[sodies]

منذ قليل دخلت على موقع Netfirms لشراء دومين واتبعت الخطوات وبعد النجاح فى اختيار الدومين تابعت المرحله الاخرى وهى كتابة البيانت وكتبتها جميعها
ولكن ظهرت لى هذه الصوره

ولا ادرى ما هى المشكله
الرجاء لمن يعرف معنى هذه المشكله ان يشرح لى
جزاكم الله خيرا

[sodies]

هذه هى الصفحه التى تظهر
وعند كتابتى الرقم وعمل استمرار يعيد الصفحه مره اخرى

[Sir Alaa]

لو عاوز تحجز اى حاجه تعال تحت امرك نحجزهالك من المكان اللى تبغاه
alaa@aq4host.com

[Zeinab Magdy]

السلام عليكم و رحمة الله ,

الأخ الكريم ,

1 - من المفروض عند وجود خطأ ان يتم كتابته فى اعلى الصفحه و انا لا أرى الخطأ ,

2 - حاول ان تتأكد من بيانات الدفع الخاصه بك ,

3 - من الممكن ان يكون تفعيل إشتراكك يحتاج لبعض الوقت ,



أختك فى الله ,

زينب مجدى .

[sodies]

إقتباس: اقتباس من مشاركة ModServ      السلام عليكم و رحمة الله , الأخ الكريم , 1 - من المفروض عند وجود خطأ ان يتم كتابته فى اعلى الصفحه و انا لا أرى الخطأ , 2 - حاول ان تتأكد من بيانات الدفع الخاصه بك , 3 - من الممكن ان يكون تفعيل إشتراكك يحتاج لبعض الوقت , أختك فى الله , زينب مجدى .

جزاك الله خيرا اخت زينب
وشكرا جدا على التفاعل
وهذا ما نظنه دائما من الويب العربى ومن حضرتك بالخصوص
فأنا متابع دائم للويب العربى ولكنى غير مشارك بشكل فعلى
وقد لاحظت دائما سعة صدرك ومساعداتك للعديد من الاعضاء
وعندما وجدت فى الخارج رد على موضوعى لModServ كنت داخل وفى نيتى الشكر رغم عدم معرفتى ما هو الرد
لاحترامى الكامل لهذا النيك نيم المساعد دائما للمشتركين فى الويب العربى والذى استفدت منه كثيرا ولو انى كنت اعتقد ان النيم خاص بشاب ولو لم توضحى حضرتك لكان ردى وشكرى على المشاركه ذكورى ولكن سعدت جدا بمعرفة حضرتك ومرورك
شكرا جزيلا
اما بالنسبه للمشكله فإلى الان لم اجد لها حل وكما ذكرتى حضرتك مفيش اى رسالة خطأ وكلما كتبت الرقم وضغط للمتابعه يكرر الصفحه مره اخرى
انا تعاملت مع الموقف واشتريت الدومين من Domainrightnow وبالفعل والحمد لله تمت العمليه بنجاح
ولكن المشكله الان ما هو مصير العمليه الفاشله السابقه؟
وما رأى حضرتك فى Domainrightnow ؟
وكيف اعرف معلومات حساب بطاقتى فأنا لاول مره اتعامل معها وهى بطاقة بنك مصر كارت الانتر نت المدفوع مقدما ؟

[sodies]

إقتباس: اقتباس من مشاركة Sir Alaa      لو عاوز تحجز اى حاجه تعال تحت امرك نحجزهالك من المكان اللى تبغاه alaa@aq4host.com

جزاك الله خيرا اخى الكريم فقد تم التدارك

[مارس للاستضافة]

اخى الكريم
بعد بيانات الاسم والعنوان
ستجد مربع صغير به علامة صح وامامه الجملة Same for billing
وهى تعنى ان البيانات السابقة نفس بيانات الكريدت كارد او الفيزا

لو شيلت علامة الصح تظهر مربعات بيانات جديدة
اكتب فيها اسمك زى ما هو على الفيزا او الكريدت كارد والعنوان

وان شاء الله تتحل المشلكة



To complete your order review the summary information below and enter your billing information.
You will be able to access your account instantly after this step.
تحت الكلام دا مكتوبلك التكلفة زيرو
هو حضرتك مكنتش بتحجز حاجة ولا اية المشكلة ؟؟

[مارس للاستضافة]

معلش سؤال اخير يا استاذ sodies
هو افنت بروزور كويس ولا فيه مشاكل ؟؟ يعنى هو احسن ولا فايرفوكس

[Zeinab Magdy]

