[VBYAT]

بسم الله الرحمن الرحيم
السلام عليكم ورحمة الله وبركاته


اليوم راح اتكلم عن موضوع يشغل الكثيرين

وهو كيف نربح من الانترنت؟؟

بس قبل ما ابدأ موضوعي أحب أقولكم إن الموضوع

مش عن المواقع النصابة اللي تقول لك ادفع مبلغ كذا وهات أصحابك وراح تحصل على مبلغ كذا!!!

وأيضا مش عن المواقع اللي تقول لك راح ندز لك إعلانات على ايميلك وكل إعلان تفتحه راح نعطيك سنت واحد!!

تخيلوا!! عشان تحصل على دولار واحد لازم تكون فتحت 100 إعلان!!!

كل هالمواقع الغبية نصابة وتبي تسرق فلوسك ووقتك حتى لو كانت مجانية،، نصيحة لا تثق فيها أبدا حتى

لوقدرت تحصل مبلغ منها.. تأكد انها تاخذ أضعاف أضعاف أضعاف مضاعفة على اللي تاخذه انت مع انها ابتدت

من فلوسك وفلوس المساكين اللي مثلك ومثلي!!

طيب أجل كيف نقدر نربح من الانترنت؟؟

الموضوع سهل بس يبي له تخطيط ومساعده من الخبراء..

وتأكد ان الموضوع ماله أي دخل بالذكاء والعبقرية بل على مواهبك والأشياء اللي تحبها!!

راح أعطيك مثال

في واحد فاشل!!! مايعرف شي!! بس عنده موهبة وهي العزف على الجيتار.. وبهذه الموهبة فتح موقع فيها

دروس عن كيفية العزف على الجيتار وحط قيمة الاشتراك مبلغ رمزي لكن قدر ان يطلع من الموقع في خلال سنة

وحدة 200,000.00 $

هذا بس مثال واحد يعني غير الامثلة اللي الناس قدروا يطلعون ملايين من اشيا هم يحبونها..

وتصدقون ان اغلبهم مواقعم كريهة وتصميمها صفر!!

بس كيف قدروا يحققون هالنجاح؟!

اكيد احتاجوا مساعدة..

كثيرة هي السيديهات التعليمية اللي تعلمك بالضبط كيف تبدأ

راح أعطيك مثال عن أحد أشهرالسيديهات التعليمية والي هي:

Insider Secrets to Marketing Your Business on the Internet

معناها الأسرار التي تطلعك على تسويق عملك في الانترنت

وهي مكونه من 3 سيديهات وبعض الكتيبات الارشادية

وهاذي هي عناوين مواضيعها

الموضوع الأول: أفكار في بدء مشروعك وكيف تبدأ وبشنو تبدأ؟

يعني اول ماتكمل من هذا الموضوع اكيد راح تكون عارف شنو هو مشروعك بدون أي تذبذب وكيف يكون مشروعك عالي الجودة وكيف دايما تكون عندك افكار في تطوير مشروعك وكيف تقدر تسحب البساط من منافسينك وكيف تقدر تحافظ على أرباحك لسنوات عديدة وشنو هي أفضل الطرق اللي راح تربحك..

الموضوع الثاني: كيف يكون لك موقع خاص بأرخص سعر ممكن وكيف تقدر تتعامل مع الموقع وتوظفه لمشروعك؟

في هذا الموضوع راح يعلمك كيف تنشأ موقعك خطوة بخطوة وبأرخص سعر وراح يعطيك أدوات مجانية تساعدك على انتاج موقعك بسرعة وسهولة ومو بس جذي راح يعطيك أفكار تعلمك كيف تقدر تخلي زوارك يبقون أطول فترة ممكنة في موقعك ويشترون!! وأيضا راح يعيطك بعض الأسرار اللي تساعد على زيادة نجاح موقعك.

الموضوع الثالث: الأسرار اللي تضاعف أرباحك.

في هالموضوع راح يعلمك كيف تضاعف أرباحك اوتوماتيكيا ومن هذا الموضوع كثير من الناس اللي كان عندها مشاريع مسبقا استفادوا وقدروا يضاعفون أرباحهم!!

الموضوع الرابع: كيف تخلي الناس يشترون من موقعك؟

في هالموضوع راح يعلمك كيف تحدد الاسعار وكيف تكسب زوار.

