اخوي Mobdi3.com
تطبيقك جيد لكن انا ماودي تستعجل وممكن خلال هالفتره تشتغل اكثر على الهيدر يمكن يطلع لك افكار جديدة ممكن تضيفها له على بال ما انتهي من بقية الزملاء لاني مابغى انتقل للدرس الجديد الا بعد الانتهاء من تطبيق الاخوان المشتركين معنا .
شكرا السكربت العربي
تابع معنا وان شاء الله تلقى الفائده
اخوي الامارت للاستضافه
اشكرك على التطبيق
عندك مشكلة على ما اعتقد في الفوتوشوب استعمالك للمؤثرات يحتاج شوي تركيز ولا تسويه وانت مستعجل هو يبيله مخمخه
لازم تكون في حالة مزاجيه جيده حتى تقدر تتحكم في التصميم بمعنى انت تخيل الشكل اللي تبي تسويه اول في ذهنك بعدين حاول تطبقه بالبرنامج ولا تخلي البرنامج هو اللي يتحكم في شغلك .
فيه ملاحظات كثيرة بحاول اوضحها في نقاط :
1 - المقاسات والتوزيع لمحتوى الهيدر
انت لازم يكون شغلك فيه ترتيب يعني مثلا اسم المنتدى لازم يكون في المكان المناسب طالما انت في تطبيقك وضعته في المنتصف معناها لازم يكون في المنتصف بشكل دقيق لان المكان اللي بيكون فيه تمدد لازم يكون معروف لك من البدايه وتعمل حسابه .
كذلك نوع الخط المستخدم المفروض تحمل خطوط جيده وتستعملها والظل بعيد عن الكلمه كثير ومو معطيها شكل حلو .
2 - الشكل اللي عملته الممتد اعلى الهيدر انت دمجته في الصورة في اليمين الأفضل يكون الشكل اللي في اعلى الهيدر فوق الصور حتى يمثل اطار للهيدر ككل وما يكون مدمج فيها لانه ماراح يكون شكل منطقي .
3- الظل واضح انه على الزاوية الافتراضية 120 درجة المفروض تلغي علامة الصح الموجوده جنب مقاسات الظل وتخليه 90 درجة او - 90 درجة اذا كنت تبغى الظل يجي فوق الشكل .
= تلغي علامة الصح حتى تقدر تطبق مقاسات ظل مختلفة لكل طبقة .
اتمنى تطلع على الملاحظات اللي وضحتها للاخ Mobdi3.com
وشوف التعديلات اللي انا عملتها على تصميمك وحاول تعرف منها الاختلافات في المقاسات والمؤثرات مثل الظل والتدرج ومو ضروري تسوي اللي انا عملته بالضبط انت ممكن تسوي اللي يعجبك المهم تعمل حساب للتمدد والتوسيط والارتفاع والمؤثرات الخ .
ياشباب لا تتقيدون باللي انا اسويه حاول تبدع من عندك انا مجرد اعطي ملاحظات وتعديلات حسب وجهة نظري مو لازم تتقيدون بها حرفياً حتى في الشكل العام للهيدر انت ممكن تعمل هيدر بدون صور حتى يعني خذ راحتك المهم هو الاساس في العمل حتى ما تواجهك مشاكل في القص والتركيب .
تحياتي
النمط الأُحادي
