اكتر 3 حاجات بنهتم بيه فى حياتنا فى العصر الحالى الإنترنت والتلفزيون والمجلات والصحف معظمنا بيستخدم الحاجات دى كويسيله لتسلية وقت الفراغ وناس تانيه قاصده تستعملها كوسيلة للثقافه وناس تانيه بتستعملها كوسيلة ترفيه سريعه بعد يوم عمل شاق
لكن اثناء الاستخدام ده بيقابل الشخص او المستخدم معلومات فى كل دقيقه وكل لحظه .. ياترى الشخص شايف المعلومات دى ازاى !
فيه دراسات كتير اتعملت واثبتت ان معظم الناس بتعتبر المعلومات المقدمه ليهم فى التلفزيون هيا معلومات صحيحه وبدون شعور من كتر تفاعلهم مع التلفزيون بينسوا ان فيه احتمال ان المعلومات دى ممكن تكون غلط او مشوشه لصالح ناس او جهات معينه
نفس الكلام اكيد بينطبق على الانترنت والمجلات والجرائد
ياريت اى معلومه نتلقاها نحاول نتاكد منها وخصوصا اذا كانت هتكون وجهة نظر عندنا فى حاجه معينه لان تصرفتنا هتكون متأثره بالمعلومات دى
وده اللى بيحصل فى دول غربيه بتوصل لها معلومات مزيفه عن المسلمين من جهات اعلاميه مملوكه لجهات ليها مصالح انها توصل الصوره الغلط دى
نفس الفكره ممكن تطبق عندنا فى مصر او فى اى دوله عربيه ..
يبقى بعد الكلام ده مفيش حاجه اسمها معلومه صح 100% لازم نحط احتمال ان يكون المعلومه دى غلط ونقدر نتقبل انها تكون غلط
ولو شكينا نحاول ندور ونبحث عن الحقيقه بنفسنا
اتمنى تكون الفكره وصلت
المصدر / مدونتى
EgyOff Blogs - إنترنت تلفزيون صحافه معلوماتها حقيقه مطلقه لا تتقبل احتمال الخطأ !
إنترنت تلفزيون صحافه معلوماتها حقيقه مطلقه لا تتقبل احتمال الخطأ !
النمط الأُحادي
