراءات داخليه كثيره حتى ينتهي الطلب
تعال شوف بعض الحالات اللي تواجهنا بشكل يومي وتتسبب في تأخير التنفيذ :
1 - عميل يرسل طلب انفنتي مثلا وبريده في الهوت ميل على سبيل المثال ويكتبه في الطلب ناقص حرف !!
طبعا يردون عليه الزملاء في المبيعات وطبيعي ما يوصله اي رد من ابعاد لان ايميله كاتبه غلط
ويجي من بكره زعلان وليه ما تردون علي وانا اودعت المبلغ لكم طبعا نتصل عليه تلفون او هو يتصل علينا ونكتشف اخيرا ان بريده كاتبه غلط نقوم نصحح الوضع ونرسله للتنفيذ
العميل له يومين من بداية المشكلة وصححناها وصار طلبه في التنفيذ اليوم الثاني يجيك رساله منه تأخرتوا علينا
يعني هو احتسب اليومين اللي كان فيها مشكلة تصحيح البريد حقه اللي هي غلطته في الاساس واعتبر هاليومين تأخير من ابعاد !!
2 - عميل يتم نقل طلبه لقسم انتظار الايداع وموضحين له طريقة تأكيد الايداع وما يسوي تأكيد ايداع الا بشق الانفس قل يومين تاخذ هالحوسه حتى يوصلنا معلومات الايداع لانه من الصعب نتعرف على حوالة كل عميل الا بمعلومات كاملة منه خاصة ان المبالغ اللي تاصلنا متشابهه يعني مثلا تلاقي ايداع 600 ريال 3 مرات في يوم واحد كيف تعرف كل حوالة من اي عميل ؟
ماتقدر تعرف الا بالمعلومات اللي يرسلها العميل في عملية تأكيد الايداع
ولما نحوله للتنفيذ يقوم العميل يحتسب يومين تأخير على ابعاد مع انه هو سبب تأخير التعرف على حوالته ونقل طلبه للتنفيذ .
3 - هذي مشكلة المشاكل وهي توافق الاستضافة مع انفنتي ، مع كل طلب انفنتي وقبل يحول العميل اي مبلغ نطلب منه اختبار مدى توافق استضافته مع انفنتي وعدد قليل جدا يتجاوب معنا ويعمل الاختبار ويتأكد ان استضافته متوافقه مع انفنتي .
كل الطلبات اللي يتأخر تنفيذها سببها عدم توافق الاستضافة ولو كان العميل عمل اختبار التوافق قبل حتى يرسل اي مبلغ وحل مشكلة التوافق مع مستضيفه من البدايه كان تم تركيب انفنتي لموقعه في زمن اسرع لكن هذا نادرا ما يحدث ويصبح الطلب معلق ويأخذ وقت بالايام والعميل حايس مابين ابعاد ومابين مستضيفه حتى يتم في النهاية توفير متطلبات انفنتي وهذا التأخير يتراكم ويأثر على الطلبات الاخرى الموجوده في التنفيذ وتخيل عاد 4 او 5 طلبات عندهم مشكلة توافق استضافه وكل واحد بدل ما ياخذ يوم في التنفيذ يأخرنا 4 ايام وبالتالي يأثر على الطلبات اللي بعده واللي بعده وهكذا وفي النهاية يحتسب هذا التأخير على ابعاد !!!
بحثنا حلول للمشكله وقلنا خلاص ما نحول للتنفيذ الا الطلب اللي يكون عمل اختبار توافق وفعلا مؤكد انه ممكن تركيب انفنتي على موقعه لكن واجهنا نفس الحكايه ينحسب هذا التأخير على ابعاد من قبل العميل مع اننا مالنا اي ذنب فيه لانها مشكلة العميل ومستضيفه !
هذا هو الوضع اللي نواجهه واللي يسبب تأخر بعض الطلبات مع العلم ان فيه طلبات احيانا تاخذ اقل من 12 ساعه لان العميل متابع للطلب ومسوي كل المطلوب منه .
ولكن ان شاء الله كل هذا راح يتغير في المستقبل القريب بعد تغيير شامل لطريقة الطلبات وتنفيذها في موقعنا لكي يتوافق مع متطلبات وعدد عملائنا في المرحلة الحالية والمستقبليه ان شاء الله
تحياتي
شكر وتقدير لإدارة ابعاد المعلومات
النمط المتتابع
