[alsawedi]

السلام عليكم
ابي اطلب برمجه خاصه لشريط اهداء بمواصفات خاصه ( طبعا ماراح اذكر شي عن الحمايه لأنكم انتم ادرا فيها )

انا عندي مواقع دردشه صوتيه بنظام الغرف ( زي نيومار ) ابي بـ شريط الاهداء يكون الاهداء فيه بعضويات . .و يكون عندي امكانيه اعمل حساب ولوحة تحكم لكل صاحب روم . . حساب صاحب او مدير الموقع ( الهوست ) عباره عن لوحة تحكم بواسطتها يمكنه اضافة عدد لا نهائي من حسابات مدراء الغرف الصوتية . .امكانية مشاهدة آلاهدائات المضافه خلال الـ 48 ساعه السابقه . . امكانية تحديد عدد الحروف المسموحه لمدراء الرومات (( مثلا ً صاحب الروم رقم واحد الاعضاء اللي عنده يقدرون يكتبون 100 حرف . . وصاحب الروم رقم اثنين الاعضاء اللي عنده يكتبون 200 حرف )) واقدر احدد عدد الاهدائات المسموحه للعضويات من حساببات مدراء الغرف ((مثلا الروم رقم 1 اعضائه مسموحه لهم 5 اهدائات باليوم . . والروم رقم 2 اعضائه مسموح لهم 10 اهدائات باليوم )) . . انو هذي انا احددها لكل حساب . . كمان يكون عندي امكانية ايقاف حساب اي مدير من اصحاب الرومات بتحديد تاريخ معين لأنتهاء صلاحية حسابه . . وامكانية امكانية الاطلاع على لوحة تحكم والتصرف فيها . . . . امكانية اعطاء باند او حظر شخص معين من اضافة اي اهداء عن طريق اضافته في قائمة بلاك ليست تكون مقسمه قسمين قسم اللي تم حظرهم وقسم اللي تم ارسال ملاحظه عليهم من مدراء الغرف مع الاهداء اللي طلب من اجله الحظر من غير استطاعة صاحب الروم التعديل على نص الاهداء المرسل للأداره من اجل طلب الباند . . وانا كصحاب او مدير الموقع . . اعطي الحظر للعضو من كافة حسابات مدراء الغرف ( مع ظهور نص او صوره بالاحمر مكتوب عليها بلوك. . او اني اتجاهل الطلب . .


حساب صاحب الروم عباره عن لوحة تحكم يقدر يضيف عدد لا نهائي من الاعضاء مع امكانية مشاهدة اهدائاتهم والتعديل عليها او حذفها و ايقاف عضوية احد الاعضاء او حذفها . . او ارسال ملاحظه ( طلب ) لأدارة الموقع ( الهوست ) بمنع العضو هذا من استخدام شريط الاهداء نهائيا ً حتى لو عن طريق عضويه بروم ثاني ( الباند - اي بي - او على الهارديسك ) طريقتها يكون بضغطة زر يكون مكتوب عليه ( ارسال ملاحظه للأدارة ) بس يضغط عليه ينقل الاهداء مع اسم العضو مع الاي بي تبعه لقائمة البلاك ليست عند الاداره . .
بالنسبه لحساب العضو يكون عنده خصائص اختيار صوره رمزيه ( زي صور الشات الكتابي )مع امكانية اضافة صور رمزيه او ابتسامات مع الشريط ومشاهدة آخر 10 اهدائات ارسلها والتعديل عليها او حذفها وامكانية تغيير كلمة المرور فقط
بالنسبه لشريط الاهداء نفسه يكون بأستطاعة مدير الموقع ( الهوست ) تحديد عدد الاهدائات المعروضه . . ايقاف الشريط مؤقتا و وضع نص معين لغرض اعلان او تنبيه . . يكون طريقة نص الاهداء زي كذا ( السويدي - الغرفة العامه : سبحانك اللهم لا آلـه الا انت استغفرك واتوب اليك ) السويدي = اليوزر تبع العضو ، الغرفة العامه = اليوزر تبع مدير الروم ، سبحانك . . . . الخ = الاهداء . لون اليوزر تبع العضو بأمكانية مدير الروم يختاره . . لون يوزر تبع مدير الروم او اسم الغرفه يحدده مدير الموقع ( الهوست ) وكمان لون الخط . . يكون الشريط ومنفذ الدخول ( كتابة اليورز والباسوورد و لوحات التحكم بنظام القوالب ..((مابي اتفلسف)).. ابيه يكون سهل التعديل على تصميمها عن طريق الفرونت بيج

واذا عاد فيه اقتراحات او ملاحظات من عندكم لا تقصرون <----- يارجال انت ما قصرت بس خل عنك

ادري اني هذريت واجد . . بس معليش القصد اني ابي اوصل لكم الفكره زي ما ابيها .. والله يعينكم على ترتيبها لأني احس اني خبصتها خخخخخخخ
طبعا حقوقكم لازم تكون موجوده . . لكن انا من حقي ان الشريط يكون محمي 99% وما تروح منه نسخه من هون ولا من هون و يكون عندي كل ملفاته مع طريقة تركيبه . . لأن عندي انا كذا موقع مو بس موقع واحد . . وانا لي الحريه الكامله بنشره بتوزيعه ، ببيعه ، بحرقه ، هذا من حقي
اذا مافيه مانع جنب حقوقكم يكون لي الخيار بوضع رابط واسم موقع معين
يعني زي كذا مثلا ( برمجة $$$ لـموقع @@ )
$$$ = انتم ، @@ = الموقع اللي انا اختاره في بداية تركيب السكربت
وتكون الحقوق موجوده في لوحات تحكم الاعضاء ومدراء الغرف ولوحة التحكم مدير الموقع فقط

انا عندي اشياء كثيره عندي تحتاج برمجه خاصه او تطوير لسكربتات جاهزه . . و حاب تردون علي في اقرب فرصه . . اذا فيه امكانيه تسوون اللي ابيه ولا

* ملاحظه :
الرجاء وضع السعر هنا . .
الرجاء من مواقع البرمجه وضع رابط صفحة عملائها