أخوي يفضل تراقب السيرفر بالشيل، عن طريق خيار "top" وتشوف أي برنامج يستهلك أكثر موارد المعالج، ومن ثم تضغط "ctrl+m" وراح يطلع لك البرنامج الي يستهلك أكثر موارد الرام.
بالنسبه للفلود، فمن الافضل إنك تركب لك فايروول، وتتابع السيرفر، والكونكشات من كل آي بي، وتسوي حظر للآيبيات الي عندها عدد كبير من الكونكشات، طبعاً الجدار الناري الي أنصح به هو "apf" وبإستخدامه تقدر تسوي باند لأي آي بي عن طريق الأمر "apf -d ip " و تقدر بعد تشيل الحظر عن طريق الأمر " apf -u ip" وتقدر تستخدم الامر التالي للحصول على الآي بيات الي متصله بالسيرفر، وعدد الكونكشن لكل آي بي مرتبين من الأكبر للأصغر:
netstat -anp |grep 'tcp\|udp' | awk '{print $5}' | cut -d: -f1 | sort | uniq -c | sort -n
أعتقد أفضل طريقه تستخدمها هي إنك تركب الفايروول إذا كان مو مركب، وبعدين تستخدم الأمر الي فوق وتشوف أكثر الآي بيات الي متصله بالسيرفر، وتعطيها باند عن طريق الأوامر الي ذكرتها لك فوق، وتقدر تفك الحظر بعد ساعة أو ساعتين (الي يريحك طبعاً).
وإذا عندك أي إستفسار، أنا في الخدمة
وبريدي في التوقيع (ما أستخدم مسنجر)..
النمط الأُحادي
