[hossamhamdi1986]

السلام عليكم و رحمه الله و بركاته

انا مش عارف ليه فكرت اكتب الموضوع ده بس يمكن حد يحب يشاركنى كلامى

اولا انا حسام كنت صاحب منتديين من اقوى المنتديات العربيه

اولهم كان نايل تيم كان 25 الف يوزر و قفله و مسحته
و كنت عارضه للبيع هنا http://www.arabwebtalk.com/showthread.php?t=9051
ثانيهم كان كايرو لاين و كان 30 الف يوزر و قفلته
و كنت عارضه للبيع هنا http://www.arabwebtalk.com/showthread.php?t=13897

المواقع دى كلها كانت حرام لان:
1- تحتوى على الاغانى
2- برامج مكركه او مسرقه
3- طريقه الاشهار كانت رسائل فضايح على جروبات الجنس بالياهو نعم انا اعترف بهذا

جروبات الياهو فى اول يوم افتتاح لنايل تيم سجلت 5000 عضو فى اول يوم فقط
و تقريبا وصلت لعدد 25 الف مستخدم فى ظرف شهر

و كذلك كايرو لاين


الان انا بعد مسحى لكل المواقع فتحت موقع جديد اسمه بحب مصر!

حاولت انى ابعد عن اى حاجه حرام لغيت الاغانى و البرامج و حتى فى اقسام المرأه بحاول احذف اى صوره بها مخالفه للشرع

لكن! للاسف الموقع بقاله 3 اسابيع و الاعضاء تقريبا صفر

عملت اعلان فى جريده الوسيط و دفعت 500 جنيه على اساس متوقع و لو على الاقل الف زائر

دخل حوالى 30 شخص فقط!

و ده تقريبا كان اخر مبلغ مالى كبير معى لانى صرفت كثير على المواقع من زمان و مكانش فيه دخل منها

حسيت بالفشل ليه اما انا كنت ماشى بطريقه حرام كنت ناجح و مشهور
و اول ما ابتعدت عن الحرام كل حاجه بقت صعبه وكل حاجه وقفت فى وشى

انا مبقتش عارف اعمل ايه حاسس بالفشل و حاسس انى تايه مش عارف اعمل ايه

ادمانى للانترنت و المواقع مش مخلينى ابعد عن المنتديات


انا الحمد لله توبت اللى الله و مش حرجع لاى حاجه حرام تانى

بس ليه الحلال صعب و ليه اى موقع حيمشى حلال لو مفيش معاه دعم مادى مش حيتشهر


انا حبيت اقول اللى جوايا يمكن حد يقدر يقولى حاجه تريحنى

اسف لتطويلى فى الكلام و شكرا لسعه صدركم و صدر سوالف اللى كان دايم العون ليا باعضاءه بعد الله سبحانه و تعالى

انا كتبت الموضوع من قبل فى سوالف و لكنى اعيده هنا مره اخرى

السلام عليكم

[osos_osos]

اصبر اخى فالصبر مفتاح الفرج وانتظر الفرج قريبا ويرزقكم من حيث لا تعلمون

اهم حاجه انك بعدت عن الاشياء الحرام ويمكن يكون ربنا بيختبرك مش اكتر

نصيحه خليك على نفس النهج وتوقع فرجا من الله قريب ولا تيأس

[هلا سوفت]

لو انك معطيني المنتديات واقلبها واحولها الى اقسام ادبيه علميه يكون افضل من المسح حبيبي

اذا عندك شي باقي خبرني انا محتاج منتدى فعال .. وراح احوله ان شاء الله من مخالف الى مسموح باذن الواحد الاحد

[دابليو ديزاينرز]

اصبر يا اخى ان الياس مفتاحه الفرج

[إيراب]

لا تستعجل شيء طبيعي المواقع المفيدة محد ينظر لها ولا تنشهر بسرعه

[hossamhamdi1986]

اشكركم اخوانى و ربنا يقبل توبتى و توبه اى انسان اخر ان شاء الله

[المحترف x]

الله معك اخوى والصبر

[eng.sultan]

لا إله الا الله محمدا رسول الله
الحمد لله وسبحان الله ولله أكبر
أخي مش عارف شو أقول لك غير مبرووووك
من التحرر اللي تحررته من الحرام والصبر مفتاح الفرج
إضحك للدنيــا تضحكلك وما تنسى انوا لا حياة مـع اليأس
وإن شاء الله تجد من يساعدك والله المعين وادعي ربنا واصبر فالصبر مفتاح الفرج

[abo7mza]

السلام عليكم ورحمة الله وبركاته
في البداية اخي مببببببببببببببببببببرووو وووووووك

وثاني حاول كل يوم تقول اللهم اني اعوذ بك من الهم والحزن ومن العجز والكسل ومن الجبن والبخل ومن غلبة الدين وقهر الرجال .
وان شاء الله حتشوف نتيجة طيبة خلي يوم كله اذكار وبالذات لما تفتح النت خلي الاذكار حياتك في كل ثانية ودقيقة في كل شأن في كل قسم تفتحه في منتداك في كل فكرة تجيك وحبيت تطبقها او لا .
على سبيل المثال والتذكير اللهم اني اسألك من الخير كله اجله وعاجله ما علمت منه وما لم اعلم واعوذ بك اللهم من الشر كله اجله وعاجله ما علمت منه وما لم اعلم.
والادعيه المأثورة كثيرة جدا بس للأسف مين يذكره والاهم مين يستعمله في اوقاتها وباستمرار والله الدعاء سلاح قوي
للي يعرف يستعمله.
انا لما حبيت افتح موقع فتحت موقع بيع وشراء عادي وعارف انه مكاسبه مش زي المنتديات لكن علشان ابعد من اي شبها رضيت بيه وان شاء الله ان الله سوف يفتح لي فيه ابواب الرزق من اوسعه لو كان لي خير فيه .
دايم حط في بالك انه الله هو اللي يعطي وأخذ .
والله يوفق الجميع لما يحب ويرضى وبالذات القائمين على هذا المنتدى الجميل.

[إلا الحبيب]

انشاء الله تقبل توبتك اخوي
والمهم انك عرفت طريق الصواب من الخطأ
وبإمكانك رؤية المواقع و المنتديات اللي ماشية على النهج الصواب
وناجحه بحمد الله واقرب مثال لك
الويب العربي فيه اكثر من 6000 زائر
ومنتدى ترايندت فيه اكثر من 6000زائر كمان

أهم شي تتوكل على الله وتحاول تكون عندك افكار جديده وتطبقها لانه خلاص المنتديات التقليديه اكتفينا منها

والله يوفقك ..



..

[w3egypt.com]

ممكن تستغل دوميناتك القديمه انك تعمل redirect على الموقع الجديد وحاول تخلى فى حاجه مميزه فى الموقع فكر فى فكره و ربنا معاك ان شاء الله