[arabdream]

بسم الله الرحمن الرحيم

انا عايز احجز دومينات ومعايا مبلغ 1000 جنيه

فاعمل ايه علشان احجز دومينات اى يعرف اى حاجه اعملها واحجز بيها على طول زى الفيزا وانا من مصر

[AmwajWS]

يالغالي ممكن نوفر لك ريسيلر دومينات تحجز في اي وقت تريد
ممكن تدفع مسبق و المبلغ كامل يكون بحسابك
الدعم عن طريق التالي :
1 - عن طريق ( حوالات ويسترن يونيون ) هذي الخدمة متوفرة في جميع دول العالم ( سهلة و سريعة )
2 - عن طريق ( بطاقات كاشيو ) في هذه الحالة يتم خصم مبلغ 1 دولار
3 - موني بوكر moneybookers
4 - عن طريق حوالات بنكية

سعر تفعيل الريسيلر : مجاناً
سعر الدومين للموزعين : 9 $

لو عندك اي استفسار تفضل

[el basha]

استاذ arabdream
اهلا و سهلا بيك .. اولا لازم تعمل فيزا للانترنت ... و دى فى بنوك كتير فى مصر بتقدمها .. انا عن نفسى عندى فيزا انترنت بنك مصر .. و هى خاصة للانترنت فقط يعنى مفيش اى استخدام ليها او انك تشترى من محلات و كدة هى للانترنت فقط .. و دى مصاريف اصدارها 10 جنية و بتحط بعد كدة المبلغ الى انت عايزة فيها و بتستنى لغايت ما الفلوس تنزل على الفيزا بتاعتك و غالبا بتاخد يومين او تلاتة .. مثلا لو انا حطيت الفلوس يوم الاثنين .. يوم الاربعاء تنزل على الفيزا .... و بعد كدة بتدخل على اى موقع لحجز الدومينات بس يكون مضمون و خدمتة كويسة و بتبدأ تحجز الدومين و خلاص كدة ... دا الى انا عملتة بالظبط و بردة لو تتصل بالبنك و تسألة عن فيزا بنك مصر يبقى احسن ... و شكرا ليك و اى استفسار انا موجود ..

[مصطفى زغلول]

السلام عليكم
زى ما قال الاخ el basha اعمل فيزا انترنت بنك مصر وللعلم مصاريف اصدرها 5 جنيه فقط ومدتها سنة ومدة تفعيل المبلغ من 8 ساعات الى 48 ساعة وبيسمع فى الفيزا.
اذا كنت تريد حجز نطاقات يمكننا الحجز لك وبسعر 50 جنية سنوى للدومين وللعلم الحجز من خلال اينوم وبيكون لك حساب خاص لك (موزع ) ويتم إرسال الدومينات فور الحجز ( تحكم كامل للكل النطاقات بإذن الله ) .

إذا كنت مهتم راسلنا على : cs#masr4host.org
غير ال # ب @ للدواعى امنية

تقبل ارق تحياتى
مصطفى

[arabdream]

شكرا لاخى el basha ولا misr4host على المعلومات الجيده دى انا ممكن ارخص بيها منتدى الفيزا دى وشكرا على اجوبتكم الممتازه

[el basha]

طبعا تقدر .. انا عايز اقولك ان الفيزا دى بتتقبل فى اىىىى موقع بيقبل الفيزا كارد .. الا فى حالات نادرة جداااا انا الحمد لله عن نفسى ما قبلتهاش .. انا قلتلك عليها عشان انا دى الى مجربها و بستخدمها .. و فية دروس كتير عن طريقة ترخيص منتدى من الشركة الرسمية .. يعنى تدخل على الموقع الرسمى "فيبولتن" و ترخص منة .. لانك بتقول 1000 جنية ما شاء الله مبلغ كويس و تقدر ترخص منتدى بمبلغ 912 جنية دا لو الدولار بـ 5.70 .. الحسبة دى تقريبية طبعا
ادخل على جوجل و اكتب " شرح ترخيص منتدى" و ربنا معاك

[arabdream]

شكرا اخى الباشا على الشرح الوافى ده انا سمعت علشان تعمل فيزا لازم يبقى عندك 5000 جنيه فى البنك فى ايه الفرق بين دى ودى طيب بعد سنه الى بيحصل فى الفيزا بتتلغى ولا ايه ممكن اميلك اخى العزيز وشكرا معلش طولت معاك

[el basha]

اخى arabdream
بص يا استاذى .. اولا الفيزا الى بتتكلم عليها دى ليها انواع كتير .. يعنى فى فيزا اليكترون .. و فيزا الى هو ائتمان .. و فيزا الانترنت ... الى لازملها 5000 دى اكيد نوع تانى غير بتاعت الانترنت .. دى حتلاقيها الى هى فيزا بتشترى بيها من المحلات عادى و تسحب من الماكينة بتاعت البنك .. و تقدر تستخدمها على النت كمان .. يعنى امكانيتها اكبر بكتير .. لكن .. انا عن نفسى افضل فيزا متخصصة للانترنت يعنى ما ينفعش اشترى من اى محل بيها ما ينفعش اسحب من ماكينات البنك فلوس .. هى معمولة للانترنت فقط .. فا اى نوع تانى انت ما تفكرش فية ...احسن نوع للانترنت هو فيزا الانترنت ... عشان حتى لو اتسرقت يبقى مفيش اى مشكلة .. لان لو حاطط 100 جنية مثلا فيها يبقى الـ 100 جنية هما الى حيتسرقوا .. فا خسارتها اظن انها اصغر .. و كمان مصاريف اصدارها 10 جنية .. انا عملتها بـ 10 جنية و استلمتها بعد 4 ايام تقريبا .. و دى من اى فرع لبنك مصر .. و بتبعتلك كل شهر على ايميلك تقرير عن جميع معاملاتك الى تمت خلال الشهر الماضى .. و مقبولة الحمد لله من جميع المواقع الى اتعاملت بيها معاهم .. و بعد سنة من اصدارها بتتلغى من البنك و يبقى الفيزا الى معاك مش شغالة .. و لازم تروح هناك تانى للبنك و تصدر واحدة جديدة برقم جديد للبطاقة ... فا بردة دى ميزة ..
بص بنك مصر 19888
بنك الاهلى سوستيه جينيرال 19700
البنك الاهلى سوستيه جينيرال عامل عرض بردة للشباب يتضمن فيزا للانترنت ...
و شكرا

[واحة العرب]

يا شباب فيزا الانترنت دى مقبولة ضمن الفيزا كارت او الماستر كارد

يعنى لو انا دخلت موقع ولية طرق دفع كتيرة من ضمنها الفيزا كارت اختار الدفع بالفيزا كارت ويعدين ادخل رقم البطاقة بتاعتى . يعنى هى بتتعامل ضمن الفيزا كارت ولا اية؟

[alfisal-host]

بالتوفيق اخي