الموضوع الخامس: كيف تخلي موقعك في أعلى محركات البحث؟

في هالموضوع ماراح تتعلم كيف يكون موقعك في أعلى محركات البحث وبس بل راح تتعلم كيف تخلي الناس يربطون موقعك بالمجان وتكسب زوار منهم وكيف تقدر تجذب الاف الزوار إلى موقعك كل اسبوع!

الموضوع السادس: كيفية أخذ الطلبات والدفع اوتوماتيكيا.

في هالموضوع راح تتعلم كيف تاخذ الكريدت كاردز وراح يشرح لك عن أفضل السيرفيرات اللي تقدم لك هالخدمة وخدمة سلة الشراء
Shopping cart

الموضوع السابع: الأسرار اللي ربحت المنتج اللي انتج هاذي السيديهات

طبعا المنتج اسمه كوري رودل وهو قدر يربح 40,000,00.00 من بيع هذه السيديهات التعليمية وكل الاسرار في هاذي السيدهات طبقها على موقعه..
طبعا مشروع موقعه هو تعليم الناس البزنز
المنتج له شبعية كبيرة وأغلب زبائنه حققوا نجاح باهر وبإذن الله راح اشتري سيديهاته وأطبقها.. (دعواتكم لي)

إذا تحبون تقروون أكثر عن هذي السيدهات اضغطوا هنا


طبعا الوصلة باللغة الانجليزية تقدرون تترجمونها ببرنامج الكافي

الحلو في السيدهات انك إذا ماستفدت منها تقدر ترجعها وتسترجع فلوسك.. (بس النجاح مضمون لما نتوكل على الله)

انا ما كتبت وترجمت هالموضوع إلا بعد ماشفت موضوع يقول (وين العرب من التجارة الالكترونية)

العرب موجودين وان شاء الله راح نشوف مواقع عربية تنتج وتستثمر بعيدا عن النصب!!
ومثل ما الغرب اقتبسوا من العرب في عصر ظلامهم وقدروا ينجحون!! احين احنا راح نقتبس منهم وننجح بإذن الله..

طبعا في مشكلة، انك إذا طبقت مشروعك يستحسن يكون عالمي يعني باللغة الانجليزية لأن وللأسف الشديد العرب مايدفعون إلا حق الهوست وحق في بيلتون
وثلاثة أرباع العرب مازالو يظنون إن الانترنت للتسلية فقط!!

أتمنى تكونوا استفدتوا
أطيب تحية

[لحظات]

اولا اشكرك على الموضوع المميز

ولاكن الربح الاول هو ربح الحقيقي هو الدعوه الى الله ولاكن الناس تقول انا مااعرف وخبرتي كلها مثلا بالاستظافة

طيب انا عندي لك حل وينشر الاسلام مثال

حط من شروط الاستظافة منع مواقع الاغاني ومواقع الجنسية ومواقع القمار والربا والتحايل على الناس

واللي عندة قائمة بريدية يرسل لمواقع فنانات وفنانين ومواقع التي هي مليئة بصور النساء هداهم الله

مايدرون ان الشباب يتأثر بهذه الصور والان اصبحت المرأة وسيلة للدعاية بالقنوات والمواقع وغيرها لاحول ولاقوة الابالله

ونشكرك اخوي على المقال

بس شلون اشتري السي دي ؟ هل يوجد بالسعودية يباع


وشكرا

[VBYAT]

صدقت والله واكيد الربح الحقيقي هو الدعوة الى الله..

ولما نربح من الانترنت مو معناته سوينا شي غلط لا أبد لما يكون مشروعك حلال بدون نصب بتتوفق وان شاء الله بعدها المشاريع الخيرية راح يكون لها نصيب كبير من أرباحك..

والله يوفقنا ان شاء الله

اخوي المجموعة هاذي ما تنباع إلا من الانترنت

بس يشحنون للسعودية

لازم يكون عندك كريدت كارد وأنا افضل إن يكون مسبق الدفع..

ادخل على هالوصلة

وانزل أخر الصفحة واضغط على

To have your copy shipped *immediately*,
please click here now.


كمل البيانات وراح توصل لك نسختك في أقل من اسبوع..





المشكلة ان المجموعة غالية اشوي يعني مع الشحن تقريبا 1200 ريال

بس وايد يمدحونها وكثير ناس يقولون انك راح اتطلع اضعاف على اللي دفعته في غضون شهر

الله يوفقك اخوي لما يحبه ويرضى

[referee]

مثال لمواقع الربح الواقعية و ذات الهدف

..... موقع تاميكوم

www.gotame.com