[www.myegy1.com]

اخواني اريد هذا الهاك اظهار اقسام المنتدى فى جوجل





لسلام عليكم

اخواني اريد هذا الهاك

واذا كان ليه طريقة تركيب مختلفة عن باقي الهاكات يا ريت

تمدونا بيها وجازكم الله خير

هذه صورة الهاك



مثل ذلك ولكم جزيل الشكر اخيكم فى الله شادى

[www.myegy1.com]

معقول موقع الويب العربي مفيش فية رد علي الموضوع دة

[dealer]

وعليكم السلام

هذا خاص بالارشفه وليس هاك

اهتم جيدا بالارشفه وباقسام موقعك وارفع البيج رانك تبعك

وان شاء الله موقعك بيتقسم من تلقاء نفسه

[مصطفى]

بسم الله الرحمن الرحيم
بعد ازن المشرف الكريم dealer
بحاول اساعد بخبرتى المحدوده اخى الكريم هذا يسمى الارشفه بجوجل
وبالنسبه للنقطه الموضحه منك هذا تقسيم لموقع داخل جوجل
اذا كنت تريد ان تقوم بتقسيم موقعك اتبع الاتى ولكن للعلم ان التقسيم لا يتم بين يوم وليله
وساحاول اساعدك فى ارشفه الموقع

شرح تقسيم منتداك فى جوجل مع الارشفه

الموضوع متكون من خمس خطوات

الخطوه الاولى عمل ملف الروبتس

الموضوع بسيط جدا ان شاء الله انا عامل ملف روبتس جاهز انت هتاخده وتحطه فى مجلد موقعك الرئيسى

والملف مرفق

فى نهايه الملف هتلاقى الكلام دا

رمز Code:

Sitemap:http://forum.name.com/sitemap_index.xml.gz
الخطوه الجايه هيه شرح ازاى نعمل خريطه ولما نرفع الخريطه للموقع هنعدل الرابط السابق دا بحيث انه يكون رابط الخريطه

الخطوه الثانيه عمل خريطه كامله للموقع

وسيبك من المواقع اللى بتعمل الخرايط لان كل دا ملوش لزمه

دلوقتى البرنامج

اسمه GSiteCrawler

حمل من هنا

http://gsitecrawler.com/gs-files/gsi...r-123-full.exe

هنسطب البرنامج بشكل عادى

ونتبع الشرح دا

وتستنى كام يوم كدا كل ما تعقد تشغل البرنامج لحد ما يخلص كل حاجه وتقدر تعرف انه خلص ولا لا لو دوست على كلمه Show اللى فوق

بعد اما يخلص هتلاقى كلمه

Generate

واختار Google Site Map

الخطوه التالته

هنضيف الخريطه لجوجل والموضوع دا سهل جدا ومتهألى مش صعبه

الخطوه الرابعه : اضافه معلومات الموقع لاليكسا ودى الخطوه اللى محدش بيعملها

يلا نعملها مع بعض

ادخل على موقع اليكسا

www.Alexa.com

وهذا شرح البيانات

اما عن المعلومات التى تكتب فى اليكسا هى بالترتيب

1- عنوان الموقع "يكتب بالعربيه والانجليزيه"

2- وصف الموقع وهو وصف مطول عن الموقع ويوصى ان نضع بيه كل شئ بالموقع

3- مالك الموقع وهنا نكتب اسم مالك الموقع

4- العنوان

5- المدينه

6- المقاطعه

7-الزيب كود

8- الدوله

7 - رقم الهاتف

8- البريد الاليكترونى

بعد لما نضيف الملف لمجلد الموقع الرئيسى ودى الحاجه اللى انا بوصى بيها ملناش دعوه بالمنتدى ضيف الملف فى مجلد الموقع على طول او هو بيوضحلك تحت المكان اللى المفروض يكون موجود فيه الملف

فائده الخطوه دى ايه

1- رفع مكانتك موقعك لاليكسا
2- التنسيق مع جوجل بحيث يستهدف مجموعه من الباحثين
3- اظهار المالك الحقيقى للموقع

الخطوه الاخيره

وهى فى لوحه تحكم المنتدى

ندخل على خيارات المنتدى وبعدين هنضيف وصف الميتا تاج وان شاء الله هعمل شرح مفصل ليها قريب

ان شاء الله بعد رفع الخريطه الكامله لجوجل وكمان تعديل البيانات فى اليسكا مع تحديد الملفات المسموحه لجوجل من خلال الروبوتس بكدا هيكون موقعك جيد جدا لجوجل وان شاء الله النتيجه مضمونه

[dealer]

كفيت ووفيت اخ مصطفى تم تقييم ردك

ولكن هذا من اختصاص قسم seo ومحركات البحث وليش مشاكل وحلول المنتديات


بالتوفيق عزيزى

[www.myegy1.com]

كفيت ووفيت اخ مصطفى


الف مليون شكرا علي تعبك معية اخى الكريم

[مصطفى]

لا شكر على واجب اخى