السلام عليكم و رحمة الله ,

جزاك الله كل خير على كلامك الرائع و أرجو من الله ان يكون فى محله

بالنسبه للطريقه الأفضل لمعرفة رصيد حسابك هى الإتصال بخدمة العملا و سؤالهم ,

او اذا كانت خدمه العملا غير متوفره فى بنك مصر ,

فإذهب الى البنك و قم بالإستعلام ,

حيث اننى اتعامل مع البنك الأهلى و لأعرف رصيد حسابى أقوم بالإتصال على 19623 ,

و على ما اعتقد ان رصيد حسابك لم ينقص منه شىء و الدليل ان الدومين لم يتم حجزه ,

أما بالنسبه لشركة Domainrightnow فأنا لم اتعامل معها قبل ذلك و بالتالى لن استطيع الحكم ,

و تعاملى فى الأكثر بالنسبه للدومينات مع :

name.com

namesecure.com

enom.com


بالنسبه للأخ مارس للاستضافة

فأفضل براوزرات فى رأيى هى :

1 - Internet Explorer الإصدار السابع

2 - موزيلا فايرفوكس



أختكم فى الله ,

زينب مجدى .

[مصطفى عبد الرحمن]

سلام الله عليكم
اسف على المداخلة ولكن مشاركتى لان الفيزا كارد الخاص بى هى على بنك مصر ايضا
البنك بيقوم بارسال ملف pdf كل اول شهر للعميل على الايمال المسجل عندهم فى بداية الاشتراك وبه ستجد ما تم صرفه وشرائه
بمعنى ستجد به اسم الشركة التى قامت بخصم المبلغ مع التاريخ
مصير العملية السابقة اصبح لاغى طبعا لانك حجزت نفس الدومين من موقع اخر وعليه لا يوجد خطر
ان وجدت اى مشكلة فى بيانات السحب من خلال الفيز انصحك بما يلى
اتصل بالفرع الرئيسيى لبنك مصر واطلب تغير الرقم السرى للبطاقة وهو مكون من 3 ارقام
مشكلة فيزا بنك مصر شى واحد وصراحة مرهق ان كافة عمليات الشراء التى تتم عليها لا تكتمل ايام الجمعة والسبت لكون البنك اجازة ولا حل لديهم فى هذا الموضوع
اسف مرة اخرى على المداخلة الطويلة

[sodies]

إقتباس: اقتباس من مشاركة مارس للاستضافة      اخى الكريم بعد بيانات الاسم والعنوان ستجد مربع صغير به علامة صح وامامه الجملة Same for billing وهى تعنى ان البيانات السابقة نفس بيانات الكريدت كارد او الفيزا لو شيلت علامة الصح تظهر مربعات بيانات جديدة اكتب فيها اسمك زى ما هو على الفيزا او الكريدت كارد والعنوان وان شاء الله تتحل المشلكة To complete your order review the summary information below and enter your billing information. You will be able to access your account instantly after this step. تحت الكلام دا مكتوبلك التكلفة زيرو هو حضرتك مكنتش بتحجز حاجة ولا اية المشكلة ؟؟

بالنسبه للجزء الاول فعلا ده كان موجود فى الصفحه السابقه لدى
اما اتلجزء التانى فدى خدمة استضافع مجانيه لصفحة انديكس علشان كده مكتوب فيها زيرو
جزاك الله خيرا على التفاعل

[sodies]

إقتباس: اقتباس من مشاركة مارس للاستضافة      معلش سؤال اخير يا استاذ sodies هو افنت بروزور كويس ولا فيه مشاكل ؟؟ يعنى هو احسن ولا فايرفوكس

الافنت بالنسبه لى كويس جدا انا بستعمله من حوالى سنه
وكان السبب فى الاتجاه ليه هو انى بشتغل فى شركه بتعمل فلتره للمواقع وكان بيجيلى اكتر من 250 موقع متتابعين فى اليوم بكل اللغات
وبصراه الاكسبلور كان كبيره ساعه وبيهنج سواء 6 او 7 فى بدايه ما نزل
وجربت اكتر من متصفح حتى وصلت للافانت
وكان فيها مميزات كتير منها انه شبيه الى حد كبير بالاكبلورر وفى نفس القت الكوكيز بتاع الاكسبلورر بيتسيف عليه بعكس الفايرفوكس
وفى امكانيه ان يكون لك اكونت خاص بيكون فيه المفضله بتاعتك والصفحات الموجوده فى الهيستورى او شريط العنوان وكمان ترجمة جوجل للصفحه الكامله من خلاله
اما بالنسبه للافانت فهو جيد وفيه العديد من المميزات ولكن مع تجربته فى نفس المجال وجد ان الكثير من المواقع تكون غير معده للعمل مع الفاير فوكس وشكل الصحه معاه بيكون مش مظبوط فى هذه المواقع
وفى النهايه هى مسأله راحه شخصيه وتعود