نعم
واعتقد انها خطوه للامام
اختلف مع الاخوان اللي يقولون فيها ضرر على الغير رسميين ومن خلال تجربتي لمدة 3سنوات تقريبا والراسم للتصميم موقع شخصي يقدم خدماته عن طريق النت والحمد لله الارزاق بيد الله ولا لقيت اي مشكله والنت مليان شركات رسمية وكلن بيجيه رزقه مثل ما كتبه الله عز وجل له يعني مستحيل ينقص من رزقك او يزيد عن المكتوب لك والمسأله هذي مسألة عقيده مافيها كلام .
صفة الرسمية شيء حلو وله هيبه
لكن كل شيء له ثمن !!
الشركه الرسميه محسوب عليها كل شيء كل تصرف او مشكلة او خدمه تقدمها بعكس الغير رسمي هذا ماخذ راحته على الاخر يعني محد يراقبه او يحاسبه ممكن في اي لحظه يقفل موقعه ويروح بيتهم
محد يقول له ليه .
وهذا يقودنا لأهم نقطه واللي مافيه احد ذكرها
ما الفرق بين شركه رسميه وغير رسميه ؟
او بمعنى أصح ما هو الشيء اللي يخلي العميل يتجه للشركه الرسميه ؟
لا سجل تجاري
ولا تلفونات وفاكسات
ولا مكتب وعنوان
ولا ولا ولا ولا
كل هالامور خرابيط ما تأكل عيش وجودها مثل عدمه إذا جاء وقت اللزوم !!!!
المهم والأهم والسبب الحقيقي لأفضلية الشركه الرسمية واللي يضمن حق العميل هو شيء واحد فقط لا غير
العقد الرسمي الموقع والمختم بختم المؤسسة
هذا هو سبب الأفضليه واللي يضمن للعميل حقه ويضمن للمؤسسه حقها ويوديها في ستين داهيه لو حاولت تلعب بذيلها او تبتز العميل مثل ماهو حاصل الان .
اغلبنا تعامل مع شركات اجنبيه او داتا سنتر هل فيه واحد تعامل معهم كذا بدون عقد ؟
او ما مر عليه اختيار يقول ( موافق على العقد ) او اي كلمه بهالمعنى ؟
ماعتقد ، واغلبهم يقول لك اطبع العقد ووقعه وارسله لنا على الفاكس الله لا يهينك
هل نحن يالعرب نتعامل بالعقود ؟
من زين القوانين عندنا آخر شي نفكر فيه العقود خخخخخخخخ شر البلية ما يضحك فعلاً
الان لا قانون زي الناس يحميك وفوق هذا ما توقع عقد ولا تشيل همه ؟
مو لازم عقد يعني مشوار وتعال وقع وخذ نسخه لا لا لا هذا احنا مع الامريكان نوقع عقود ونسلم ونستلم على الانترنت ومافيه اي مشكله ماشيه الامور زي الحلاوه وعقود ملزمه لك ولهم .
هذا هو الفرق يا اخواني الاعزاء بين شركه رسمية وغير رسميه
اي شيء ثاني ماله اي معنى مجرد شكليات
اشكر الاخ اللي طرح هذا الاقتراح
واتمنى نفكر فيه اولا بعقيده صحيحه وقراءه موضوعات عن التوكل على الله فيها فائده عظيمه فعلا وتقدر تبحث عنها عن طريق قوقل .
ونفكر فيه ثانيا بقدر من المسؤليه والنضج
تحياتي
النمط الأُحادي
